شرعان ابن فهيد ابن حمود ابن رمال
رجل من اهالي جبه العذيه شاب حضري ويحب الباديه عاش قبل مائتان وخمسين
عام تقريبا" وله تطلعات لأخذ مكانه بين قومه الرمال بالقوه
وفي يوم من الايام حصل خلاف بين البدوا والحضر
في جبه وساند البدوا وزعلوا عليه ربعه القريبين عمامه وابنائهم
والشيخ جارد ابن رمال كان من ضمن من زعلوا عليه
فحاول ارضائهم وهم يحاولون ان يردوه بأي وسيله لكي لايصبح
الخلاف بين الرمال وتعظم الامور وقال احدهم
شرعان عاصي علينا ولكن ارسلوا عليه زوجته وهي ابنه عمه غاليه عليه
لكي تقنعه بأن يسمع كلام ربعه فكانت النتيجه عكس
ماتوقعوا فضربها ومن شده غضبه طلقها وكان موقع الحادثه
شرق جبل ضراس بجبه وبعد فتره حن لزوجته
واراد ان يرجعها فقال له عمه ياشرعان الضاهر ان امرتك حرمت عليك
ولكن على شان نتأكد نبي نروح يم الشيوخ ونسألهم
وفعلا" ذهبوا وكان يوجد بجبه شيخين الاول اسمه دايس والثاني
درباس ولما سألوهم افتوا بأن المره قد حرمت عليه فضاقت
به الدنيا بما رحبه وشكى الفرقا والهم والضيم بأسباب فعل
يده وهاجر للعراق يم ديار الظفير فشاهد عجاج وغبار
تلك الديار فحن وتوجد بهذه الابيات:-
[poem=font=",6,darkred,bold,italic" bkcolor="transparent" bkimage="" border="none,4," type=1 line=0 align=center use=ex num="0,black""]
لي صاحب ماطب نبعه وابـو غـار=ولاشـاف جيـان تثاكـب عجاجـه
بغبيط عياش مـن الملـك ماصـار=منها مهاب الليـل بـس انسهاجـه
عليه قلبي دايـم فـي وهـج نـار=ورجلي على عد المشاريف ساجـه
لو ينشكي حبه على رجف الاطيـار=في ريشها عن خضر الارياض راجه
ابوثمـان كنهـن شخـب الابكـار=اوسكر البكـري بساعـه خراجـه
والردف شطح وغير بين الازهـار=عليـه ضيـر ورايمـات بـلاجـه
والراس زين محجل عقب مشـوار=والعين عين اللي على الجول راجه
[/poem]
[align=center]
وبعدها توجه للمنتفق عند الشيخ ابن سعدون الاشقر
وهو مشري ابن سعدون وقد وجد عند الشيخ رجل وشكل الرجل
غريب مثله وسأله شرعان من وين انت يارجل كمقدمه
للتعارف بالغربه فقال الرجل انا وسحب الربابه وقال انا بجيبك
عن سؤالك بالقصيده على الربابه وان كنت شاعر تبي
تعرف انا منين وسحب الرجل الربابه وقال:-[/align]
[poem=font=",6,darkred,bold,italic" bkcolor="transparent" bkimage="" border="none,4," type=1 line=0 align=center use=ex num="0,black""]
يامحلا المسنـاد عقـب المرابيـع=ياطيرت شقـح العشايـر وبرهـا
لديار نسمـات الريـاح الذعاذيـع=ياقارنـت نجـم الثريـا قمـرهـا
من فوق سروج ملاويات المصاريع=مع لابه بالكـون يعـرف خبرهـا
[/poem]
فقال شرعان ونعم بك يالرويلي فقال الرويلي وانت منين
فقال شرعان شمري قال ادري انك شمري لكن من ايات شمر
فقال شرعان عطن الربابه ولعب عليه ويقول:-
[poem=font=",6,darkred,bold,italic" bkcolor="transparent" bkimage="" border="none,4," type=1 line=0 align=center use=ex num="0,black""]
ياماحلا على الصهيـه لواميـع=وحتى الضحيه سال فوقي وعرها
من غر مزنن ناشيات مطاويـع=على الجبل والنفد يضفي مطرها
تسقي ديار مدوريين المطاميـع=من فوق عيرات توامى سفرهـا
لي لابـه ماجمعـت بالمجاميـع=كم عقبه بالقيض غنـوا بثرهـا
