اعتق يدي ؛ كان تعرف قولة اعتقني = هذا القلم لا رفعته ماكتب غيرك
يجري مداده على الصفحة ويسبقني = يُأصل اللي سمعته من معاذيرك
دواة حبر القلم ماعاد تنطقني = ماعاد يعرف يراعي كون تعبيرك
مع إن هذا القلم بالحيل مرهقني = حتى الشِعر صار كنه من تصاويرك
يفيض نبع الشِعر يلين يغرقني = وتسيل قريحتي وتصب في بيرك
ياوين بلقا شِعرمرة يصادقني = يشرح ظروفٍ سببها وجه تقصيرك
غيباتك اللي على الخافق تبندقني = معاد ينفع معاها كل تبريرك
اضحى الحزن ثوب وأكمامه تمنطقني = وصبحت عايش على كثرة محاذيرك
اسمع حديثي ولو مرة وصدقني = مخطور تمسي وتصبح فاقد طيرك
اخوكم
محمد السالم