القمـــــــــــــرااااااااااااا

شروق الشمس يوحي بالبدايه والحياه اعـداد
وتغرب والأمل شيخٍ جلـس لمشاهـد القمـرا
يمازحني زمانـي كنـه الا قـال "هيـا عـاد"
ترى كل الخطوط اللـي امامـك كلهـا حمـرا
قليل اللي يصادق ماله من اللي عرفـه مـراد
قليل اللي تشوفه وقت ما غط السمـا غـدرى
بخلوتنا ضعوف ولا تواجهنـا نقـول اسيـاد
ولا يملا محاجرنا سوى مـد النظـر صحـرا
ليا جاء العيد ما يتغير الا ان الثيـاب اجـداد
ونعرف كيف نرسم في الوجيه الضحكه الصفرا
نسب الحي وليا مات قلنا الحـزن فينـا ازداد
ولا نرضى نقول الواقـع ان نفوسنـا قشـرا
متى تزهر خواطرنا بنسمات الهبـوب بـراد
متى نشوف الصحاري القاحله بعيوننا خضـرا
حلمت البارحه كن العطش من ديرتـي منبـاد
وكن الأرض محروثه ولا باقي سـواء نـذرا
وخذاني البرق في لوحة سماه وغيمه الجـوّاد
وسيلا لا جرى يحفر بوجه الأرض له مجرى
تصدق.. شفت انا ذيك الغيوم تغازل الرعـاد
وحبات البرد لؤلؤ تدحرج من صـدر عـذرا
صحيت ولا لقيت الا فـراش الواقـع المعتـاد
وحلـمٍ لا تمنيتـه بحاضرنـا غـدى ذكـرى
"يجيب الله مطر" كلمـه تعودنـا تقـال عنـاد
وتبقى المزنه اللي من زمـان نخيلهـا حـدرا

الموضوع الأصلي: القمـــــــــــــرااااااااااااا || الكاتب: الـ ساري || المصدر: منتديات بعد حيي

www.b3b7.com

كلمات البحث

مواضيع اسلامية، مواضيع عامة، قصائد، هاكات ، استايلات

بخلوتنا ضعوف ولا تواجهنـا نقـول اسيـاد
ولا يملا محاجرنا سوى مـد النظـر صحـرا


صح لسانك أخوي ال ساري وسلمت يمينك ولاهنت وربي قصيده جزله من شاعر جزل

ننتظر جديدك

تحياتي وأشواقـي
نزفــ المـشـاعــر

شروق الشمس يوحي بالبدايه والحياه اعـداد
وتغرب والأمل شيخٍ جلـس لمشاهـد القمـرا
يمازحني زمانـي كنـه الا قـال "هيـا عـاد"
ترى كل الخطوط اللـي امامـك كلهـا حمـرا



صح لسااااانك ........ولاعدمنااااااااك يالغالييييييييييي