الغريبه

[poem=font=",6,orange,bold,normal" bkcolor="black" bkimage="" border="double,4," type=2 line=0 align=center use=ex num="0,black""]


قــــال الــــذي صــــاغ الـبـيــوت الـبــارعــه=كـالـمـاس فـــي عــنــق الـفـتــاة الـفـارعــه
قــــــافٍ بــريــضــان الـضــمــايــر زارعــــه=مــيـــراث شــيــبــان الـــجـــدود الـراحـلــين
تـشـفــي جــــروحٍ بـالـضـمـايـر نـاضــحــه=بــانـــت عـلامــاتــه بــوجــهــي واضـــحـــه
اجــحـــد وطـعــنــات الــعـــذارى فـاضحــه=والــلـــي بـمـكـنــون الــعـــرب لازم يـبــيــن
وهــــــذي تـحـالــيــل الــقوافــي والــشــعــر=الــلــي جـزيـلــه بـالــعــرب مــالـــه ســعــر
واتـــــرك سـوالــيــف الـمهبل والطعر=والـلـي مـلـى بالـشـعـر كـيــس وباغـتـيـن
واشعار طي اللي شهيرن قـافــهــا=وطافت بـحـجــر ديارنا واحـقـافــهــا
ونلــعــن غلايق قافها وسـقـافـهــا=ونرضــى شـهــادات الـرجــال الفـاهـمـيـن
مـــن دور حـاتــم فـــي نـصـايـح زوجـتــه=واشـعــار زيـــد الـخـيــل داجــــت دوجــتــه
وبــــحـــــور ابـــوتـــمـــام زادت مـــوجـــتـــه=نـــــار عــلـــى قــمـــة جــبـــال الـنـاظـمـيـن
الــــنــــاس مــــازالــــت تــــــــردد حــكــمــتــه=ولا هــمــهــا خـــبــــل يـــحــــاول لـكــمــتــه
شـــــاف الـســوالــف مـاتـعــالــج زكــمــتــه=وخـيــول قـيـفـانـه غــــدت كــلــه هـجـيــن
فكري غدى نــبــع الـقـصـيــد ومـنـجـمــه=ويجمع قـوامــيــس الكلام ومـعـجــمــه
والــلــي يــبـــي رب الــخــلايــق يـنـجــمــه=يضيـع لـو شـاف المبانـي شـوف عـيـن
نظـمـت جــزل الشـعـر يـــوم انـــي طـفــل=وعزلت حكم الفـرض عن حكم الــنــفـــل
لــــو مـاظـهــر لــــي امـسـيــه والا حــفـــل=او لــقــبــونـــي يـــاامـــيـــر الــســاحــتــيــن
وهذي لصاحب مال والا اللي ملك=والا صديق الشيخ دامه ما هلك
او منصبه عالي مثل نجم الفلك=اللي مع الشاشه لهم حصن حصين
الـشـعـر والشاشه لشـيــخان الـخـلـيـج=اللي قـصـايـدهــم مـنـاهـجـهـا مــزيـــج
مـثـل اخـتـلاف الـلـون بـأفـواج الحـجـيـج=وفي كل ليله يطلعونه ساعـتـيـن
يذكر جروح الكرش تنزف في مهل=ومن الغثى داج المواعر والسهل
ومن وادي العلقم وينبوعه نهل=ومن القهر مانام يوم وليلتين
الشيخ يشكي بالقصايد حالته=وهو في فرنسا ساجع مع خالته
وان داخ طيارات لندن شالته=وشعره يقول انه سهر ليله حزين
ومدري لراع الفقر الاقشر وش ترك=اللي من همومه على الجمره برك
وهو لو يضيق لباب واشنطن فرك=ما راح ليله يجزعه كثر الحنين
وجمر السهر يقعـد مـع الرجـل المريـض=أو عـاشـقٍ ليـلـه مـثـل لـيـل العـضـيـض
ويرجي نصيبـه ياصـل الريـم الغضيـض=أو جــاه مـــن جـيــش اللـيـالـي غـارتـيـن
وفـيـه الــذي يسـهـر عـلـى عـــد الـذهــب=وكثـر الفـلـوس الـلـي مــن العـالـم نـهـب
وياخوفتي تصبح على قـبــره لــهــب=وطـيـب الـعـمـل والـمــال عـنــد الطيـبـيـن
وفيه الــــــذي يــســهــر يـــراقـــب حـارتــــه=والا يــحـــاول كــشـــف عــــــورة جـــارتـــه
