(((عنوان المنتدى الجديد))) هلموا جميعا

اوسمتي · 06-05-2007, 01:39 PM

ياهــلا في منـــتدانا بعد حيــــي=بالفخر والطيب حــطه لنا الساري
فيه سرحان الفيافي مثل خيـــي=مع عشوق اللي شبيه النهر جاري
ومنذر اللي صار للمنتدى ضيــي=مع سهر مثل البلابل والاطياري
واجوديه ووردة العين يابــــــيي=وقايدة خيل القلم جابـــها الطاري
وفيه حوريه تشـــابه موانيـــــي=ثم بقعاوية اللـــي على القـــاري
بس كل ربوعنـــا مابهم زيـــــي=جامعن زين وحبابه مع اشعاري
زين رامي عند زينـــي ولا شـــــيي=تقل شلت الزين من كل الادواري
وبي شجاعة تكوي المخطيه كيـــي=وان حصل هوشه تروني تقل ضاري
وان هربت عن العرب مابها شيـــي=خايفن من فلقــــتــن سمها هـــاري
من يبي زين السوالف يجي فــــيي=والهواش انحــاش من عندهم عاري

هذا عنوان المنتدى الجديد واللي عنده معارضه يقولها

قبل اجيكم بالرطيبه احرمدكم جميع رجالكم وحريمكم0

06-05-2007, 01:44 PM

وبي شجاعة تكوي المخطيه كيي
وان حصل هوشه تروني تقل ضاري
وان هربت عن العرب مابها شيي
خايفن من فلقتن سمها هاري
من يبي زين السوالف يجي فيي
والهواش انحاش من عندهم عاري
ههههههههههههههههههههههههه
هههههههههههههه
الله يعافيك
احلا قصيده
ولكن اخرها مانبيك تنحاش الفلقه عادي يومين وتنساها
هههههههههههههههههه
صح لساانك يافواز الله يسعدك وينصر دينك

06-05-2007, 01:50 PM

هههههههههههههههههههه
مشكور فواز على القصيده المرحه
قواك الله اخوي

06-05-2007, 02:05 PM

وان هربت عن العرب مابها شيي
خايفن من فلقتن سمها هاري
هههههههههههههه
سلمت اخي فواز

06-05-2007, 02:33 PM

ياهلا براوينا شبيه القمر مضيي = علومك تسر وتونس حالي وهم طاري
مير ان مقصدك عن علومي ابعيي = ابشق القربه واعلم الربع والجاري
ابصور البشت والعرس ولاني مفيي = واوزع كروت الحفل والزفه بمشاري
وأن جت على الدح ماني محيي = انذخ قدام المزايين واصيب ساري

قافيتك هدت حيلي ..

ابو فهد تسان مالله هداك عندي المخطر ولاالدركتر .. اختر وحدة منهن اتسويك غديك تضبط معنا ولاجيتك بالعرس انا ودركتري وحسته عليكم

06-05-2007, 02:27 PM

صح لسانك

بس عبيد ماذكرته

.. يالغسلان .. به حق

اما تقولبي قصيده خاصه لي

او تنكه حمراء بقعاء

وانت عنوان بعد حيي يالغسلان منورنا ببياتك لاهنت

06-05-2007, 02:36 PM

يسعد الله مزاجكـ يا بو فهد وصح لساانكـ لاهنت

وانا ليا ابطيت عن المنتدى ما يطري على الا قوله الشاعر / ماطور هواء

قلبي قبل فرقاك ما ينقص الزيت=واليوم ازيده كل مشوار علبه

اوسمتي · 06-05-2007, 04:17 PM

اخوي فـــــــــــــــــــــــــــــــــــــهـــــــــــ ــــــــــــــــــــــــــد

قلبي قبل فرقاك ما ينقص الزيت=واليـوم ازيـده كـل مشـوار علبـه
حبك رماني في فراشي تقل ميت=وصار الشعر ذابل تقل لون خلبه
ارجوك ترحم واحدن طاح بالبيت=طالبك والله ياهوى البال طلبه

06-05-2007, 04:47 PM

طلبه

وصح لسانك لاهنت بعد حيي

وتكفى عندك لعبيد الضلع هههههه

ترى عنده خبره 18 سنه خامس ابتدائي ليلي.. وينتظر الترقيه برمضان

اوسمتي · 06-05-2007, 05:11 PM

اقتباس

المشاركة الأصلية كتبت بواسطة FAHAD


	طلبه وصح لسانك لاهنت بعد حيي وتكفى عندك لعبيد الضلع هههههه ترى عنده خبره 18 سنه خامس ابتدائي ليلي.. وينتظر الترقيه برمضان

ثمان طعش سنه بالخامس؟؟؟ ياملا الدقاق يالغبي00

عز الله من يوم جيت المنتدى انا حسيت انك خبيل وهالحين ثبت لي000 ياملا ابازوعه

مانجحت لو بالبراشيم؟؟؟ ايه ذروق مايداني ياخذ براشيم من القعيطل

اللي يضرب ركبه00 اوريك والله راح اضبط بك كم بيت

اني الا اصلي بك شمال يم النجف بس صبرك علي000

هذا اللي باقي بعد غبي ومذراقه0 ويلجنا بعد لاصار يدوي بالصوت00

06-06-2007, 01:13 AM

الحين انت ماشفت منهو مشرف القسم

انا اخبر الشاعر اذا جاب قصيده لازم يمدح المدير او الوزير

انت ماجبتنا بالطاري لكن هين بعطيك فرصة ولا بنقل الموضوع لي قسم

الشعر اللي مايراعي المدير

06-06-2007, 01:36 AM

هههههههههههههه

الله يسعد قلبك ابو فهد لاهنت وصح لساتك
FAHAD هلا وغلا بهالطله ياغالي الا عبيد الضلع
عاد لاحد يقرب له انتبهوا
مزيون حائل غريبه فعلا ليش اسمك ماجاء بالقصده !!!
تبي حق هذي
والله
<< ولعهاا + شعللها

اوسمتي · 06-06-2007, 05:35 AM

يالساري يالغالي هذي واضحه 000

انا قاعد امدح روحي بالحلا والزين وشلون اجيب واحد ازين مني؟؟ وشلون0

والله لو انا عبيد الضلع اللي يقولون ثمان وعشرين سنه بثاني ابتدائي الله لايسلط

علينا حنا وغويشنا مثله هالمقيريد0 اللي هذا اول عمره وتالي عمره جابه حظه

عند عشوق ومنذر وقاموا يجلغفونه جلغفة ارنب على جيب شاص بالسهله00

06-06-2007, 06:29 PM

أبي قصيده فيني بو فهد ترااني معصبه اعجل علي

ربي يسعد روحك مبدعنا..

تقبل مروري..
بقايا حلم..

06-07-2007, 02:42 AM

اقتباس


	مانجحت لو بالبراشيم؟؟؟ ايه ذروق مايداني ياخذ براشيم من القعيطل اللي يضرب ركبه00 اوريك والله راح اضبط بك كم بيت اني الا اصلي بك شمال يم النجف بس صبرك علي000 هذا اللي باقي بعد غبي ومذراقه0 ويلجنا بعد لاصار يدوي بالصوت00

هههههههههههههه

عبيد الطخمه لاتعذربون فيه

ماتسمع البيت اللي يمدحونن فيه

عبيدن قمر والعيال نجووم .. واللي زعل واشنق راسي

الدقاق ... هو سبب تدهوري بالدراسه اللي خلانن انقز من فوق السور
ماهو من حيييلي
خخخخ