بنتا يـا نايـف تهيـض القلـب والعوبـه

صوتي الاول

بينـي وبيـنـك رسـايـل شــوق مكتـوبـه=مـحـفـوظـتـا بـالــغــلا بـعــيــون كـاتـبـهــا
واليا سرى الليل هب الشوق بهبوبه=يـهــب لاهـــب جــــاب الـلـيــل غـايـبـهـا
وقـمـت اتقـلـب عـلـى نـيـران مشبـوبـه=مـثـل الحقـيـقـه ســـواد الـلـيـل جايـبـهـا
واغـالـب اشــوق لــو النـفـس مغلـوبـه=ادراء عـــن الـبــوح لاهــبــت هبـايـبـهـا
صبري نفذ وانت صبرك دوبه ودوبه=والعـيـن عـيـت تـظـم رمــوش حاجبـهـا
مـكـنــهــا الا مــــــن الايــــــام مــذنــوبـــه=والا زمـانـي عـــن الاشـــواق حاجـبـهـا
بينـي وبيـنـك رسـايـل شــوق مكتـوبـه=مـحـفـوظـتـا بـالــغــلا بـعــيــون كـاتـبـهــا

مجاراةالشاعر القدير/نايف الشويب السليمي

سلام ياللي تعرف الطيب ودروبه = كل المراجل يانايف انت كاسبها
ماهي عليك يافتى الجود مغصوبه =جاتك من رجالٍ ياطيب منسبها
نار الكرم في بيت أبوك مشبوبه =دلة تجي ودلة يم النار قربها
ياشوق بنت بالتواصيف رعبوبه = ريميةٍ صوت القوانيص مرعبها
الجادل اللي عند العشاشيق مرغوبه = الله لايوم اللي من القلب راغبها
يانايف هذي سوات الحب واسلوبه = ياكم ناس حب الغنادير سالبها
والنفس تبقى من حب الزين مغلوبه = عزاه يانفسٍ حب الزين غالبها
مير اطلب اللي مايخيب ظن مطلوبه =يجيب اللي عينك عن النوم حاربها

صوتي الثاني

ياحلو عد القراح وحلو مشروبه=يلي علومك قراح وحلو مشربها
يالعزوه اللي من اهل الطيب منسوبه=منسوبتا بوالوفاء والطيب راغبها
نايف عروقه براس الطيب مخضوبه=وعروقه مخضبه من طيب شايبها
يا ذخر عودا لبس فوق الوفاء ثوبه=عودا رجال الوفاء والطيب ناجبها
ودلال كيفا مع اهل الكيف منصوبه=لوقلت ماني موفى فى مواجبها
واليا سراء هاجسي يا قابل التوبه=قمت التخيل مع المسراء حواجبها
بنتا يا نايف تهيض القلب والعوبه=واليا سراء خافقي تشعب ركايبها
والقلب يرقصلها ويجر مسحوبه= والغيث يبرق ويرعد مع سحايبها

مجارة الشاعر الكبير/حسين بن مريع العبيدي

نايف ليا قاد قاف يزين لعوبه= يختار زين المعاني عن عذاربها
الذوق راقي وانا يطربني اسلوبه= واليا نضمها تبيض وجه صاحبها
حبيت اشارك معه من طيب مشروبه= ومن حب له ناس كملها مواحبها
واقول يامشتكي شكواك محسوبة = تشكي من اللي مضى لك ماانت قاربها
عنها تغيب وبنت الطيب مرغوبة= لكنها لاتشوف انك تجاذبها
انحاش وابعد وهي في القلب محبوبة = حذرا يبين الوداد ولا تعاتبها
الطيبة عند كل الناس مطلوبة = لكنها ماتميل اللا لغالبها
الحب بين المحب وبين محبوبه = غلا تغلي دلع قسوة بجانبها
اليا دعاك النصيب وجات مغصوبة = رغبت بعد شافت انك ماانت راغبها
لاجابها الحظ قلبك نال مكتوبه = روح احمد اللي مسهل لك صعايبها

