,,... ارفع يقينـ سما ــــــك ...,,

10-23-2009, 02:10 PM

مع التحيه والتقدير للكل .

[poem=font="simplified arabic,5,blue,bold,normal" bkcolor="transparent" bkimage="" border="none,4," type=2 line=0 align=center use=ex num="0,black""] مدري من اللي دعاني يا مليك ودعاك=حتى ملكت المشاعر كلها يا مليك
روحي معي وانت روحي فوق وزنه معاك=والامر ما كان فـ يديني ولا في يديك
زايمت الاثقل وعانيت العنى من عناك=وانت بذرا عن عواصيف الجفا ما تجيك
والهجس برض(ن)تشيلك والخيال بسماك=والطيف لا مرني قلت الله اكبر عليك
يسعد صباحك ويسعد مع صباحك مساك=اقولها كل ما جيت انتظر واحتريك
انت زعلك با الثواني للخفوق ارتباك=ونهايت الصبر بحدود الدقايق وشيك
كل ارتباكي زعل يركد بلحظة رضاك=لنك لحالك تنوش الحس مالك شريك
قبل امس لين امس حتى يومنا وش بلاك=ارفع يقينك سما والشك لا يعتريك
جيت اشتكي لك همومي والدوافع غلاك=نسيت همي على شانك وقمت اشتكيك
تطلع وتنزل ولكن ما نزل مستواك=من فوق حد السحاب وخاطري محتميك
موت(ن)على موت كلك موت يا لعن اباك=لاوالله اسف وانا ابغى اقول يا لعن ابيك
اقصد بشرع الغلا والا حياتي فداك=دام الغلا ترتديه وهو بعد مرتديك
عساك تبقى على مسرح خيالي عساك=عساك تبقى ولا قبلك ولا احد(ن) يليك[/poem]

وسلامة عيون من تابع

الموضوع الأصلي: ,,... ارفع يقينـ سما ــــــك ...,, || الكاتب: مرزوق الرمالي || المصدر: منتديات بعد حيي

www.b3b7.com

كلمات البحث

مواضيع اسلامية، مواضيع عامة، قصائد، هاكات ، استايلات

10-23-2009, 03:54 PM

صح الله لسانك يالرمالي
كفيت وفيت يلبسك العافيه على القصيده
الوافيه

معرض الوسام · 10-23-2009, 04:00 PM

صح لسانك على هذه القصيده الطيبه
والرائعه بروعه حضورك

تقبل الود

10-23-2009, 04:01 PM

مرزوق الرمالي
صح لسانك ولك أعذب تحية
وعلى الرحب والسعة ..
قصيدة عذبة
من شاعر معروف

10-23-2009, 04:02 PM

يامرحبات كبيرات شاعرنا مرزوق الرمالي
صح لسانك على هذه الرائعة

تعودنا منك الإبداع

والحمد لله على السلامة .

معرض الوسام · 10-23-2009, 06:09 PM

مرزوق الرمالي

ياخي انت عذب ورائع

كل ماجيت ارد عليك امسح حروفي

مالقيت حروف جديده استطيع أن اقولها لك

فا انت شاعر تسحر الالباب بروعة مشاعرك
وروعة مفرداتك

صح لسانك ملايين ولايسدون