وبـعـيــوب خــلــق الله يــسوق بـشـارتــه=ويمسي على روس العرب مثـل القريـن
ونــشــر الـجـرايــد صــــار لـلـشـلـه فــقـــط=او شــاعــر مــــن شــعــر جـيـرانــه لــقــط
ومـــدح المـجـلـه مايـشـيـل الـلــي سـقــط=والــرزق لاهــل الـبـيـع عـنــد المشـتـريـن
يـاطـول مـســرى الـلـيـل مـــع راع الـفـقـر=الـلــي عـلــى بـــاب الــعــرب يــزقــر زقــــر
والـلــي قـعــد يـنـقـر مــــن الـكـيـكـه نــقــر=مــــاراح يـسـمــح لــــك تـحـطــه كيـكـتـيـن
ووســايـــل الاعــــــلام تـسـتــاهــل جـــــزى=لازم نــقــيــم لـمــوتــهــا حــفــلـــة عـــــــزى
ولا عـنــدهــا غــيـــر الـمــدايــح والــخزى=وبـالـحــفــل نـعـطـيـهــا دروع الـفـاشـلـيــن
اعـلامـنـا يـنـقـل قـصـيـد اهـــل الـبـشــوت=وفـــي كــــورة الـشـعــار بـالـقــده يــشــوت
والحـشـو يـرعـي فــي مـرابـيـع الـحـشـوت=وتصـيـر ضـمـن املاكـهـم مـلـك اليمـيـن
عندي فصيح الشعر يــوم انــي غـريـر=يــوم الـفـرزدق فــي حـروبـه مـــع جـريــر
وزيـن النظـر ماهـو مثـل حـال الضـريـر=اشـعــار صـنـعــاء مــــع بــــلاد الـرافـديــن
وفوقه قـصـيـد اجـدادنــا الـشـهـم الأبـــي=ومثلـه فصـيـح الشـعـر مــن بـعـد النـبـي
وفـي لـقـط سـرقـان الـعـرب مـانـي غـبـي=وكــون المبـرنـس غـيـر كــون التامتـيـن
كــنــز الـقـوافــي فـــــي مـعـالـيـقـي كــمـــن=لـــو كـــان مـالــه عـنــد خـلــق الله ثـمــن
وكـــل البـضـايـع لـــه مـكــان ولـــه زمـــن=مـثـل الـمـدارس بـــه بـنــات وبـــه بـنـيـن
لا دارت الـقـيـفـان مـــــن بــيـــن الــعـرب=ولاذ الضعـيـف عـن النشـامـى بـالـهـرب
أطـلـى الـنـفـوس الـزايــده طـلــي الـجـرب=وعـنـد الحـقـايـق يـظـهـر الـعـلـم اليـقـيـن
عــــرفـــــت بـــيـــبــــان الادب واســرارهـا=فـي وقـــت يـســر عـصـورنـا واعـسـارهـا
وعــزلــت بــنــز الــقــوم عــن فـكـسـارهـا=وبــعــض الـقـلايــع واضــحـــه للـعـاقـلـيـن
ان طــــال مــــوج الـقـافـيــه والا عـــــرض=اسبـح مـن الدوحـه الـيـا غـربـي حــرض
مـاهـو قصـيـد الـلــي يجـيـبـون الـمـرض=ويـــازيـــن قــــــافٍ بـالـقــســاوه مـايــلــيــن
وقـبــل ابـتــدي ياصـاحـبـي خـلــك مــعــي=حـتـى تـصـوغ الـشـعـر مـثــل الاصـمـعـي
من شان ماتخصم وترجع تجمــعــي=وتــرى فـنـون الشـعـر يفهـمـهـا الفـطـيـن
اعـــراب بـيــت الـشـعـر لـــه ســـر وعـبــر=ولا تــرفــع الـمـكـسـور بـالــوقــت الـغــبــر
ونــــوبٍ يـجـيــك الـمـبـتــدا مــالـــه خــبـــر=لاصــــار راع الـفــعــل هــامـــور سـمــيــن
ومـــن يـعــرب وعــــود الـفـراغــه جــازمــه=ياسرع ماتلقى زمانه هــازمــه
نــــوبٍ شــــروط الــجــزم مــاهــي لازمــــه=لـــلـــي يــشــوفــك مــاتــســاوي درهــمــيــن
ولاتـقـتــرب لـلـفـتـح وحــــروف الـنــصــب=ومـكـاسـبـه مــثــل الـظـلـيـمـه والـغــصــب
مثل الذي يقـصـب مساكينه قـصـب=وعــلــة شعوب الــدار تـصـبــح عـلـتـيـن
وشـــف نـايــب الـفـاعـل بـخـانـة فـاعـلــه=واذا حــضـــر خـل الــرجـــال وراع لـه
دامه شـــــرى لـلـشـيــخ والا بــاع لـه=او صــــارت الـغـلـطـه قـبـالــك غلـطـتـيـن
