شاعر حاولت ان اقراءة
فوجدته قد كتبنا
تحية طيبة لمن وقعت عيناه هنا .
مسائكم / صباحكم شعر وشعور وطيبة
هنا العذب الشاعر
أحمد الأسيحم
اخترت هذا المترف ليقين انه سوف يروق لكم
محـجـر الجـانـي
طاحت من الضيق دمعة عمري الفاني
ومسحتها قبـل عدوانـي تشاهدهـا
حاولت فيها قبل تنـزل ولا امدانـي
وهي من العام تشعربـي واناشدهـا
طاحت كذا غصب او يمكن على شاني
مدري ولكن لهـا عاميـن فاقدهـا
تشبه دموع القصاص بمحجر الجانـي
اللي بغى سجدةً ماهـو بساجدهـا
تمره الذكريـات اشكـال والوانـي
ليانامت الناس فـي دافـي مراقدهـا
ماطاحت من الفـراق وقٌـل خلانـي
ولاهي على شان بنت ً كنت اعاهدها
طاحت من اللي حسبة بحسبة اخواني
وهو على طيحتي يحسـب مواعدهـا
كان امس في خاطري يكتب ويقرانـي
ومكانتـه مابـه انسـان ًيعاقدهـا
ومن يوم سالت على الخدين واوجاني
عذرتها صدق مـن قبـل اتناقدهـا
وسحابة الصيف مرٌت كنهـا العانـي
قبل انتظر برقهـا هٌملـت راعدهـا
والقمه اللـي رسمـت بقـوة ايمانـي
إن سهٌل الله مـع الايـام صاعدهـا
وياصاحبي لايغـرك طـول حرمانـي
مدام نفسـي تجاهدنـي واجاهدهـا
ماكـل ليلـه تدورنـي وتلقـانـي
النفس صعبه تقبٌل شخص حاسدهـا
والضيقه اللي تمـر بصمـت متفانـي
ادخلتها بالضلوع وقلـت اواسٌدهـا
ماهي بصعبه تهـل الدمـع وتعانـي
الصعبه إن طاحت وغيرك يشاهدهـا
وسلامتكم ،،