شاعر رائع انضم
الى كوكبة شعراء بعد حيي
يكتب باحساس عذب وجميل
وله اسلوب خاص تنبض به كلماته ..
ويمتلك لغه شعريه سلسه وراقيه..
مع قصائده لقراءته والتعرف اليه اكثر..
,,
الحين يدري مهجة القلب والـروح=
اني نويت ارحـل وخلـي ديـاره
من عام الاول يافتا الجود والبـوح=
واناوهي والقلـب غـاره بغـاره
عزالله ان الحب ذابـح ومذبـوح=
وانا ذبيح الحب خـوف وجسـاره
يا ذيب فرقانا على غير مصلـوح=
ياذيب دوك الحب غيـر مسـاره
ياذيب شفني من عنا الحب مجروح=
ماعـد فيهـا ياعضيـدي جبـاره
قفا وانا قفيـت والسـد مفضـوح=
قفا يصفـق فـي يمينـه يسـاره
وانا تهايق عبرتي والجـدا نـوح=
ماعـد فينـي يالبناخـي شطـاره
اونس على كبدي من افرقها فـوح=
اي والله ان البعد عنهـا خسـاره
البارحة كثرت علـي الهناديـب=
من شن لجأ بالكبد أونس حـرارة
الله على اللي تو من مصنعة جيب=
من مصنعة تعجبك صبغة حمـارة
شارية من مالي ماهو للمعازيـب=
أقطم قفا ماغيـر بـدي وغمـارة
أرص له رجلي مع الخط ويجيـب=
يرجع أمبيـره ماتقـوم الحـرارة
ليا أقفى مع الصيهد كما قفاية الذيب=
ماتميـزة بالخـط لـو لاغبـارة
تسمع صريخ المرو بين الدواليـب=
صريخ مخباط(ن) تطاير شـرارة
أبركبة وأنحـر ديـار الأجانيـب=
أبعد عن الديـرة وأخلـي غبـارة
هذا ردي عليه
حي الذي كثرت عليه الهناديـب
اللي عليه من أقشر الوقت شـارة =
اللي على كبدة تثـور اللواهيـب
ياخال مابالوقت طيب وشطـارة =
الوقت شين وشالعتنـي كواليـب
ياخال جتني من غثاء الوقت غارة =
هجاد ليل وكل خيلـي معاطيـب
ياللي على جمس الحمر يوم أدارة =
خذني معك والطيب نقابلة طيـب
خذني ترى وقتـي تبيـن دمـارة =
والحمـد لله ماتركنـا المواجيـب
الطيب حاضر والمراجل نمـارة =
ياخـال ماتنفعـك دار الأجانيـب
الراي عندي كان تبـي الإشـارة =
إن طعتني ياخال كب المطاليـب
وسج القدم من فوق هاك الزبـارة =
ماغير أنا وياك والثالـث الذيـب
حرام لاسلمى ولاعيـون سـارة =
تسوى وحنا عند حرش العراقيب
ليا من شمس عصير بين حَمَـارة =
والذود بـان ولاتبيـن عذاريـب
وزهمتها بالصوت والصوت أذارة =
وجتنا تزاحـم والبكـار مغاليـب
اللحين ياخالـي خذينـا الإمـارة =
ابيك يـا نجـلاء تعديـن الاعـوام=
الله يحفظ اللي علـى العـز ربـوك
يابنت انـا زايـد سمـاري بالايـام=
صكات بقعاء خلـت الـدم مركـوك
كم ليلتن يطلع به الصبـح مـا نـام=
الهم شابكنـي وانـا فيـه مشبـوك
يابنت انـا و الهـم زاحـم وزحـام=
مثل السجين اللي به القيـد متكـوك
وطيت في رجلي على الشوك همهام=
يوم الردي يطرب على رقصة الروك
اول وانا يا بنـت محـزوم بحـزام=
باب السعادة طول الايـام مصكـوك
و اليوم زانت لي مع الوقت الاحـلام=
عز الله ان الوقت يا بنـت محبـوك
و انتي غزال ورمشك الموت لا هام=
وانتي عذاب اللي به الحب مدكـوك
اللي على قلبه مـن الحـب غشـام=
انتي على الزينـات يابنـت رزوك
انتي طلوع الشمس و الوقـت هـدام=
انتي ذهب صافي منقـى ومسبـوك
الفيـن بسـم الله و الفيـن قــدام=
عليـك بسـم الله و الفـن تحـروك
قولو لشمر ما بقاء غير عشريـن=
وأن عانق العلياء ونركب سنامـه
إن قاله الله ثم تواست على الزين=
هذا حصان العـز هـذا لجامـه
طلال ذا قدرة على الرأس والعين=
متجاذبينه مـن خـوال وعمامـه
المرجله في وسط عينـه تناديـن=
والعز في رأسه تكاشـف غمامـه
قولو لخوي يركد العلـم هالحيـن=
وفرخ الجبل يكرب عليه العمامـه
لا بد مناطاء على الشوك والليـن=
ناطاء دروب العز نقضب خطامه
طلال وأن كانك على البعد توحين=
الحر مـن طبعـه رفيـع مقامـه
والحب يركز بالضمير السكاكيـن=
والبنت تذبـح لا تراخـاء لثامـه
والقاف ماينفـع بليـاء موازيـن=
وعرف ترى بالوقت بيضاء وشامه
وحذر ونا عمك مع الناس ثنتيـن=
هرج القفاء والعرض ذولي رخامه
ابي السموحه يالرجال الطحاطيح=
بضبط عيت لا تسنع الضروفـي
والطير عيا لا يريـد الملاويـح=
وانا على المقناص روحي تلوفي
بالمنتدى ماعد عندي مصاليـح=
وان كان به بنت(ن)تحرا لشوفي
تصبر ولا بد الليالـي مشاويـح=
تصبر على الفرقى وتقرا حروفي
وان كان مارديت عله مطاريـح=
عل الليالي تثبت انـي عيوفـي
قولوا لبو وافي ترى الطير عريـان=
أسبق من الشاهين لا صار به جيـر
ماهوب من عندي يقولـة كحيـلان=
علمنٍ ثبات ولا خلـط فيـه تزويـر
يقول شفت طيار ماهـوب جنحـان=
إلا صواريـخ علـى الجـو تدميـر
قلت إذكر الله وإقصر الهرج وان كان=
نوبٍ على بطنه ونـبٍ علـى غيـر
سلم عليـه وقلـه الـراس طربـان=
قلـه يخاوينـا لـهـاك الدعاثـيـر
قلـه نبيـه بمهمـهٍ دون فيـحـان=
قفـرٍ تربـه شـاردات المعاشـيـر
نبي عقب طيريـن نلحـق بعريـان=
نبي إليا صارت تقل حذف معصيـر
ثم أيقنت بن السماء صـار مزبـان=
في وصط مرباع النجوم المشاهيـر
ياخذ عنه ويهـد والحـرب ميـدان=
ولاظن غيره يودع الريـش تنثيـر
واللي على قافي من الناس شرهـان=
لا يحضر الفتنة على غيـر تدبيـر
يركد ترى قلبي مـن الغيـر مليـان=
وإن كان هرجي محدثٍ بالصقاقيـر
انـا وروحـي والمعاليـق عريـان=
طيرٍ ماهو عريان كبـو لـه شعيـر