تحذير من محل زهور الريف
على لسان صديقتي
تقول القصه :
اليوم نزلت للسوق انا واختي بتاخذ هدية لعروسة المهم
مرينا زهور الريف واخترنا من السلات الجاهز الي عندهم
مجموعه فيها لوشن وبودرة وعطر وشامبو وفواحة صغيرة ومنشفة صغيرة ب250 ريال
وبعد الخصم طبعا معي بطاقة خصم من المحل سابقا صار220 ريال
اخذ الفلبيني الطقم وهو بسلة مغلف بشفاف( الحافظ حق الطعام) وباطراف السلة دانتيل
انا حسبت انه بيغلفه بسولوفان وراح خلف ستاند المكياج انتظرنا انا واختى----وشوي
ولا طلع يتبسم ويناظر لصديقة الهندي ماسوا به شيء؟؟؟
استغربنا اخذنا الطقم ومشينا
وحنا بالطريق قلت لاختي انا ماني مرتاحه لحركاتهم وريني الطقم ولا العطر ناقص؟؟؟
وقالت اختى لا من الاصل مابه عطر!!! بالعربي شككتن بنفسي
وبعد ماجينا البيت نتفرج عليه ولا فاتح فتحه وشايل العطر وراجع ملزقه بلزاق شفاف؟
عاد انقهرنا يعني يلعبون علينا كانه خصمو وهم ماخذين حقهم وزيادة وماكسبونا زباين ابد
اجل ليش البطاقة حقت الخصم الظاهر يسون فينا كذا بس تو اكتشفناهم
وانا ارجع له العصر ولقيت اللبناني بالمحل لان الصباح بس الهندي والفلبيني
وقلت له الحكايه وقلت عطنا فلوسنا (افكر اروح لنكتار)مانبي الطقم قال لا الفلوس ماترجع ابدااا
وانت تظني فينا ظن سو وشو هيدا مابيصلح هيك حرام عليكي دايم بيجونا ناس معهم اطفال
وبيخربوا قلت انا شفت العطر قبل ياخذه قلت لا انا ظني ماجاء من فراغ شوف الشق عالورق
ووين العطر؟
راح جاب الحاسبة وقام يحسب وقال ايوه حطو عطر وتغليف خارجي وشريطة
وراح وراء الاستاند حق المكياج ويهاوش الفلبيني ويقول ليش ماغلفته زين وبدلت الشفاف
عشان ماتشوف الشق؟؟؟
انا انصدمت انه داري بحركاتهم وساااااااكت وجاب السلة واخذتة ومشيت وانا منصدمه
ماقول غير حسبي الله عليهم ونعم الوكيل وعلى كل نصاب
والله على مااقول شهيييييييييييد حبيت احذركن منهم اوقفي عل راسة ولاتروحين وتخلينه يغلف وخذي حاجتك معك
العرض المتطور