هذا شراب الغرب لو جاب العطب=والشرق وغروس تمده بالرطب
ومن سدرنا اليابس يجيبون الحطب=ومحدن يقول ان النصارى معتدين
والــصــرف والتـشـبـيـه مــــا لــــه قــاعــده=واكـــثــــر زوايـــاهــــا تـجــــي مــتــبــاعــده
ولايـخــدعــك بـــرق الــمـــزون الــراعـــده=وتـمـشـي لـبـراقــه يــســار وهــــي يـمـيــن
ونـوب تـرى المـجـرور يبـنـي لــه جـسـر=تـــقـــراه بـالـضــمــه ولا هــــــو بـالــكــســر
مـن كثـر مدحـه بالقصيـد اصـبـح نـسـر=ويـهـابــه الـســرحــان وســبـــاع الـعــريــن
وكـان الضمـيـر عــن المخالـيـق استـتـر=خـلــه تـحــت بــيــض الـطـواقــي والـغـتــر
واتـــرك صفير الـنــاي وانــغــام الـوتــر=وعـقـب رمـضـان العـيـد ومــن العـايـديـن
ولا تجمع التشديد بحروف العلل=تراك ماتآمن مساقيط الزلل
وكان الالف ياعزوتي جاها الملل=ماتنفعك وصفة حبوب وبنسلين
وجواب حرف الشرط نوب تجهله=ولو ماظهر حاول تحدد منهله
وترى فقير الناس يرمونه هله=من شان ماتقعد بوسط العاطلين
واحــــذر تـــــرى الـنــيــه يــتـــم ادغـامــهــا=ولا يخدعك بالقوم زين انغـامـهـا
تـــرى الــنـــوايـــا مــاتــبــيــن ألــغــامــهـا=وكــل الـبـلـى بـالـلـي كـلامــه بـيــن بـيــن
واصـعـب دروســه بـالـحـروف المـضـمـره=اللي قواعد جيشها فــــــي اســـمــره
تـقـصـف جـبــل هـرمــز ومـدخــل مــرمـره=ولا ينـفـعـك زرعـــك مدام الــقــاع طــيــن
ونـظـم القصـايـد مــن ظـهــور اجنـاسـنـا=وتــــــروى لآدم فـــــي بـــدايـــة ســاســنـــا
وحــنــا عــلـــى دربـــــه مــشـــى نـبـراسـنــا=وزادت طـواريـقــه عــلــى مـر الـسـنـيــن
الــجــاهـــلـــي اقــــــدم ينابيع الادب=وعـقــب الـنـبـوه ريـفـهـا عــقــب الــجدب
وطاحوا بـنـي عـبـاس بالسـيـف الـحدب=وداســوا مـغــول الـشـرق دار المسلـمـيـن
في قرننا السابع وعند المنتصف=عاصوف ريح الحرب بالامه عصف
وصارت قصور الفسق ورجاله خصف=وسلطان مصر انقذ بلاد المؤمنين
وشاع الجهل في نجد عقب سقوطها =وضاع الفصيح بنار لسعة سوطها
وغطى النبط قاع العرب وشطوطها =وسـجــل تـواريــخ الــعــرب دنــيــا وديــــن
وتـــرى هــوان الـشـعــر يـالـقــرم الـنـبـيـه=شــعـــرٍ تـقــولــه عــنـــد رجــــــلٍ مـايـبــيــه
لـــــو كان بأشعار العرب ماله شبيه=الـزيـن عـنـد اهــل الـجـهـل مـالــه زبـيــن
والــلــي بـيــوتــه مـــــن ضـمــيــره نـابــعــه=تـحــفــظ مــــــع الــعــالــم بــلــيــا طــابــعــه
وتـلـقــى الـمـعـانــي وسـطــهــا مـتـتـابـعـه=ماحـاسـهـا بالـهـذرمـه حـــوس الـعـجـيـن
وتــــرى بــحــور الــقــاف مـافـيـهـا عـــــدد=تشـبـه طـيـور الصـيـد فــي وقــت الـهـدد
عند الــقــدامــى والـشـواعــيــر الـــجـــدد=كان القواعد واضحه ماهي دفـيـن
والـشـعـر وزن وقـاف واهداف وبــحــر=ومعنـاه واضـح كالفضـاء عقـب السحـر
واقـــواه قــــاف الــلــي تـضـايــق وانـتـحــر=ويضعف مع اللي ماشكى غبن السنين
وكل القصايـد لـه طريق وله هــدف=واحلى القصيد اللي يجي مثـل الصـدف
