[poem=font="simplified arabic,6,green,normal,normal" bkcolor="transparent" bkimage="" border="double,4,green" type=2 line=0 align=center use=ex num="0,black""]
مدي من اوكار راسي واسرحي صوبه= ياجملة افكار متعب والاحاسيسي
يم ادعج العين دكي تقل مركوبه= اللي على كورها كسابة العيسي
مري على هاجرتني بس هالنوبه= وداع الاموات والاعلام تنكيسي
طعنات الايام له في خافقي هوبه= حدر المحاني كما صفق المراويسي
واقلبي اللي كواه الهم بعجوبه= لين المعاليق من صلوه ميابيسي
لامن طرالي هذاك الولف واسلوبه= راعي ردوفٍ تشادي لطعاميسي
ياشبه من ميزه شكله ودبدوبه= دونه سرايا الرمك حدر المطاويسي
اليا ذكرته ادوج البر واجوبه= على المراقيب كني هايم القيسي
فرقاه وقدة غظى بالصدر مشبوبه= والعين في محجره مثل الدبابيسي
ياعزتي للمولع عقب محبوبه= تقل بصدره يشبون المقابيسي
[/poem]