[poem=font=",6,indigo,normal,normal" bkcolor="transparent" bkimage="" border="none,4," type=1 line=1 align=right use=sp num="0,black""]
يامادفعنــــــــــي للكتابـــــات الالهام=لاضاق صدري وحبكن الهمومي
شاعر وطوعت القوافي وانا غلام=غير الوراثه موهبه من رحــــومي
نميتها بين الدفاتر والاقـــــلام=ورفعتها فوق القمر والنجــــــومي
خوفا"عليها من حسودٍ ونمام=ومن ناقدٍ لأبيات شعري يهومـــــي
واليوم خلتني الكوابيس مانام=وإن جيت ابرقد ربع ساعه واقومي
وابشتكي للي لنا درع وحزام=اخوي شوق مرودعات الوشومي
الشاعر اللي ماخذن درع ووسام=رقما" يحطم عاليات الرقومـــي
إليا حضر غابوا شواعير الاعلام=وليا وقف كل القوافي تقومــــي
شليويح يامشكاي قلبي غدا اقسام=والحب عدابي طويل الرجومـــي
حبيت عذراء حزمت قلبي حزام=واستيسرت قلبي بليا هجومـــي
دلوعةٍ تلبس على الموت هندام=ولا سلهمت ترسل شطيرالسهومي
دلوعةٍ تطرب ليا غنت احــــــلام=وتسمع نوال وماجده بنت رومي
وهوايته غير السفر شوف الافلام=مادوجت ياعزوتي بالحزومــي
ومولودتن من قبل سبعة عشر عام=بديار جابر ماتعرف السلومــــي
وجده من امه من على عهد صدام=عاش العراق ولا يزال محشومي
وابوه سعودي شمري نسل الاكرام=طيب وبيته مدهلٍ للقرومـــي
اعجبتها واختارتن فارس احلام=واقفت بشريان المعاليق تومــي
راحت تصيف يابو باسل على الشام=وانا علي حضر السفر ومحرومي
واصبح جداي من القهر عض الابهام=وأون لاشفت الجواز مختومي
واقول من زود القهر ليت من حام=وياليت لي جنحان من شان احومي
ابي ارتفع من غير تصريح واختام=فوق الجمارك ماطلب اذنن حكومي
وانصى حبيبي لعن ابو مي والهام=لابو النــور لو رحبن في قدومــي
ابي اللذي ريقه شفى كل الالام=وشوفه علاج اللي بعينه هزومي
ابا آصله والعمر تاليه للخـــام=والموت حق لكل نفس ولزومي
ياخوك شف جسمي غدا جلد وعظام=واخاف اشقق يابو باسل هدومي
والله لو ماديننا دين الاســـــــــلام=حرمت غيره لو بقيت محرومي
لاشك ابرجي اللي كفل رزق الايتام=ماغيره اللي للهواوي رحومــي
الواحد اللي ياجر العبد لاصــــــام=وتحت السماء ينشي ثقيل الغيومي
[/poem]
راحت تصيف يابو باسل على الشام
العرض المتطور