امـــا سـبــب طـعـنـات مـلـعــون الــجــدف=او زول ريــــمٍ مــثـــل ريـــــح الـيـاسـمـيـن
وشهيرها المسحوب بأشعار الشمال=وجنوبها المنكوس به طول وكمال
تحت الجبال السود وطعوس الرمال=ويازين جزل الشعر بالرجل الرزين
وحـتـى تجـيـد الــوزن شلـهـا فــي لـحــن=ان شفـت جاشـك مــن بـحـوره ماشـحـن
وان ماتـعـدل خــذ قصـيـدك فـــي صـحــن=وراحـــة قـصـيـدك خــــذ بــدالــه راحـتـيــن
وهـــو مـوهـبـه مـدفـونـة وســـط الـحـشـى=والـمــاء يــريــد الـبـيــر وحــبــال الــرشــى
لــو زدت ثـوبـك طـيـب وشمـاغـك نـشـى=تفـلـس ولــو تـصــرف بـدرســه خزنـتـيـن
وافـضـل فـحـول الـقـاف بـوقوت الحـسـم=مـن يرسـم المعنـى علـى الـصـوره رســم
هــــذا الـقـصـيـد الــلــي يـسـمـونـه دسـم=ويسـتـاهـل الـبـيـرق بـحـكـم المنـصـفـيـن
وركــــــز بـمـفــتــاح الـقــصــيــد وقـفــلــتــه=واضـبــط طـريـقـه كـهـربــاء مــــع زفـلـتــه
تـــــــراه مــقــيـــاس الـقــصــيــد وحـفــلــتــه=لــو بـاقـي ابيـاتـه تـجـي دون اكسجـيـن
وتـرى الكـلام الجـزل هـو طيـب القصيـد=وامـا المعـانـي يالسنـافـي خـشـف صـيـد
وبـعـض القصـايـد عنـدنـا مـالــه رصـيــد=لـو هــــي تــــردد بـالـبـرامـج كــــل حــيــن
والـلــي جـعــل بـعــض الضـمـايـر قـافـيــه=والله فـــــــلا هـــي بــالــجــزالــه وافــــيــــه
وهـــي غـلـطـةٍ بالـشـعـر مـاهــي خـافـيــه=حـتــى ولـــو داســـه رهــيــن المحـبـسـيـن
زمـــل الـقـوافـي مـــا يمـشـيـهـا الـضـمـيـر=رده عـلــى الـســاس الـثـلاثـي يالسـمـيـر
والا جـمـعـت الـحـشـو بـشـبـوك الحـمـيـر=واصــبــح قـصـيــدك لا يــــدان ولا يــديــن
والـــــوزن والـقـيــفــان مـــحـــدن يـمـلــكــه=ولــــولاه مـاتــلــقــى طـــريــــق تــســلــكــه
وماضـي قصـيـد السابقين استهلـكـه=وتـقــدر بـشـطـر الـبـيـت تـاخــذ كلمـتـيـن
وروايــــــع الـتـصــويــر لـــزهـوره عـــبــــق=وهــــي دايــــمٍ مـحـسـوبــةٍ لــلـــي ســبـــق
ومــــن مــــر ذيــدانــه تـصـبــح واغـتــبــق=وفضـل الصحابـه فـوق فضـل التابعـيـن
وتكـريـر نـفـس الـقـاف يـضـعـف قيـمـتـه=وتظـهـر لـحـون الضـعـف فــي ترنيـمـتـه
فـــي قــــاف بــانــي فـلـتــه مــــع خـيـمـتـه=والـــلــــي يــقــولـــه مـايـجـيــبــه مــرتـــيـــن
ومـــن حـــدد الـتـكـرار من بـعــد الـسـبـع=مــاجــاب قــولــه مــــن شـخـالـيـل الـنـبــع
ولا نتبع الشوفات من بعض الربع =لا صــــار مـايـعــرف بــوقــت الهـجـرتـيـن
والـحــرف تـفــرق فـتـحـتـه عــــن شــدتــه=والراء مع ( المره ) وقوة هـدتـــه
تفرق عن ( التمره ) بخيشة جـــدتـــه=مـثــل اخـتــلاف دبـــي عـنــد ام الـقـويــن
ولا يـخـتـلـف تـشـكـيـل مـاقــبــل الاخــير=قاف (القمر) و (الشبر) ماهو قاف خير
والـــراء مـــع التـرقـيـق حـتــى بالـشـخـيـر=تـفـرق عــن التضخـيـم عـنـد السامعـيـن
وتـرى الـحـروف بوسعـهـا مـثـل الـرفـوف=(والـلام)واسـع بــاب فــي كـل الـظــروف
(والراء)شـبـيـهٍ لـــه بـزيـنــات الــوصــوف=(والــنــون) يـدعـونــه رحــول الـراكـبـيــن
(والـثـاء) بيـوتـه بالـعـرب سبـعـة عـشــر=عـنــد الـفـحـول النـابـغـه وســـط الـبـشــر