[/poem]
فقال الرويلي ونعم بك يالرمالي وتعارفوا وتصادقوا
عن مشري وزاد غلاهم عند مشري واعزهم واكرمهم
ومره من المرات ركب شرعان فرسه وصار براس قاره قريبه
من عرب الشيخ مشري وسأل الشيخ مشري عن شرعان
لانه أغلاه ولايقدر يفارقه الاباليل عند النومه فقالوا له بعض ربعه
والله ياطويل العمر غابته الشمس براس المشرفه
ولاندري هو حدر منه او به فركب الشيخ فرسه وذهب
يستطلع الامر فشاهد شرعان وفرسه براس المسرفه فقال شرعان
فقال شرعان نعم ياطويل العمر قال وش عندك بهذا
قال شرعان اشوف خيول على المنشى واقرب مالهن ديار اهلي
فقال لاياشرعان ماهذا اللي جابك أخاف انه حاسك من ديره
الشيوخ محسوس فقال حشى والله انتم اهل كرم ومرجله
ولايمكن ان تطلع منكم العيبه فقال شرعان هالقصيده يرد
على الشيخ مشري ابن سعدون:-
[poem=font=",6,darkred,bold,italic" bkcolor="transparent" bkimage="" border="none,4," type=1 line=0 align=center use=ex num="0,black""]
يأمير ياشيـخ النقـى والسماحـه=شيخ الشيوخ اللي بعـاد مداليـه
دارك بها من عزه النفس راحـه=لولا اشطون بالضمايـر تشاقيـه
ولو ان دمعات الضمايـر مباحـه=بكيت ياما الدمع تيبـس مجاريـه
ياشيخ جمـع مايزحـزح رحاحـه=حر شهـر كـل القبايـل تداريـه
خيـال شقـح مايرتـب طياحـه=ومضيف سبلا ماتصرف صيانيـه
في راس رفاع الشفاء من بياحـه=ذكر علي وقت شفاتـي مشافيـه
من مزنه غـراء بعيـد ضحاحـه=برقه ينوض وزامي الارض غاطيه
علل حيالـي خاطـري بنشراحـه=وجلس احدد وين حروه مشاحيـه
عسى على غربي رخيمه مطاحـه=واليا تحدر نايـب النفـد يسقيـه
وعسى على جبه يسيل انبطاحـه=وضلع ام سنمان يسيـل نواهيـه
يسقي ديار مـن فقدنـا أمراحـه=غصب علينـا ياتطريـت نبكيـه
من ذاق لين اترابهـا وانبطاحـه=ماعزتـه بعـد الديـار المهاميـه
به لابتي بالكـون تدمـي رماحـه=ياديرت عوص النضا بالرهاريـه
غفيلات عربين النسب والرواحـه=مـن هاشـم دار النبـوه مزكيـه
طلبت مرقاب من دونـه مشاحـه=والطير عندي قاصـرات رياشيـه
جتني من الادنين كثـر الدماحـه=ولالي على بعض الرفاقه مشاريه
الخيل تغـذى للوقـا والشفاحـه=والسيف شغاله للارقـاب حانيـه
ياصار مايمنـاك ترفـع اسلاحـه=بعد الديـار ولامريـض تراجيـه
[/poem]
وبعد القصيده لم يستطع الجلوس اكثر عند الشيخ مشري فقال للشيخ
الديار تطلب هله فعرف الشيخ مشري انه لايستطيع
ان يرده فقال حنا نعين ونعاون ياشرعان جهزوا لشرعان الذلول و المعيشه
وغرب يم حايل واول ماجاء مراحهم يوم هو
يطلقه يامار محذى على الدمانه راجم من العشب كانت سنه خير
والعشب واجد يامار هذي هوادي القدر ويرقب راس ضراس
ضليع بوسط النفود شرق من جبه ويتوجد بعد ماعلم انه افلس
من زوجته وكاد الهم ان يقتله ويسند على احد ربعه
ويسمى ابو وناس ويقول:-
[poem=font=",6,darkred,bold,italic" bkcolor="transparent" bkimage="" border="none,4," type=1 line=0 align=center use=ex num="0,black""]
ياراكـب ثنتيـن يشـدن الاقــواس=مـن دار ريضـان الحجـر حركـنـي
محنونـوات مثـل الاقـواس جـلاس=من فوقهـن واحلـوا صـوت المغنـي
بس الدويـرع والميـارك والاقـواس=وسفايـف بـيـن اربـعـه يلعبـنـي
