يمكن ما تشوفون شي بس الخاطرة مكتوبة تحت بلون فاتح ولازم تضلل عسب تقراها نوع من التغير وحاب أجربة
يا أقرب الناس فخاطري لج سؤال = = وارجوج تكفين لابد انج تردين
طلبتج انا لكن تكفين بدون أذلال = = وش صار بيننا عشان انج تبعدين
ابي عذر مقنع ماهو كلام عذال = = ولا انتي من الي للعذال تسمعيـن
ولا تصدقين كل من نقلج أقوال = = ترى مو كلهم بالحكي صادقين
وأنتي أكبروالله من هالأفعال = = أنا أعرفج زين والله انتي ما تخونين
والله ما يهمني لو ينقال ماينقال= = المهم انتي بداخل قلبي الي تتمين
صحيح مأنتي بـنت عم ولا بـنت خال= = لكن انتي بغلاتج عندي ما تجهلين
أنا رسمتج تاج على عرش الجمال = = وتركتج بين خلق الله تسرحين و تمرحين
وغيري ياما جازاج بصد وبإهمال = = ومثل حبي صدقيني مايوم تلاقين
حبي لج أكثر من عدد حبات الرمال= = واكبر من كل شيء بدون ماتقيسين
حبج تعدى حدود الجنوب وصل لشمال= = ويمكن تعدى الكون دون ما تدرين
رجيتج لا تكونين فيوم من جنس الانذال= =ترى انتي وقتها الي بتندمين
ترى انا عزتي فوق هامات الجبال= = وماوطيت قدري بيوم وانت تعرفين
انا سهله اقول حان وقت الانفصال= = لا حسيت انج لكرامتي تهينيين
أدري هذا شيء ما تبينه بيوم ينقال = = لأنج بدوني ادري أنج تضيعيين
ماقصدت انا بقولي هذا لج أي اذلال= = لكن ما ابيج بيوم لحبي تخسرين
انا أشهدما شفت منج غير خير الأعمال= = بس قصدي من كلامي انج تحذرين
الدنيا قصيره وكل انسان منها رحال = = وماتدرين متى يومي فيها يحين
لامت اذكريني بطيب مافيني من خصال= = ووصاتي لاج وقتها لا تبكين
ترى دمعج مو سهل علي ينهال = = بدموعج ترى لقلبي انت تحرقين
وتركي كل طيف لي عندج ينزال = = لو كان السبب في انج تحزنين
وربي راح ينسيج على كل حال= = وبيتركج بحياتج تحيين وتسعدين
العرض المتطور
