{{ شـيــخة مــزايــا }}

:
:
السلام عليكم ورحمة الله وبركاته
هذا النـص للتـواصـل .. فأقـبـلـوه مني
وأتمنى أن يرتقي لمستوى ذائـقـتـكم الشعرية
:
:

[poem=font="arial,6,black,bold,normal" bkcolor="transparent" bkimage="" border="none,4,gray" type=2 line=1 align=center use=ex num="0,black""]
أنا مريض الغلا و صدودها جاني=وأنا تبيع الهوى من يوم طاوعته
معشوقتي روَّحت يوم الله أشقاني=رآحت مراح الزعل والقلب موجعته
لكن غلاها معي دام الله أحياني=وإن غابت طيوفها .. فالقلب ودّعته
شيخة مزايا..سليلة قرم وحصاني=و معرَّبة خال..طول الشّبر ذارعته
الطول هايف..رهيفة حس وتعاني=من ليلها اللي على المتنين فارعته
والعنق..عنق المها مدعوجة أعياني=ورموشها كِثفها و الطول جامعته
والخشم مصقول سلة سيف شاماني=من هو جهلها يقول الخشم رافعته
والمبسم اللي حَمَاره خلق ربَّاني=إليا تبسم . . كلام العقل ضيعته
والخد يعكس حلا العينين بالعاني=ويلي على حُبته و أحِب رابعته
ولا النحر خضرة'ن' والصدر بستاني=وأحلى ثمرها من الرمان زارعته
ما بين راوي .. وبين شوي ظمياني=والخصر ضامر تقول إنها مِجوّعته
لبيه . . لين أقبلت من قبل تنصاني=وإليا عطتني القفآ فالردف مِشبعته
في ذمتي مالها في جيلها ثاني=زوَّد حلاها حلا المنطوق وسمِعْته
وإن كانها بالحقيقه ينطق لساني=فالزين فيها و عند الغير مانعته
واللي عن وصوفها من قبل يلحاني=بدَّل كلامه علي ثم صَد قارعته
وأنا إن نسيت الغلا بقول ما أمداني=أمسي على طيفها والصبح وادعته
حقي عليها تواصل و العمر فاني=توصل مريض الغلا والباب شرَّعته
ولاَّ علي الحرام إن كان تنساني=لا أبيع عمري و لا تَشرَه ليا بعته
[/poem]

نايف بن دكآم آل صليع

الموضوع الأصلي: {{ شـيــخة مــزايــا }} || الكاتب: نايف العجمي || المصدر: منتديات بعد حيي

www.b3b7.com

كلمات البحث

مواضيع اسلامية، مواضيع عامة، قصائد، هاكات ، استايلات

شاعرنا المميز \ نايف العجمي

اهلا بك
نص رائع و ينبض عذوبه
كتبت فأجدت
لوحه جميله وعزف منفرد
تعزف على الحروف بنغمات راائعه
دام عزف حرفك ودمت راائعا كنبضك
وطبت ياشعر ..
فائق التقدير والاحترام ,,

الشاعر الرائع نايف العجمي

عجبني بوحك وصح لسانك وسلم راسك
على هالشامخه

لله درك شاعرنا نايف
ابدعت بالوزن والقافيه والمعاني

احترامي لك ولبوحك

احييك على القصيده الشيخه
لاتحرمناا جديدك
يالعجمي نحن بانتظارك
دائما

صح لسانك مليون المليون وعلا شانك وصح خاطرك على هالقصيد
شاعر راقي بسمو حضوره وسمو حرفه
لاهنت اخوي



....¸.•°•.¸¸.•°•. عنود القصيد¸¸.•°•.¸¸.•°•.¸....

[read]
رااااااائعه والله
سلم نزفك وقلبك اخي نايف
[/read]

[align=center]
صح لسانك مليون ولا يكفون
اهني شيخة المزايا بها الشيخه الرائعه
وصف ولا اروع وشاعر لا تفي بحقه الحروف
تقبل ردي وصادق ودي
[/align]

صح لسانك وعلا شانك
وتسلم يمينك على هالقصيده الراائعه .

أخي الشاعر القدير / نايف العجمي
لكَ الله !
ترسم العاطفة بإتقانٍ غريب
ويا للأبيات من عذوبة متناهية تترع الروح !
ويا لكامل القصيدة من سقفٍ يصل لأبعد سماء فيردد أصداء قافيتك !
دمتَ مواسم الشِعر

وتقبل عظيم تقديري ,,,

أهنيييك على النص الشعري الجميل
صح لسآنك واعتلا شآنك
شاعر جزل نتعطش لأبدعآتك الشعريه

يعطيك العافييييه ..ْ~~

:

صح لسانك وطاب فالك
شاعر فــذ وهذه الابيات دليل على شاعريتك
لاهنت على هالنص الابداعي وتقديري لسمو شخصك الكريم
لله درك

صح لسانك مليون ياراااااااااااائع

شاعرنا
نايف العجمي

صح لسانك
مأروع جمال عبارتكَ هنا أخذت بعالمها
عالماً بقلم أستاذاً بألاحساس والوجدان
أستاذاً بالروح والخيال أستاذاً بجمال التعابير
التي كانت تتدفق من هجس المشاعر
سيدي
سلمت اناملكَ على هذه المعزوفة الرائعة

احترامي لسموك

حنوووونه