هذي نصيحه كان تبغى نصيحه
أبنيبها لمدور المرجله اصروح
مدام هاضت في هجوسي قريحه
حرام لا دآويبها كل مجروح
اليا تركت الفرض هذي قميحه
أد الصلاه الواجبه منت مسموح
دنياك لا مدت تراها شحيحه
ان كان ماالله مد ياوين بتروح
كافح هواء نفسك بيادي كفيحه
اما كفحت النفس لا بد بتسوح
والطيب خله دايمن لك منيحه
الطيب هقوه والوفاء عد منضوح
درب الجمايل وآفقه لا تزيحه
من لاتوفق دربها عاش مكفوح
ولاتقرب الطايح وتقفى مطيحه
لاتخرب السمعه على انسان مطفوح
والباب لا منه طلع منه ريحه
صكه تراء نكبتك لاصار مفتوح
المزح في بعض المواضع قبيحه
الدين والاعراض ماتقبل امزوح
والباب للضيفان حذراء تليحه
حكمتك مافي صكةالباب مصلوح
واحذر تدور فاالهرايا ذبيحه
ماياكل الرجال من كل مذبوح
ان مامدحك الناس مالك مديحه
لو زاد مالك يافتى منت ممدوح
الي يدور فاالعفيفه فضيحه
بابه لرفقان الشياطين مفتوح
ماينفع الجلاس كود السميحه
الهرج قله دل لو منت مبحوح
الحزن مافاد القلوب الجريحه
والدمع يكفي لليتاما عن النوح
قاف (ن) طرقته يم باب النصيحه
وخليت قاقي لطيب الهرج منقوح
وقطفت من زهر التماثيل شيحه
شيحه شذاهاالنصح وشلون ماتفوح
مافيه نفس شفتها مستريحه
ولا فيه قلب مابه الآم وجروح
ولا فيه جوال(ن) بليا شريحه
والصبر زين وكل مطرود مطروح
العرض المتطور
