يقول الراوي اللي سار جزل القاف في طوعه

[poem=font=",6,black,bold,normal" bkcolor="white" bkimage="" border="solid,4,royalblue" type=2 line=0 align=center use=ex num="0,black""]

يقول الراوي اللي سار جـزل القاف في طـوعه=تقول انه على نبـع القوافي تسجـع اوتاره
دواوين العرب كـنـه بوسـط الصدر مطبوعه=وتشهد له رجال الصدق في عـبـده وسنجاره
زهور القاف في روضة ضميره تقل مزروعه=واذا دارت دوالـيـب القوافي يلـقط اثماره
يحـوز مـن القوافي ساس نـبـع القاف وفروعه=وجاشه ضاري(ن)وسـط البحور الهوج واخطاره
قوافي ضامرن خـالـف كـثـيـر الـنـاس بطـبـوعه=ولا يـبـنـي على تـقـيـيــم نـاسـن بالـعـرب غاره
ظعونه مامـشـت تـتـلـي هـزيل الحـرف ونجوعه=واذا عـطـشـت حروف القـوم جاشـه يفجر انهاره
عقب ماشاف شعر الناس ضمـن شراه وبـيـوعه=وهذا هو سبب قـلـة حـلاه وطـيحـة اسعاره
يشوف اللي نظـم بيـتـيـن والقيفان مصروعه=يعاند من غدى مـنجـم جواهرها وبيطـاره
يحـسب الشعـر عـسـر القاف مهما ضاع منفوعه=وقافن بايخن مـعـناه قافن طاح مـقـداره
وطول الـقاف مايـشـفع لشعرن ضاع موضوعه=اذا ماكان يـبـدع مـن فـنونه شـان تكراره
كثير من العرب صارت بقـولـة عـاش مخـدوعه=لانه شـاور اللي بالـعرب ماتصدق اشواره
وترى القيفان ماتكـسـر رجـالـن دوم مرفوعه=ولا ترفـع ردي الناس مـهـما زاد ديناره
لك الله لو حروف المدح والـشعار مجـمـوعه=فلا تقدر تغطي ضوح شـمـس القـيـظ وانواره
كريم النفس مـهـما قـيل يبقى طـايلن بوعـه=وراع الطيب مايهـفـيه عــج الصيف وغباره
وترى اللي يهـفـي المخلوق ذل النـفس وخـضوعه=وقول الشعر عـنـد اللي يـتـابـع صوت مزماره
حلا القيفان لاصارت بنار الـضـيـم مدفوعه=وتـنـبـع من عروقن فـات لـه عامين منهاره
يقول الشعر من يرجف خـفـوقه زايدن روعه=وخايف من زعل حاكم وقاله يـشـرح اعـذاره
او اللي ضاق بهروجـن بكـذب الناس مـشـفوعه=يبي يكشف لخـلق الله ردات الكذب واضراره
او اللي مات له غالي مـن الـدانـيـن بربوعه=حزيـنن لاطرى زوله يهـيـض الجاش باشعاره
او اللي حالته مـثـلي قضى لـيـلـه على كوعه=سـبـايـب عـندلن وسط الضماير تلـتـهـب ناره
هنوفن في ربيع الـعـمـر سوداء عين مربوعه=عـيـون الريم وخـدوده بـيـاضه تقل جـماره
خذت عقلي وحـطـت في خفوق اهل الهوى لوعه=ولا ادري وش سـبب غـيـبة علوم الزين واخباره
اراجي شوفته حـزة غـياب الشمس وطـلـوعه=الا واجرح مـن يشكي هـمـوم الغـبـن بدياره
جحيم النار في روحن بهجـر الـولف مـفجـوعه=تنام الـنـاس وهجـوسي بوسـط الصدر محـتاره
بروحي جمرتن تمـنـع رقـود العين وهجـوعه=مع ان الياس غامـرنـي مـن الغـالي ومـسياره
طفت عقبه مصابيح الحـشـى والروح وشـمـوعه=وشـفـت النار في قـلـبن شكى مـن قلة انصاره
اصيح وصيحـتـي ماهي لراع الطيب مـسـموعه=زمانن صار جار الـبـيـت يجهل وش بلاء جاره
واخبر الجار مايـشـبع وجاره يـشـتـكي جوعه=وهذا طـبـع مـن يتـبـع كرام الناس وخياره
هموم الناس في مـالـه وطـيـب انـتاج مـشـروعه=ولا هـمـه قريـبـن صاح يشكي حر مسماره
واذا صارت خصال الـطـيب بين الناس مـقـطوعه=فلا تصبر بـدار الظـلـم والحاسـد ومنـشاره
ترى الارزاق من دار الحسد والـظـلـم مـنزوعه=ورزقك من كفوف اللي يغـيـث الـقـاع بامطـاره [/poem]