(والـــــذاء) اذا رامـــه شـويـعـرنــا كــشـــر=وياقـف علـى الـدرزن ولـو عنـده عويـن
وكــثـــر الاداة بـنــظــم بـيــتــك يـضـعــفــه=حـيـثـه كـمــا المـسـعـف تـقــوم وتسـعـفـه
وثنتـيـن فـــي شـطــر القـصـيـده تجـعـفـه=كـانــك تـبــي مـثــل الــخــلاوي والـبـطـيـن
وعـلــيــك بـالـصـامــل وخــــــل الـطـهـبـلــه=ولا تــــخــــدع الــعـــاقـــل ولا تـسـتـهــبــلــه
واتـــــرك بـويــضــات الـحــريــم ومـهـبــلــه=والطـهـبـلـه قــــاف الــرجـــال المـفـلـسـيـن
وبيرق رجال الشعر مع مليونها=لو جيت شلت التبغ من غليونها
وشلعت بطرسها ونابليونها=وشلته بلا قاصر بكل الحاضرين
لكن جـمـاهــيــره تخالف لـجـنــتــه=تــاقــف مــــع الــلــي كــالـــورود وجـنــتــه
وبالسجن تطلع ماتكمل سجـنـتـه=ومـااريــد جـمـهــور الـقـصـيـد الـفـارغـيـن
والـلـي عـلـى التصـويـت قـاموا ينـتـخـون=تـكـفــون يـانـســل الــعـــرب لا تـرتــخــون
والـنــاس فـــي كــثــر الـهـدايــا يـنـذخــون=والـمـال مــال الـلـي قـعـد صـفــر الـيـديـن
كــــم شــاعــرٍ بـيـطــار بالـلـجـنـه رســـــب=والـنـصــر تـصـويــت القـبـيـلـه والـنــســب
والا عـلــى كـثــر الـحــلال الــلــي كــســب=ولأهــل الـقـنـاة الـمــدح والـربــح الثـمـيـن
والـلــي بـشـتـم الــنــاس يــرفــع سـمـعـتـه=وقــــــرر يــصــلــي بـالـثــلاثــاء جـمــعــتــه
ياسرع ماتطفي لهايب شمعته=والشعر للي بالعرب عقله رصـيــن
مـاتـشـهــر الـشــاعــر خرابيط الدجى=واللي لعكس السير بأشعاره لجى
واللي لراع الفضل والطيبه هجى=ويـصـبـح حـديــث الوقت بين الجاهـلـيـن
واقــــوى الـقـصـايــد لـلـقـلــوب الـعـاشـقــه=الــلــي عــــذاب اهــــل الـظـلايــم راشــقـــه
لا نـــاب عـــن طـيــر الـحـبــاري بـاشـقــه=وراحـــت حـيـاتـه بالظلـيـمـه دون شـيــن
مـثـل النفيـعـي يــوم ســر الـعـشـق بـــاح=ومــوت الدجيـمـا قـبــل يـنـبـاح الـصـبـاح
ومعـهـم ضمـيـري مـالـقـى مـنـهـن ربـــاح=وكـم واحـدٍ يشكـي مــن العـشـق اللعـيـن
وقـصـيــد بــــن عــمــار بـعـيــون الـمـهــى=فــيــهــا الـغـبـيـنــه والـعـزيــمــه والـــدهــــى
يـبـي الـعـنـود الـلــي خـــذت كـــل الـبـهـى=ومــحــدٍ رحــــم قــلــبٍ يـلـجـلـج بالـحـنـيـن
مـثــل الخـفـاجـي ذاق حـيـضـان الــــردى=خـــــــــلا الامـــاره للهلالــــيـــــه فـــــــــدى
وسـافــر وحـــارب لاجـلـهـا ضـــد الـعــدى=وعقـبـه وقــع مـغــدور تـحــت الحـاقـديـن
او جــمــرة ثـارت عــلـــى جـــدي فــهـــد=الشاعـر اللـي طـاح مـن ضعـف الجـهـد
وحـرمـان شــوف الـزيــن مـزمــوم الـنـهـد=والــنــاس مـاتــرحــم قــلـــوب الـعـاشـقـيـن
ومــوت التميـمـي فــي طـواريـق الـشـقـى=عــبــد الـرحـيــم وصـــــار قــبـــره بـالـنـقــى
اســــم الـمــطــوع لـلـنـقــى عـقــبــه بــقـــى=يشهـد عـلـى جـسـمٍ وقــع مـثـل الشنـيـن
ومـــن الفيـاحـيـن الـــذي عــــاش بـقـطــر=اقــصــد مـحـمــد يـــــوم يــاطـــاه الـخــطــر
