الـعـيـن تنـظـر للرجوم الطويله=والـقـلــب مـاكـل الـمـنــاوي يـنـالـه
طالت عمار نفوس عاشت عليله=ومـات الـذي حـيـلـه يـشـادي جـبـاله
واللي تعجل في خـطـات الحـليله=يلـقـى الـمـهـونه والـردى في عـيـاله
يجي ولـدهـا مايطـيـق الـثـقـيـله=وهـذا جـزاء اللي مانـشـد عن خـوالـه
ومن ضاع يلقى بالـمـشاور دليله=يلقى بـشـور اهـل الـمـعـرفـه عـداله
والـبـنـت لو كانت رموشه ظليله=ركـضـك وراهـا هـي عـلامة هـبـاله
ماراح تـشـرب مـن نقاوة صمـيـله=دامـك يـمـيـن وهـي تراعـي شـماله
واصبر على الغالي اليا بان مـيـله=الـنـفـس صـعـبـن بالخـلايـق كـمـاله
ومن قال قولن صعب تبديل قـيـلـه=احـلـى مـن الـروغـة اليا جـاء مجـاله
ومـن بـاق لاتـرجـي وناسـة مقيله=يرجـع يـبـوقـك لو بـبـطـنـه جـمـالـه
ومن يجحد المعروف حذرا تجي له=لـو دخــت لاتـقـرب طـوارف دلالـه
ومن عاف قربك وابـتـعد في رحـيـله=مـن غـيـر مـاتـوذيـه خـلـه بحـالـه
وجـمـاعـتـك لاذقـت مـنـهـم مـلـيـله=ارحـل وتـلـقـى بـالـوسـاعـه بـدالـه
وش لك بـمـقـعـادن ونـفـسك ذلـيـله=مـادمـت رجـلـن مـن نـوادر رجـالـه
ومـقـعـاد عـزه لـو فـلـوسك قـلـيـله=ولا الـمـذلــه فـي ونـاســة ظــلالـه
ثـوب الـمـعـزه والـشـقـوق بـشـليله=ولاكشخـتـك وسـط الـردى والـرذاله
ورفـيـــق جـــدك لاتــدور بـديـلـه=اصبـر عـلـيـه ولـو ظـهر لك خـماله
وعـدو جـدك لـو فـعـولـه جـمــيـلــه=لابـد يـومــن يـجـدعــنــك حـبــالـه
ولاتـرتـجـي رجـلــن كـفـوفـه بخـيله=لو تـمـتـلـي كـل الـبـنـوك بـحـلالـه
واصـبـر عـلـى دنـيـاك لامـال شـيـله=والطيـب فـي رجـلـن يطيق احتماله
والحـمـدلـلـه عــد مـاســال ســيــلــه=وعــداد بـرقــن فـي مـثـاني خـيـاله
العضو الأكثر نشاطاً هذا اليوم 
العرض المتطور
