البرونزية صعبة قوية ... الفتح ينتصر على الهلال ويخطف المركز الثالث

كنت عند خوالي ورجعت متاخره ويوم تصفحت الصحف
شفت هذا الخبر وانصدمت



البرونزية صعبة قوية ... الفتح ينتصر على الهلال ويخطف المركز الثالث

سبق حائل -- ماجد بركة المسمار :


خطف فريق الفتح المركز الثالث في كأس خادم الحرمين الشريفين للأبطال بعد أن كسب مضيفه الهلال بثلاثة أهداف نظيفة بعد مستوى هزيل من قبل الهلال المضيف بقيادة مدربه ايفان هاشيك، فيما قدم الفتح مستوى كبيرا بمشاركة كامل عناصره الأساسية . وظفر بإنجاز جيد جدا له في تاريخه منهيا موسمه الجميل بهذ الفوز، ونهاية أليمة للهلاليين في موسم متذبذب.

افتتح البرازيلي التون خوزيه أهداف المباراة بلعبة برازيلية (44) من كرة احتج عليها الهلاليون كثيرا، وضاعف التون النتيجة عبر جزائية (72) ، قبل أن يسجل الهدف الثالث حسين المقهوي (77) .

وحصل الفتح على مبلغ (1.5) مليون ريال مقابل مليون ريال للهلال صاحب المركز الرابع

الفتح بهذا الفوز كسب الهلال لأول مرة في تاريخ مواجهات الفريقين بعد 8 لقاءات جمعت الفريقين كسبها الهلال جميعها .


( العنوان مقتبس من جريدة الرياضي )



تعلييق

ابي احد يقولي وش سالفة المباراة

هلا مستحيل انا اقولك قسم بالله الهلال حواري اليوم

يعني احمدي ربك انه جت على 3

السالفه طال عمرتس انه الهلال والفتح لعبوا على المركز الثالث بكآس الابطال
يعني الفتح صار المركز الثالث بعد خسارتنا اليوم : )


وبس بس تعرفين كونه الهلال الخاسر فااكيد المبزره في الرياضه راح تطلع عالساحه اليوم ويكبر
راسها بسبب خسارة زعيمنا وجتهم من الله اهديناهم هالخساره ينفهون عن انفسهم شوي : )

وعوافي ..

اقتباس المشاركة الأصلية كتبت بواسطة حوسة مشآعر .. السالفه طال عمرتس انه الهلال والفتح لعبوا على المركز الثالث بكآس الابطال يعني الفتح صار المركز الثالث بعد خسارتنا اليوم : ) وبس بس تعرفين كونه الهلال الخاسر فااكيد المبزره في الرياضه راح تطلع عالساحه اليوم ويكبر راسها بسبب خسارة زعيمنا وجتهم من الله اهديناهم هالخساره ينفهون عن انفسهم شوي : ) وعوافي ..

هلا حوستي انا تعمدت احط الخبر هذا بذات
عشان الناس الي تخلط بين وظيفته وميوله
الحين صحفي وناقلي عنوان صحفي غيره
لا وخالي من اسلوب الصحفي والناقد الرائع
بس والله تحطمت الزعيم ويخسر امام الفتح
ليش ...؟؟
جرح والله بس عذرتهم انهم مظغوطين والمباره مابينه
وبين مبارتهم مع الغرافه شي مامداهم ارتاحو واستعدو
وبنهايه قدر الله وما شافعل
مبروك للفتح المركز الثالث وبالتوفيق لزعيم بكاس اسيا

يعطيك العافيه قليبي

مطعون لهدرجه سيئ اليوم اشو ماشفت المباره

ولا بموت قهر

تحياتي ........

الف مبروك الفوز للفتح وهارد لك الخسارة للهلال ..

ودي

/

اقتباس المشاركة الأصلية كتبت بواسطة شيخ المافيا الف مبروك الفوز للفتح وهارد لك الخسارة للهلال .. ودي /

شيخ المافيا اسعدني وجودك
كثر مااحزنني خسارة الزعيم

تحياتي ........

هذا وانت يابطل يالهلال من اول هزيمه
فرحت فيك العذال كيف لو ماجبت 53 بطوله
مبروك للفتح
وهاردلك للهلال
مصيبه يالموج الثلاثا الغرافه والخميس الفتح
والله وعطوك وقت ترتاح
الراحه يوم واحد

عوافي خيتوا ع الخبر

مبروك للفتح ..

يستاهلون الفوز

رغم أن ميولي هلالي ..

إلا أنني أهنئ الفتح ..

كسب المستوى والنتيجه ..