اقـفـى قـبـل يقـضـي مــن الـزيــن الـوطــر=وهــذا قصـيـده نسـمـعـه فـــي كـــل حـيــن
وعـبـيـد مــــن قـحـطــان غــابــت قـصـتــه=يــــــوم انــتــحــر لـــلـــي بـــثـــاره وصـــتـــه
نـــــــار الـمــحــبــه والـظـلـيــمــه مــصــتـــه=ومـنـيـر سـاق الـعـلــم لـلـقـلـب الـرهـيــن
ومحـيـسـن الــلــي بالـدعـيـجـاء يـنـتـخـي=حـيـثــه عــزيــزٍ فـــــارسٍ كــفـــه صــخـــي
ويـــوم اقـبـلـت بـشــراه والوقت الــرخــي=لـقــوه هــافــي مـامـضــى لــــه سـاعـتـيـن
والا ابـراهــيــم الـــــذي شــال الـحـبــيــب=فـرحان يـلـعـب فـــوق زيـنــات السـبـيـب
وطـاحـت شريـفـه طيـحـةٍ مـالــه طـبـيـب=وهـو مـات عقبـه يشكـي الوقـت الغبيـن
والا الولـيـعـي طـــاح مــــن راس الـجـبــل=يـقـعـد عـلــى الـمـرقـاب لـيــن انـــه ذبــــل
والــظــلــم زرعٍ خـــاســـرٍ مـــابــــه ســـبــــل=وعـســى بـــلاه مــــن الــهــوى مايبـتـلـيـن
والـلــي بــقــى مــامــات بـاسـبــاب الــغــلا=ويخـفـي بـوسـط الـجـوف حـسـرات وبــلا
وقـــال القـصـايـد يشـتـكـي جـــور الــمــلا=وقافـه غـدى وســط الـعـرب قــافٍ ثمـيـن
مـــثـــل الـقـثــامــي دز قـــافـــه يـشــتــكــي=ويـنـخـى الامـيــر الـلــي بـحـايـل مـرتـكـي
ومـشـى لــه الـلـي فزعـتـه مـاهـي حـكــي=وذاق السـعـد واشـعـل قـلـوب الشامـتـيـن
وساكـر جفـل عـن عشقتـه مثـل الظليـم=ودعـى علـى مـن خـالـف الــراي السلـيـم
لـمـا غــدى جسـمـه مــن اسبـابـه هـلـيـم=واصـبــح نـحـيـل عـقــب مـازولــه بــديــن
وابــــــن دويــــــرج بـالـطــواريــق اشــتــهــر=بــحـــرٍ طــويـــلٍ قـــبـــل قـــافـــه مــاظــهــر
يـشــكــي صــواديـــف الـمـغــثــه والــقــهــر=وحـــظٍ عـلــى درب الـهــوى عـيــا يــزيــن
وابيـات ابـن لعبـون مــن عـقـب النـجـاز=عـقـب الحـبـيـب الـلــي تـوفــى بالـحـجـاز
فـيـهـا جــــروحٍ صــادقــه مــاهــي مــجــاز=وصـابـر عـسـى ربــي يعـيـن الصـابـريـن
وكـنـعـان يـــوم انـــه فـقــد شـوفــة هـيــاء=ولـقـى مــن انسـابـه قـسـاوه مـــع عـيــاء
جـــــر الـســرايــا مــاقـــدر كـــتـــم الــنــيــاء=بـــس النـسـابـه مـاحـصــل قـلـبــه يـلـيــن
وابـــــن سـبــيــل مـــــن مـفــاخــر بــاهــلــه=الــلــي غـــــرام الـبــيــض يـثــقــل كـاهــلــه
والــنــاس بــجروح الــهـــوى مـتـسـاهـلـه=ومــــن ذاق نــــاره يـفـهـمـه فــهــمٍ يـقـيــن
وياشـيـن غـيـظ المـورقـي واسـمـه نـهـار=الـلـي دعــى الـدعـوات خالـطـهـا الـبـهـار
حـتــى يــقــع بـالـبـيـر حـاسـدهــم جــهــار=وينقـل علـى اللـي جافـل وسـط القطـيـن
وابــــن شــريــم الــلـــي بـيــوتــه جــارحـــه=سلـيـمـان يـشـكـي مــــن غــــرامٍ طــارحــه
والــيـــوم هــمـــه فـــــوق هــــــم الــبــارحــه=والعـشـق لقـلـوب الـعـرب مـثــل الكـمـيـن
وعــايــد ولــــد ســعـــدي بـيــوتــه ســايـــره=فــيــهــا غـــثــــى روحٍ بــجــوفـــه حـــايــــره
مــن ضـمـن مــن ذاق الـطـبـوع الـجـايـره=والعشـق يخلـف صاحبـه لـو هـو رزيــن
وانـا كرهـت العشـق عقـب اللـي سمعـت=دامـي بدونـه مــن غـثـى الدنـيـا جمـعـت
