البيت القديم
--------------------------------------------------------------------------------
هذي محاوله وتصوير لقصة سمعتها من شخص عزيز وحبيت ان اكتب هذه الابيات التي ارجو ان تحوز على رضاكم
جيت للبيت القديم ابكي على الاطلال
اشوفه بعيني واذكر عجوزٌ وشايــب
أشوف البيت له قطعة سنين مــازال
لكن هله وينهم كلهم حدر النصايب
زمان ماكانت الفرقى تخطر على بال
اليوم صارت لله درك يازمان العجايب
غرفة النوم صارت للاشباح منــــــزال
رماد النار ومبثل الدله وباقي نقايب
غدت واقفت وكل هذا بخاطري جـــال
ورغيّف الجمعة وقهوتنا واللبن رايب
اسرح بالبهم وامي معه باق الحـــلال
كم ليلةٍ ضعنا ونمنا والقمر غايـب
واللي جمعهم عــمٍ وجــارٍ وخـــــــــال
دقــت نجــر صوتـه لـه طــرايــــــب
لكن هذي الدنيا ماتبقى على حـــال
كل يومٍ بلى عساها تزين العقايـب
مشيت وانا اعتبر وابكي على الاطلال
اطلال بيت تصفق ببيبانه هبايـــــب
بيت شامخ من الماضــــي ولا زال
لكن هله وينهم كلهم حدر النصايـب
يابيت كم عاش بوســــطك اجـيال
خلو بيبانك مفتّحه واقفوا بالركايـــب
لا نستغني عن انتقادكم
الجارررح
17 / 9 / 2008