مايرقد اللي غبون الوقت قدامه

[poem=font=",6,black,bold,normal" bkcolor="transparent" bkimage="http://www.b3b7.com/vb/mwaextraedit2/backgrounds/3.gif" border="solid,4,black" type=2 line=0 align=center use=ex num="0,black""]

يـاويـل عــيــنــن يـروح الـلـيـل مـانـامـه=والكـبــد عـافــت غــداه وزيـن مطـعـــومه
مايـرقــد الـلـي غـبــون الــوقــت قــدامـه=ودروب خــلــه مـن الحـــســاد ملــغـــومـه
لاضاق صدري غـمــسـت الروح باوهامه=ومن ذاق مثلي جـحـيـم العـــشـق ماالـومه
امسـيـت اعــدد لـيــال الـهـجــر وايـامـه=والروح من شـوف نـور العـيــن محــرومه
واركب على اللي يــدوج الـبـيـــد صـدامه=يـطـوي دعـوث الفـياض الفـيح ورجـومـه
مـا حـط راعـيـه فـوق الـخـــشـم كـمـامه=غــمــارتـه عـن غـــبــار الــدرب مـكـتــومه
بخـــاخ يـازن وقــــود الـنــار صــمــامـه=وخـطـوط طـيـبـه علـى الجـنـبـيـن مرسـومه
مـراتـبـــه نـقــوة الـــديـبــاج مـن خــامـه=ودفـاتـر الـمــشــتـرى بـالــدرج مـخــتـــومه
الـنـور يكــشـف نـزول الــقــوم وخـيــامه=ومـســاعــداتــه مـن الـــيــابـان مــبــرومـه
بـيـن الـتـوانـك يحـكـم الــعـــدل قــســامه=ولا طـال طـعـســه يزود الـجـيــب بـعــزومه
ماقـيـل صاحت قــزوز الجـيـب مـنـضامه=او شـيـــف واقــف سـنـون الـتـرس مـفـرومه
مـاهــو عـراوي تحــطـــك وســط دوامـه=كــم سـايـقـن صـار نـثــر الـزيــت بـهــدومه
صـنـعـة دمـاغــن نجـح مـاشـال بـرشـامه=مـاراح يـطــرد عـــشــيــرن من ورى دومـه
فـيــه الـمـسـجـل يروح الــدرب بانـغـامه=وتحـت الـمـراتـب سـيــور الجـيـب وطـقـومه
ادبـال تـنـهـض حـديـد الـبـدي وعــظــامه=وتـوايــره مـن وكـــيــل الـصـنــع مـرشـومـه
الـبـــدي مـاحــاسـه الـوغــدان بـاقـــلامـه=وراع الـولــع مـايـهـاب الــزود فـي سـومــه
يـشــبـه شــيـاهـيـن راس طـويق لاحـامه=الـلـي ربــت في طــويـل الـظــلــع وحـــزومـه
يسـري وقـلـبــه عـلــى شـكــواه وهـيــامه=مـع خـايـعـن يجــذب الـسـهــران بـنــجــومـه
يرقـى نـوايـف قـــطـــاط الــطـعـس لاهـامه=لـو هـي تـلامـس نـهـيـض الـمـزن وغـيـومه
عـدك تـشــاهــد مـقـاطــع بـونــد وافــلامه=يطـرب خـفــوقـــن يـروح الـلـيــل بـهـمــومـه
ذيـبــن حــداه الـزمــان الـشـيــن لـصـيـامه=يهــرف وكـبــده بـنــار الــجـــوع ماســومــه
والا طـلــيــبــن وبـان الـحــكــم بـاعــدامـه=وعـيــال عــمــه هـــم الـثــوار وخـــصــومــه
روحــه عــن الــدار خــوف الـثــار شــوامه=وياويل قــلــبــن يخــاف الـمـوت من قــومه
كـلــه لـشــوفــة عـشـيــرن غــاب مكــلامـه=الـلـي رمـى الخــافــق الـمـذبـوح بـسـهــومه
ولا اشـوف زولــن بقــلـبـي طـالـت اعلامه=خــلا الـمـغـــثــه لـوســط الـجــوف محـتـومه
والـبـيــض لــو ذقـت مـنهـا الطـيـب ما دامه=لـك يـوم تـفـهــم هــوى الـعـذرى ومفـهـومه[/poem]

الموضوع الأصلي: مايرقد اللي غبون الوقت قدامه || الكاتب: فواز الغسلان || المصدر: منتديات بعد حيي

www.b3b7.com

كلمات البحث

مواضيع اسلامية، مواضيع عامة، قصائد، هاكات ، استايلات