يا مستحيله

تبين ترتاحين وتتعلمين الصبر والجلد

خليك نصراوية

يقولون جماهير الهلال بدأت تبحث عن فريق يحقق بطولتين كل سنة أو على الأقل بطولة بالسنة

جمهور مصالح بس يبون بطولات ما يبون لعب فن وهندسة

يا لبى النصر وبس

اتوقع والله اعلم ان مشكلة الهلال ليس ب المدرب ولكن هناك
مشاكل اداريه ألقت بضلاله على اللاعبين يجب على
عبدالرحمن بن مساعد حل ذلك المشاكل بسرعه بدائة من تغير مدرب
وجلب لاعبين اجانب على مستوى طموح جماهيرهـ
وحل المشكله الاداريه
الف مبروك للفتح قدم مستوى ولديه طموح
وهارد لك للهلالين فــ الهلال قادر على الرجوع للمستواهـ
وبــ التوفيق للراقي في المواجهه المرتقبه
شكرا لمتابعتك وطرحك الراقي مبدعتنا مستحيله

اقتباس المشاركة الأصلية كتبت بواسطة صرخة قلم يا مستحيله تبين ترتاحين وتتعلمين الصبر والجلد خليك نصراوية يقولون جماهير الهلال بدأت تبحث عن فريق يحقق بطولتين كل سنة أو على الأقل بطولة بالسنة جمهور مصالح بس يبون بطولات ما يبون لعب فن وهندسة يا لبى النصر وبس

لآ يّ ششيخ

ضضضحكتني والله

بس بقولك كلآم حطه قدآم عيونك دآيم

* مّ هو حنى اللي نطآلب بإقآلة رئيس نآدينآ

* ومّ هو حنى اللي نطلع بعد كل مبآرآه بالتلفزيون ونقول :
حنى خلآص مآ نبي نششجع هآلفريق التعبآن

* ومّ هو حنى اللي نطلع من المبآرآه قبل ربع سآعه من نهآيتهآ

* ومّ هو حنى آللي همنآ وشغلنآ الشآغل الفريق المنآفس
ووش سوآ ووش مّ سوآ ونقططع في شرفهم وأختلآق الأكآذيب عليهم

* ومّ هو حنى آللي نسسوي مظآهرآت قدآم مبنى نآدينآ

- آلظآهر عررفت من أقصصد يّ أخ ؟

والمششجع الحقيقي المخللص آللي يحب نآديه
هو اللي يصبر على نآديه مهمآ كآنت الظروف وآلآسسبآب
آن ششآء الله يقعد عشرين سنه مّ جآب بطوله

ولآ تحسسب آن هآلصصصفه موجوده بسس بالنصصر
لآ يّ عممي أصصحى
هآلصصفه موجوده عند كل مشجع حقيقي لنآديه


- بعععدين تعآل مييين هذولآ آللي يقولون ؟
وووتعآل ابسسآلك ؟
انت تقول لِ مستحيله تبين ترتآحين خليك نصرآويه
- آبسآلك آن الحيين مرتآح بتششجيع آلنصصر ؟

عوؤآفي

حلوه منك يا صرخة قلم تبيها تتعلم الصبر أجل بالفعل مثل ما قلت النصر هو أحد أهم الأنديه لتعليم الصبر .. و للمعلوميه ترى الهلال هالموسم حقق بطولة كأس ولي العهد ونافسّ على الدوري إلى المباراة الأخيره والآن تأهل لدورة الـ 16 في البطوله الآسيويه كمتصدر لمجموعته .. فما أدري وش مناسبة كلامك أن جماهير الهلال تبحث عن نادي آخر .. شكلك فاهم غلط و أنا أخوك .. بس بصراحه أصابتني نوبة ضحك عجيبه لما قريت ردك .. أضحك الله سنك يا شيخ ..
وبالنسبه لمباراة الهلال والفتح فالموضوع لا يتجاوز كونها ميداليه برونزيه والهلال طموحه المركز الأول وطالما أنه لم يتحصل على المركز الأول فهو ضحّى بالمركز الثالث بدليل أن الهلال لعب بالصف الثاني وليس بالأساسي على إعتبار ان الهلال أمامه مباراة مهمه أمام بني ياس في البطوله الآسيويه ..
و بعد المباراة تذكرت قول الشاعر ياسر التويجري حينما قال : إن لم يكُن مركزي في الصف الأول أمام ***** ماعاد تفرق معي لو كنت قبل الأخير
و أنا ولله الحمد والمنّه لا أتابع الصُحف الصفراء ولا أطلّع عليها لإن فيها من التفاهات والأكاذيب ما الله بهِ عليم ..
و نبارك للفتح على فوزهم وخطف البرونزيه وهم يستحقونها بلا شك كتتويج لإداءهم بعد ما ظلمهم المرداسي في مباراتهم مع النصر المتأهل للنهائي بفضل من الله ثم من صافرة المرداسي ..
و أنا ما يهمني كعاشق هلالي هو الفوز على بني ياس في البطوله الآسيويه والتأهل لدوري الثمانيه بإذن الله ..


شكراً لك أختي مستحيله الله يعطيك الف عافيه ..