-----------تنبيه كود التنسيق لايعمل
هذا احدى روائع الغسلان
اخذتها من ارشيفه الخاص الذي يحوي الكثير
واعدكم قريبآ بمفاجئه غسلانيه من نوع خاص
[poem=font=",6,white,bold,normal" bkcolor="black" bkimage="" border="double,8,orange" type=2 line=0 align=center use=ex num="0,black""]
ابـن غـســلان هــاض وجـاب قـيــفـانـه=وجـمـرة الـجـاش مـاتـطـفـي لـهـايـبـها
صــب الاشـعــار نـارن ثــار بـركــانـه=وزيـن الامـثـال مايـخـشـى صـعـايـبـها
لا نـوى الـقـاف كـنــه حــط نـيــشــانـه=وفي حـشـى الخـصم ماتـبـرى صوايبها
طـيــر يـالـلـي لـحـايـل رف جـنـحـانـه=شـل سـلامـي عــدد ذاري هــبــايـبــهـا
طـيـب حـاتــم جـذوره روس ظــلـعـانـه=وطـيـب الاجـواد يـنـبـع مـن حـقـايـبـها
يـامـنــابـع صخـى حــاتــم وعــنــوانـه=لابـتــن بالـصـخــى تـمــشـي ركـايـبـها
يـاربـيـعـن عـلـى ضـيــفـه وجـيــرانه=يـاكـفــوفـن ربـيــعــك فـي سـحـايـبـهـا
تـدعـي الـضـيـف تـال الـلـيـل نـيـرانه=طـول الايـام مـاتـطــفــي شـبــايـبــهـا
انـشـد الـحـرب عـن غــارات فـرسـانه=والـتــواريــخ الـيــا ثـارت حـرايـبــهـا
وانـشـد الـمـجــد بـالـلــي ذاق عــدوانه=وعـن رجـالـن عـلـى قـبــره نـصـايـبـها
مـن لـفــاهـا يـبــي جــالـه وجــيــلانـه=يـشـكـي الـويــل لاسـارت كــتــايـبــها
خـفــرتــن فـاح وســط الـكـون ريـحـانه=نـرخـص الــروح لا فــلــت ذوايــبــهـا
حـايـل الـمـجـد هــي سـاسـه وعـمــدانه=ومـربـط الـخـيـل فـي حـايـل عـرايـبـها
طـيـبــهـا ورث مـن خـالــه وعــمــانه=ومـجــد الاولاد قـطــف زهـور شـايـبـها
حـايـل الـروح هـي قـلـبـي وشــريـانـه=هـي فـنـى الـمـال يـوم انـحـاش هـايـبـها
ورد الاكـوان عـطـر الـورد بـأغـصـانه=وضحكةالـضـيـف هـي قـمـة كـسـايـبـها
نـقـوة الـقـوم هــم ريـفـه وريـضـانـه=وعـاقــل الـنـاس مـايـاخــذ ذهــايـبــهـا
جـيـش الاشراف مـوتـه دون بـيـبــانـه=وطـعـنـة الـشـيـخ مـاتـبـرى ضـرايـبـها
عـزوة الـعــلـي هــم سـوره وجــدرانـه=والضـيــاغــم عـطـتـنـا مـن نـجــايـبـها
نـور عــبـــده وهــم بــدره ووجــدانـه=سـبـع قـحـطــان لاضـاقــت كــرايـبـهـا
هـم شـيـوخ الـجـبـل مـن مـقـدم ازمـانه=هـرجـة الـنـاس كـلــه فـي عـجـايـبــهـا
بالـسـنـاعـيـس شـاع اسـمـه وسلـطـانه=تـفـصـل الـروس عــن بـاقـي تـرايـبـهـا
فـرحــة الـجــار هــم عـزه وسـلــوانـه=يـامــن الـجــار دنـيــاه ومـصــايـبــهـا
يـاشـيـوخـن ظـهــر فـعــلـه بـمـيــدانه=تـرفـع الـنــفـس عـن نـقـرة مـعـايـبــها
كـان عـرعـر فـخـرهــا طـيـب ويـلانـه=غـيـبــة الـجــوع فـي حـايـل سـبـايـبـها
عـزة الــدار تـحـت سـيــوف شـجـعـانه=والـكـرامـه تـحــت لـسـعــة جـنـايـبـهـا
عــلــي الاول وربـي رافــعــن شــانـه=والا الاشـمـل شـمـلـهــا عــن نـشـايـبـها
واخو خـنسـاء خـذى الـطـولات بـايـمـانه=يـغــلـي الــدار لا رخـصـت جـلايـبـهـا
يـشـهــد الـطـيــن فـي جــدران بـرزانه=عـن شـيـوخـن فـخــرنـا فــي نـقـايـبـها
وانـشـد الـسـمـن مـن صـبـه لـضيـفـانه=فـي صحـونـن لـكـل الـنــاس جـايـبــهـا
نـاصـر الــديــن فـي نـشــره لـقــرآنـه=حـتـى الاعـراب تـابــت عـن نـهـايـبـها
زال ربـي بـســيـفـه بـيــت شـيـطــانه=وعـافــت الـنــاس شـكــواه وطــلايـبـها
نـام الايــتــام مـن يـمـنــاه شـبــعــانـه=غـيـث الامــزان لا هــلــت سـكـايـبــهـا
هــم ذرى الـنــاس والـمـزبـن لــبـردانه=جــعــل الاجـواد مـاتـشـكــي نـوايـبـها
مـاكـر الـطـيـب فـي طـيـره وشـيـهـانـه=وحـاضر الـعـلـي يـفـعـل فـعـل غـايـبها
لـيـت روحـي بجـنـب الـعـلـي مـسـكـانه=ولا نـجـاور مـن الـجـيــران خـايـبــهـا[/poem]
وهالبويتات
مجرد تعبير عن فخري واعتزازي
واعجابي براوينا العملاق
[poem=font=",6,orange,bold,normal" bkcolor="black" bkimage="" border="double,8,orange" type=2 line=0 align=center use=ex num="0,black""]
قال شيخ الرواة ويسلم لسانه=باسم كل الجماعه جاك نايبها
البدايه تحيه شعر مليانه=حاضر القوم ينطق باسم غايبها
راوية نجد يروي علم شيبانه=مايعقل المطيه غير شايبها
كفة الحق يرجح عدل ميزانه=يوم غيره عرفها بس هايبها
من يناقش ويقنع ناس مرضانه=مخطي القوم صعب يطيع صايبها
كم اجامل واشوف الناس غلطانه=غيرعكس الحقايق في جنايبها
نفس قرمان للتزييف قرمانه=كبرت الروس والسر بعصايبها
كان وده يصوغ ويستر اخوانه=يوم قادو على المسلم كتايبها
الله اعلم بقصد الناس وايمانه=لو تغطي عن العالم زلايبها
باقي العلم عند الله سبحانه=واول الغيث قطره من سحايبها
يوم الانسان مغبوط بنسيانه=يرضي النفس ويهون مصايبها
ماقدرت اتناسا ذيك الانسانه=علة القلب تجهلني سبايبها
الدوافع كثير وتوها بانه=لانه اتشوش لامدحو قرايبها
آه ثم آآه لو تدرين يافلانه=اني اضيق لااشتدت نوايبها
يوم راحت على عواد زعلانه=ماتت الروح في غيبة حبايبها
ياعضيد الهواوي واول اعوانه=يابن غسلان مني لاتعايبها
الزمن في طريقي صك بيبانه=والحبايب تدفعني ضرايبها[/poem]
العرض المتطور
