السلام عليكم...
اسمحولي يا شباب على الغيبة .... بس الظروف تحكم على الانسان في بعض الاوقات ...
هذه القصيدة مهداه الى كل انسان عزيز على شخصي المتواضع الى كل من اتمنى ان التقي به ...ان اتقرب اليه ..
اسمحولي يا جماعة بس ان شاء الله تعجبكم القصيدة ...................
تعال ارجوك لو تسمح، دخيلك والتفت للنار
لي تحرق سما شوقي ، وصبري عيت امطاره
تعال وشوف محبوبك ، غزاه بغيبتك تيار
ودمر كل ما دمر ، وهيج لجت افكاره
في بعدك عايش الذكرى ، وتاخذني معك الافكار
مثل من هو سكن في دار ، وابد ما شاف خطاره
في بعدك شخصي الماضي ، غدا مثل القبر تذكار
مثل شمس السما في لوح ، ظلاله دوم دواره
حبيبي اقترب مني ، وصاة الجار سابع جار
وضم القلب لي خلاك ، وحدك تمسح اغباره
تعال وشوفها عيني ، تحدت بك عصف وامطار
تعال وعيشني بستان ، انا وروده مع اشجاره
دخيلك لا تخلي الي يحبك ، مسكنه في غار
مع ظل الجفا عايش ، ويكتب فيج اشعاره
دخيلك لا تكرر بي معانات ، الذي محتار
يعيش النار في دنيا ، وباكر ينكوي بناره
كثير الي ندم وامسى يردد ذا الزمن غدار
يا خلي لو تبيلي الموت باكر تسمع اخباره
بيقولولك حبيبك راح ، بعد ما عاش بك الاخطار
وصدقني بتقول احمد ، حبيبي مات وخساره
تعال وخلنا نحيا محبتنا بكل اصرار
ترى يا فلان حبي لك قوي بالحيل تياره
تظن القلب في غيابك على درب العشق دوار
حشا والله وقفته وهذي اخر اسراره
حبيبي لا تخليني اصيح وارتجف وانهار
وانا شوفك منى قلبي ، ربيعي ومنبع انهاره
حبيبي ارجوك لو تسمح، دخيلك والتفت للنار
لي تحرق سما خلك ، وانته كلك امطاره
اخوكم
آل مكتوم
العرض المتطور