ارمــــع ولاتـاتـيــن مــثــل الــلـــي رمــعـــت=يـحـمـيـنـي الله مـــــن دروب الـعـاشـقـيـن
والا فـــأنـــا بـالـمـرجـلــه رجــــــلٍ طــنــيـــخ=ولااصـيـح بوجـيـه الـعـذارى طــاخ طـيــخ
ونـــوبٍ اسـاعــد نـــور عـيـنـي بالطـبـيـخ=ولـو تطلبـن قـلـت ابـشـري بالـلـي تبـيـن
بــــس الــهــوى فــيــه الـمـهـانــه والــنـــدم=يودع شيوخ المرجله مثل الــخــدم
وان طحت بالذله وزلات القدم=صيدك يجي من روضهن ماهو سميـن
واخـــــاف اجـــــي بـــــردان ودي بـالــدفــى=مـا مــن حـطـب والـنـور بالخرمس طـفـى
وابـلـش مــع المثـبـت وهــرج الـلـي نـفـى=واصــيــر مــثــل الــلــي يـعــايــد قـريـتـيــن
وام الــعــيــال تـــعـــود لابــــــواب الـــزعــــل=وطبـعـه مـــن الـلــي لاوعـــد غـيــره فـعــل
والريـم تـصــبــح في حرايبنا وعـــــل=وتـبـدى صواريخه بقصف الـمعتديـن
وانــــا اشــتـــري درب الــركـــاده مـشــتــرى=ومــااريــد صــــوت الــرمــي قـــــدام وورى
ومحـدن مـن الجـيـران يــدري وش جــرى=ويــاويـــل رجـــــلٍ عندهن يصبح رهـيــن
والـيـوم غــاب الـعـشـق وســـط اسـواقـهـا=ولايـخـدعــك شــعــر الــعـــرب واشـواقــهــا
هـمــه مــــع الـغـنــدور يـقـضــب سـاقـهــا=وعـقـبـه تــلاقــي حـبـلـهـا مــاهــو مـتـيــن
وتــــرى ســــلاح الـبـنــت دايـــــم مـدمــعــه=ولـــو جـــاك حـســه بـالـبـكـى لاتـسـمـعـه
والاذن عن شكواه حـــاول تـشـمـعـه=تــــرى وعــــود الـبـنــت تــرجــع تـسـتـبـيـن
هـــــذي فــوايـــد مـــــع تـمـاثـيــل مـــضـــت=مـن جعبـة الـلـي لــه بـحـورٍ مــا قـضـت
والـنــاس فـــي جـمـلـة تـواريـخـه رضــــت=والــيــا حــكــى شــــد انـتـبــاه السـامـعـيـن
واللـي شـرط لاجـل اشتغـل فـي شاشـتـه=مــن شـــان اعـــدد لـــه فـضـايـل بـاشـتـه
واجـــيـــب طـــيــــبٍ لابـــتــــه مـاحــاشــتــه=ولا اخــبــر فـيـهــم بـالـمـراجــل حـلـقـتـيـن
واقــــول لـو طــعــت الــعــرب وخـراطـهــا=كـــان امـلــك امـوال الــذهــب وانـواطـهــا
وهـــــذي مـيــاديــن الـــنـــدى واشــواطــهــا=لاشــــك مـانـمـشـي بــشــورك خـطـوتـيــن
حـنــا صـحـيـح الــمــال يـنـقــص عـنـدنــا=ورغــــم الـقـســى بـالـبــرد يــقــدح زنــدنـــا
وجـــنــــود مـــالــــك مــاتــواجـــه جــنـــدنـــا=واحـــذر بشـيـمـات الـنـشـامـى تسـتـهـيـن
مـاكــل رجـــلٍ يـخـدمـك لاجـــل الــقروش=ولانـي مــن الـلـي لاكـثـر مـالـه يـشـوش
والــنــاس مـلـفـاهـا الـمـقـابـر والـنــعــوش=ومـحدن يشـيـل من الـخزايـن درهـمـيـن
وتـــرى وعـود الـطـيـب ماتـمـلـى الـبـطـن=وبالـوزن ثقلـه مــا يـجـي خيـشـة قـطـن
وكــان انــت بطـبـوع الـعـرب رجــل فـطـن=لا تـجـمــع الـشـبـعـان عــنــد الـجـايـعـيـن
وان واعــدك راع الــكــدالـــك والــبــيـوك=طيـبـه تـــراه ابـعــد مـــن الـوشــم لـتـبـوك
لــيـــش الــوعــايــد والـــدراهـــم بـالـبــنــوك=بـــس الــــردى يـرمـيــه مــربــوط الـيـديــن
والــظـــلـــم مــــابـــــه لــلاوادم فــــايـــــده=ويـكـفـيــك فــعــلــه بـالـعــصــور الــبــايــده
