يِحاسِبني على الزله وماحد منها معصوم
يخالف كل أطباعي يعاندني بِأحكامه
أحس إنه مِجافيني بنظراته عتاب ولوم
ويتحاشى يحاكيني كأنه يعلن خصامه
غريبه ماهي اطباعه..!! حبيبي محتويني دوم
علامه مايصارحني عن إللي كدر أيامه..؟؟
ولو كان الخطا مني يظل قدر الغلا محشوم
يِجّله كل مافيني..وأعز النفس بِإكرامه
أنا غير البدر مالي ولا يحجب سماي غيوم
أببقى له..ويبقى لي..رفيق الليل وأحلامه
غلاي ودنيتي..ناسي..نصيبي حظي المقسوم
كسرني صمته القاسي..وحزنٍ بالحشا ضامه
ياويلي مابقى فيني من اللوعه صبر وعزوم
جفا حلو الكرى عيني يمر الليل مانامه
ذبحني مّر إحساسي يبي يفصح عن المكتوم
يهيض قلبه الناسي ويطلق باقي سهامه
رجيته لايِعنيني يزود عالهموم هموم
عصاني راح يشقيني حكم عالقلب بِإعدامه
على شان السنين إللي تِقاسمنا لذيذ النوم
تحاشى الشك ياخلي يفرقنا بِأوهامه
لاتغويك نزعاتك تجنب دعوة المظلوم
وحاسب نفسك وذاتك عيش بنفس لوامه..
الشاعرهـ ذكرى الغالي
العرض المتطور
