اللي براسك اعرفه وانت تحسبني غبيـــــــه
وصح غبيه لو أصدق بأن ماعندك نوايــــــا
النوايا اللي في قلبك لاتظن تخفى عليـــــــه
ادري اللي يدور عندك من تدابير وسوايا
كنت احسبك تسوى عمر ضاع في روحه وجيه
وللأسف ياللي عرفته يكشف بوجهـــــي خفــــايا
كنت تخفي وكنت تخفي وانكشف مرك بيدي
ياغبائك يااغبى شخص مر في عالم سجــــــــايا
كنت تحسب لي وقوعي وتنتظر مني خطية
وتزعم انك مااتمنى غير اكون اسمى البرايا
اكتشفت انك بزيفك كل يوم لك ضحية
واكتشفت اني بحياتك احدى الاف الضحايا
يابشاعة شخصك اللي ينكشف عن سوء نية
يابشاعة قلبك اللي يخدع قلوب الصبـــــــايا
لك رسمت من الاماني سلة ورود نديــــــــة
لك وهبت احلا طفل مافطن ذيك الوصايا
لك قطفت الحب كله وسقته لعيونك هدية
لك تكابدت المتاعب ولاشكيت ايا وزايا
وآخر اللي اشوفه منك ظيم وافراق واذية
وشي صعب اغفر وجوده لين تاتيني المنايا
تضحك بوحهٍ مخادع لعنبو النفس الردية
روح لاردك الهي يامسبب لي شقــــــايا
واللي براسك اعرفه لاتظن اني غبيـــــــــة
ولو غبية طاف عن بعض مابك من نوايا
الشاعرة: سجايا الروح