ونــتــايـــجـــه بـــــيــــــن الاوادم كـــــايـــده=يـامـا قـطـع راعـيـه مــن شــوف الجنـيـن
راعــــيـــــه مـــافـــكـــر بــــعـــــدل الاخـــره=وقـــــام يـتـنــومــس بـالـثــيــاب الــفــاخــره
وانـــــه مــلـــك بـــرج وقـــطـــار وبـــاخـــره=واقــفــى وخــــلا الــمــال عــنــد الـوارثــيــن
والله يـــلـــو كــــــل الـضـمــايــر عــايــشــه=مـاشـفـت ضـحـكـات الــرجــال الـطـايـشـه
الـلــي تـشــوف الـنــاس مـثــل الهـايـشـه=مـــاتـــدري ان الـــمـــال لـلـعــالــم كــمــيــن
ولــو ســرت مــن بـيـروت حـتـى القـاهـره=تـلــقـــى بخلق الله قـــلــــوب طـــاهـــره
وحـسـبـي عـلــى راع الـعـيــون الـسـاهــره=وشـلـون مـاشـاف الـسـهـارى الجايـعـيـن
لــيــت الــعـــرب تـتــبــع دروب اسـلافــهــا=اللي عهوده مـاتــخــون احــلافــهــا
ولا تفجع اصحاب الغنم واعلافها=يمكن طواريق الـخـطـا ترجــع تزيــن
ولاتــنــخــدع بــالــلـــي يـــريد عنــادنـــا=ويــشــكـــك الــعــالـــم بــطــبـــع اجـــدادنــــا
ويزين بفراش الهوان وسادنـــا=ونركـض بدرب الـغـرب مـثـل الراكضـيـن
كـــم حـاكــمٍ حــــاز الـمـدايــن والــعــروش=وحـــاز المـسـاكـن والمـبـانـي والــقــروش
بـــــس الـمـنـايــا مـاتـرجـعـهـا الــجــيــوش=وش فـايـدة ضـحـك يـجـي عقـبـه ونـيــن
وترى شيوخ العلم ياتيها الهـــوى=وربـــي خـلــق نيـاتـهـم مـاهــي ســوى
ومـــــــا لـلـمـصــايــب لاعـــــلاج ولا دوى=غــيــر الـمـسـيـر بــشــرع رب الـعـالـمـيـن
وبعض الفتاوي واضح فيها التلف=من فكر شيخ قالها يبي العلف
ماله اساس بكل ماقال السلف=بالفتح والا في رياض الصالحين
وهذا سبب شوف الـعـدالـه ضـايـعــه=وشوف اليتامى بالشتاوي جايعـه
ونار الـظـلـيـمـه بـالـخـلايــق شــايــعــه=والـفــقــر مــكــتــوبٍ عـلـيــهــم بـالـجـبـيــن
وليتك تــمــعـــن بـالـتـكــاثــر والــمــســـد=وتشوف دور الـقـلـب فـــي كـل الـجـسـد
وان الــخــيــانــه والــخــبــاثــه والـــحـــســـد=صــارت سـبـب شــح المـطـر للمسلمـيـن
دام الـعـرب تجـسـر عـلـى سـجـن الـبـري=وتـركـض ورى الخـفرات واللـحـم الـطـري
وقانـونـهـم يـجـفـل عـــن الــرجــل الــثــري=صـــاروا مـثــل عــــاد وثــمــود الهـالـكـيـن
والمدح مـا يصلح اليـاجـيـت الـصـحـيـح=إلا بـشـيــخ فــــي نــــدى تــــاج الـبـحـيــح
مواقفه تكفـيـك عـن هرج الشحـيـح=علي العضيبه صاحـب العقـل الرصيـن
دامـــه شـمــخ وســـط الـسـبـاع الـعـاديــه=وطـيـبــه رفــــع قـيـمــة شــيــوخ الـبــاديــه
ماراح يمشي في مشورة نـاديـــه=واليوم اشوفه هــو عقـيـد السربتـيـن
شـيــخٍ مقامه فـــي بـنــي مــــره ظــهــر=عــزمــه يــعــزك فــــي صــواديــف الـدهر
وطيـب المشـايـخ والنشـامـى فــي شـهـر=عـلــي العضـيـبـه يـدبـلـه فـــي ساعـتـيـن
ومحـظـوظ مــن فــارق حيـاتـه مــا ظـلـم=ولايطلـبـه بـعـض الـعـرب لو هـــو قـلــم
وراع الـظــلايــم مـايــرفــرف لـه عـــلـــم=والــحـــمـــد لـلــمــعــبــود رب الـعــالــمــيــن
[/poem]