عندي قناعة ان الانسان شيطان
من طبعي أرد الاساءة بالاحسان
وأساير ظروف الزمان اللعينة
وأطوف الغلطة من فلان وفلان
يعني من أجل عين تكرم مدينة
الكامل الله والخطا طبع الانسان
والدرب يفرق يساره عن يمينه
والصاحب اللي له معزه وله شان
ان جاني بشينة تذكرت زينة
أتحمل خطاياه معي قدر الامكان
من جانبي تبقى العلاقة متينة
واللي يغلطني وانا ماني غلطان
أصابعي أحطها وسط عينه
ما دامني مسلم وفقلبي ايمان
عمر البحر ما شال هم السفينة
بعض البشر تحتاج له سر واعلان
لا قلت له تكفى نهض حاجبينه
وبعض البشر ودك تناديه ذيبان
يجي على طاريه لا قلت وينه
ترى الرفيق احيان واحيان واحيان
اقرب لقلب الشخص من والدينه
مرت علي أنواع وأشكال وألوان
بين العقول الناقصة والرزينة
عندي قناعة ان الانسان شيطان
اذا يهينك لازم انك تهينه
يعني اذا حاجتك بيدين عدوان
يكفيك شر المهزلة والغبينة
من كثر ماجاني من الناس خذلان
تحرجني حتى كلمة"الله يعينه"
صحيح لي ربع وجماعة وخلان
وأضيق لكن حاجة الناس شينة
مما راـاـاقـ لي
أتمنى يحوز على اعجابكم
|