مجاراة الشاعر الجزل عوض الرويلي

يا راكبٍ هوما من الجيش منجوبة= من جيش ابن تيمورخيرة نجايبها
تزهى جديد الدل ويبهجك مركوبه.=يزين بال اللي مع الدو راكبها
تحمل جديد الحرف وبالود مصحوبة=للي لهم بالصيت عالي جذاببها
للي قوافيهم كما الشهد مسكوبة=صافي المذاق ولذيذة مشاربها
اللي لهم خيمة العز منصوبة=نسل القروم اللي عريبٍ مجاذبها
يالله يا عالم السر وغيوبه=ياللي لك النفس ما خابت مطالبها
تفرج لنفسٍ صابها مر غيبوبة=يا سامكٍ بالعرش تفرج مصايبه

صح لسااانك ولاهنت
احترامي وتقديري

اقتباس المشاركة الأصلية كتبت بواسطة السوبـر صح لسااانك ولاهنت احترامي وتقديري

صح بدنك اسعدني مرورك
تحيتي وتقديري

صح لسانك ولسان من جارى
ابيات تنم عن مقدرة شعرية ليست بمستغربة
من شاعر جزل مثلك وشرواك

اقتباس المشاركة الأصلية كتبت بواسطة anfas صح لسانك ولسان من جارى ابيات تنم عن مقدرة شعرية ليست بمستغربة من شاعر جزل مثلك وشرواك

صح بدنك اسعدني وشرفني مرورك العطر
تحيتي وتقديري

صح لسانك ولسان من جارى
ابيات تنم عن مقدرة شعرية ليست بمستغربة
من شاعر جزل مثلك وشرواك

يسلّم منطوقك شاعرنا العذب
إلهي يسعدك دومات يّ مبدع
~

] شاعرنااا الراقي صح لسانك مااعذب بوحك ومااروعه هنا وجدت ثورة من الاحاسيس النابعه بصدق من الفؤاد وحب عجيب وغريب وعشق تدفق من داخلك كتدفق الانهار وغرام حلق بسماؤك كتحليق الاطيار وهناك الكثير من الاسرار التي اشعر بانها لازالت تستقر بالفؤاد وتأبي ان تخرج عبر الكلمات هنا اخي توقفت للحظات يرغم انني احتاج ان اتوقف هنا اعوام لاستمد شيئا من جمال ماقرأته هنا ف قصيدتك حملت لنا معاني الحب على طبق مزخرف بذوق رفيع فهنيئا لي وانا اتلذذ الان بجمال احساسك وبهذا الابداع الذي لايوازيه ابداع اخر ومن جمال احساسك عادة ننحني حتى نقطف الورد ولكنني هنا اقف واصفق لك بحراره وانثر لك بستان من الجوري لتستقر كل زهرة جوري بين كل كلمه من كلماتك لك مني كل معاني الشكر ياصاحب الاحساس العذب صدقا لابد ان اغادر الان ولكن سيبقي صدي كلماتك عالقين بفكري وروحي تحياتي لروعة روحك ولجمال ماقرأت

صح لسانك ولسان من جاراك

نايف الناجي
صح لسانك ولسان الشاعرين نايف الشويب الحربي،وحسين العبيدي ملااااايييين
الكل منكم مبدع بيض الله وجيهكم
تحياتي وتقديري للجميع.

صح لسااانك
قصيده جزله من شااعر جزل
تحياتي لك

صح لسانك ابيات رائعه شكرا

هاذي كاينه ملحمة شعر
مو بس مجاراة
صح لسانك ولسان كل من جاراك
صوت وصدى ولا اروع
هنا متعة القراءة
ومتعة العزف
نعم لا استطيع ان امر لها مرور عابر
لابد من التأمل في نظمها ومعانيها
ومن ثم تلحينها وعزفها والتغني بها
نعم من اجمل الدندنات
ان تدندن بقصيدة راقتك بكل مافيها

ودي واحترمي للجميع