واذا صارت خصال الطيب بين الناس مقطوعه
فلا تصبر بـدار الظلـم والحاسـد ومنشـاره
ترى الارزاق من دار الحسد والظلـم منزوعـه
ورزقك من كفوف اللي يغيث القـاع بامطـاره




صح السانووووه راوينا ابن غسلان ..صدقت والله بمعظم الابيات ..يا رواينا ..

زمن الله يكفينا شره ..

اقتباس المشاركة الأصلية كتبت بواسطة حورية حائل واذا صارت خصال الطيب بين الناس مقطوعه فلا تصبر بـدار الظلـم والحاسـد ومنشـاره ترى الارزاق من دار الحسد والظلـم منزوعـه ورزقك من كفوف اللي يغيث القـاع بامطـاره صح السانووووه راوينا ابن غسلان ..صدقت والله بمعظم الابيات ..يا رواينا .. زمن الله يكفينا شره ..

حورية حايل هلا وغلا وكل الشكر والتقدير

تحياتي لك

فواز الغسلان

(
)

قصيده رائعه من راس جزل

لاهنت .. صح لسانك ملايين

اقتباس المشاركة الأصلية كتبت بواسطة احلام ـآلطفوله فواز الغسلان ( ) قصيده رائعه من راس جزل لاهنت .. صح لسانك ملايين

احلام الطفوله تشرفت بمرورك وتعليقك النبيل يالعزوه

تحياتي لك

الله لايهينك ويلبسك العافيه
فواز الغسلان
صح لسانك

اقتباس المشاركة الأصلية كتبت بواسطة مايكبرني لقب الله لايهينك ويلبسك العافيه فواز الغسلان صح لسانك

هلا وغلا مايكبرني لقب ومشكور للمرور والتعليق يالغالي

تحياتي لك

يقول الشعر من يرجف خفوقه زايـدن روعـه
وخايف من زعل حاكم وقاله يشـرح اعـذاره

صح لسانك الشعر يرجف
حفوقه روعه لان شاعره
فواز بن غسلان كفو يالذيب

لاهنت .. صح لسانك ملايين

قصيده رائعه

صح لسانك وبيض الله وجك فواز الغسلان

صح لسانك فواز الغسلان
ماهي غريبه عليك الابداع
يالمبدع وفقك الله

[align=center]الرااااوي وشاعرنا القدير /// فواااز الغسلان

ابو فهد


أســطورة الشــعر ,,,,


شــلال من روح ,,,,


ونــهر من بــوح ,,,


مبد ع مبدع مبدع .... الله لايضرك يابوفهد


وصح نبضك وقلبك وعلا شانك ,,,


لك كل الاحترام مع أكاليل تقدير ,,, [/align]

[align=center]ابوفهد

الله عليك

وهذه المعلقه الفريده

صح السانك ملايين

حكمه وجزاله وعذوبه وعشق

ابدعت كما عودتنا

تحياتي وتقديري[/align]

الله عليك يابوفهد


ملك يملك الحبر والقلم والقرطاس والتاريخ والاحساس

صح نبضك مليون ياراقي

فواز الغسلان


صح لسانك مليار وتكرار


رائع يابو فهد وتبقى رائع


شهادتي فيك مجروحه


تقبل مروري