توجهن مع غيبـه الشمـس للسـاس=وسجـا" سـواد اللـيـل مابركـنـي
حطن علم عزفا يسـار مـن الـراس=والظهـر مـع ورد الحفـر يشربنـي
وحطوا لهن مع حثله الحضـر بـلاس=عن الحضر واللـي بالخـلا يسرحنـي
واليالفيتـوا عنـد مدقـوق الالعـاس=الجـادل الـلـي بالمحـبـه محـنـي
قولوا على حبل الرجا نطـوي اليـاس=والبيـض غيـره كلهـن يحرمـنـي
والله يعـلـم بالخفـايـا والاجــاس=حبن مضى من صغـر سنـه وسنـي
ياعم ياللـي طعتبـي هـرج الانجـاس=طاوعت هرج الناس واخلفـت ضنـي
أطعـت بـي ياعـم دايـس ودربـاس=جــوازع صدقـتـهـا وابـعـدنـي
ومن لاخذا من درس الاسلاف نبـراس=تمضـي حياتـه بالـرجـا والتمـنـي
تسبـي خواطرهـم الياجيـت عسـاس=ماتقـل انـا منهـم والاأنـت مـنـي
أقفيت اديـر بخاطـري كـل هوجـاس=علـى وليـف بالحشـا غـاب عنـي
ومريـت دار ماتقـل جتـه الاونـاس=ونيـت ودمـوع العـيـون أذرفـنـي
جيت المراح اللي به العشـب محتـاس=العشب فـي مضـرب وسـاده معنـي
محذا سمـاد النـار ومشاقـه الـراس=وثــلاث لايـبـكـن ولاينبـكـنـي
لي بنت عـم ماوطـت درب الادنـاس=دنـسـت يــوم النـسـا يدنسـنـي
ضربتها وانا احسب الضـرب نومـاس=وطلقتهـا يـوم افخـت العقـل منـي
ياناس كيف العين تبكـي علـى نـاس=وكيـف العيـون بلارمـد يسهـرنـي
لوينشكي حبه علـى الطيـر قرنـاس=جـاه الضحـا فـي ماكـره مستكنـي
ولوينشكي حبه علـى قـب الافـراس=عيـن نهـار الـكـون لايفزعـنـي
ولوينشكي حبه علـى الميـت مانـاس=يثـور مـن بيـن النواصـب يونـي
ولوينشكي حبه على ذيـب الاخمـاس=يسـرح مـع الطلـيـان مايجفلـنـي
ولـو البيـوت مشددينـه بالـمـراس=عيـن مــع الخـفـرات لاينبنـنـي
وحتى النجوم اللي مـع الليـل غـلاس=لوينشكـي حـبـه لـهـن وقفـنـي
ولو ان غوطه وام سنمـان وضـراس=يدرنـي بمـا قلبـي لحـبـه يكـنـي
تلقى سهل جبـه عضـاض ومنحـاس=وراس الجبـل بالقـاع صـار متثنـي
اشرفت راس ضراس من فوق الاطعاس=ولالـوم طــراد الـهـوا لويجـنـي
وهليت دمع العيـن واوميـت بالـراس=ورافقت كـور العيـس يامـا ابعدنـي
وابعدت نفسي عن شفا كـل وسـواس=البعـد احـلا مـن حيـات التجـنـي
انـا زبـون الحـرد للخيـل مدبـاس=ياكلشـن شهـب الشـوارب نخـنـي
نفسي تشوم عن التدلبح مـع السـاس=ولاعاش من هو عن خصيمـه يكنـي
من شيدوا زبنه على غيـد واغـراس=اليانسـيـت ارسومـهـم ذكـرنــي
ياعـم ليـه تكسـر البـاس بالفـاس=وانت تشـوف ارسومهـم مـا محنـي
لوصرت انا المقلاع ماشلت الاضـراس=والمـوس مايقطـع ابلـيـا مسـنـي
ياصار ماربعك علـى الـراي جـلاس=وجنحـان طيـران السعـد يلفحـنـي
تصـيـر دوم للطقاقـيـر مــدواس=مثـل الـذي يتبـع صفيـر المغـنـي
والحمـد للـي خالـق كـل الانفـاس=واعطى وسيـع القـاع مافيـه منـي
دار بـدار ولامنـاحـات الانـجـاس=ياصـار مـن يمنـاك عينـك تزنـي
في عقله الغـراف مـن جلـه النـاس=ولاني بمن يرجـي الفطايـس تحنـي
دار بها الاكـرام لـولا بهـا الحـاس=دايـم يذكـرنـي ليـالـي مضـنـي
والله لـولا بكرتـن يـابـو ونــاس=حبه سكـن بقصـى الضمايـر مكنـي
والله لوهـي ماتبينـي فــلا بــاس=لكـن حبـلات النـجـوس اطـردنـي
[/poem]
وارجوا المعذره على الاطاله
ودمتم برعاية الرحمن
العرض المتطور
