ياذكرت بن عمك لاتبين خطاه

(((((ياذكرت ابن عمك))))))

[poem=font="simplified arabic,7,black,bold,normal" bkcolor="white" bkimage="" border="double,9,black" type=2 line=0 align=center use=ex num="0,black""]
يا ذكرت ابن عمك لاتبيّن خطاه=اذكره بالمحاسن والعيوب استره

لاتحاول تصير سوات عين المراه=تكشف اصغر عيوبه لوتكون شعره

سد باب المعايب عن عيون العداه=وافتح ابواب طيبه للبشر واذكره

لف عيب ابن عمك تحت كم العباه=واظهر اجمل فعوله للرجال اظهره

سدباب الرخامه عن عيون الرواه=ومن تكلم بعرضه قم وسد نحره

سكر الباب دون الي يهين اصدقاه=كل مابصر بعين الخبث سد نظره

لا تكحّل عيون الهرج عند الدهاه=اقصر الهرج عن سمع الرجال اقصره

والعلوم الرخيصه ماعليها شفاه=قلل الحكي واترك كثرت الثر ثره

واعلم ان العلوم اليا نقص مستواه=تستفيد الاعادي ينقلون خبره

وكل بذره يعوّد زرعها للنواه=لاتلوّث نواتك يوم زان اثمره
[/poem]

(((مشعل عسام الغافل التريباني))) في 1444/2/19هـ

صح لسانك اخوي مشعل ننتظر جديدك

عشت سلمت ودمت مشعل

بيض الله وجهك على روعة القصيده

هلابك يابوعبدالرحمن وصح لسانك ملاااايييين
لك الشكر الجزيل على هذه النصيحة القيمة لاعــــــدمنا وجووودك.

تم التنســـــــيق

صح لسانك وسلم بنانك

لاهنت على النص الجزل والرائع

دمت ودام حضورك الجميل

صح لسانك ابيات قمه شكرا

اخواني الافاضل
اخواتي الفاضلات
صحت ابدانكم جميعا شكراللجميع علي المرور

يسلّم قلبك وَ روحك شاعرنا
عوافي قد السماء على ابداعاتك
الهي يسعدك وَ يديمك

سدبـاب الرخامـه عـن عيـون الــرواه
ومـن تكلـم بعرضـه قـم وســد نـحـره
سكـر البـاب دون الـي يهيـن اصـدقـاه
كـل مابصـر بعيـن الخبـث سـد نـظـره
لا تكحّـل عيـون الهـرج عـنـد الـدهـاه
اقصر الهرج عن سمع الرجال اقصره
والعـلـوم الرخيـصـه ماعليـهـا شـفـاه
قلـل الحكـي واتـرك كثـرت الثـر ثــره

للشعر اساطير وانت واحد منهم
صح لسانك واعتلى شانك

وتم بعيد
صح بدنك لاهنتي

اخوي يعقوب
صح بدنك يبعدي مرورك تاج على راسي لاهنت يبغدي