ذاب الـــجــلــيــد

بعد غياب ..
أضع بين أيديكم نص متواضع أتمنى أن يرقى لأذواقكم ..



[poem=font=",6,darkblue,normal,normal" bkcolor="transparent" bkimage="" border="none,4," type=2 line=0 align=center use=ex num="0,black""]
وش به مزاجي غير كل المزاجات=فيه الكدر والهم .. فيه الغبينه
أبكي واكضم دمعي اليوم بإسكات=وأقول مستانس وحالي حزينه
ايا وجودي وجد من صاحبه مات=في حادثٍ يرعب سكون السكينه
حضنه في حضنه ودمه خبارات=ولحظة حضنه الموت جاه بيدينه
صاح وبكى واردف مع الدمع دمعات=دنق عليه بحزن .. قبل جبينه
أو وجد من صاحت بليل المتاهات=ليلة عيد الفطر .. ربي تعينه
جاه الخبر مفجوع بأغلا الملذات=جاه الخبر بأنه توفى جنينه
صاحت وطاحت بين كل الممرات=صاحات من الويلات صيحة غبينه
أو وجد من جاه الخبر بالرسالات=في نصها ماجور بنتك أمينه
في غربته ضاقت عليه الولايات=مات الأمل مات الفرح مع حنينه
هلت دموعه قدم كل السفارات=ماله أمل رجعه بغير السفينه
أبحر ولا يدري وش اللي بعد آت=مايدري أن الموج هاج بكمينه
تحطمت كل المراكب بالأفات=وراحت به الأمواج من دون عينه
نجّاه ربي لا تجيه المنيّات=وشالته مدات البحر للمدينه
ثم اتهمه الناس ظلمٍ مع إثبات=بأن المليك إغتيل وانته طعينه
حكم عليه الموت تعزير بآيات=طبق عليه الحكم وافضى كنينه
ياناس قولولي علام المزاجات=عكس المزاج اللي مزاجي رهينه
أعيش بأحزاني وأسج بعلامات=وارسل واعيد اليوم ويني ووينه
ياليت أنا آسف تعيد الدقيقات=والا يجي موتي وأنا أبقى مدينه
ياناس صدري به من الهم رايات=واجيوش واحزاب وحصانه متينه
تكفى وتكفى هزت أقوى الحصانات=والعمر واحد والثواني ثمينه
مجبور أنا أخفي ماخفى بالخفيات=واضحك وأنا أبكي من قرين وقرينه
وآخر كلامي في حزين العبارات=هذي وصيّه من اهلال لضنينه
البارحه جاني خبر بالمنامات=أني غرقت أبساحلن فيه طينه
أولت تفسيره وجتني جوابات=والله تبكي من عرف وش دفينه
لكن إذا جاك الخبر و الوداعات=وذاب الجليد وطاح تمثال دينه
أرجوك تدعي لي بركعٍ وسجدات=ولا مر طيفي فكر أنك مدينه
ولا قالوا أسمي بالتعازي ورحمات=أصفق شمالك في محاسن يمينه
أذرف دموع الصمت بالصمت وآهات=وفي غرفتك هز الحصون الرزينه
وأن شفت مفرق ديرتي في متاهات=وقف.. وقل جار الزمن في سنينه
وأن جيت ..للموقع .. وشعري ..والأبيات=تكفى ترد .. وتذكرن في حسينه
وأكتب بأنه يسهر الليل مابات =ياما تعذر واضحكن في كنينه
ودي وودي لو تطول المسافات=واخبرك عن.. موتر.. وعزم.. و مكينه
واضحكك في قصتي يوم الأزمات=وارويلك الطبخه وخبز العجينه
لكن ماباقي من العمر مافات=ماباقي الا من شتاتي ونينه
أمنتك الله لا توفيت لي حات=خلاص أنا راحل... وكلي ضغينه
مع السلامه .. والفرح .. والتحيات=مع الهنا .. والعز ....وأشياء تبينه
وآخر طلب .. موجود بآخر خطابات=..( مسموح )..(كلمه)..(طالبك).. تنطقينه
[/poem]

وسلامتكم
هلال الشمري

شاعرنا هلال الشمري
هنا ابيات مختلفه وعظيمه وراقيه بكل شيء ,, بارك الله فيك وصح لسانك

يسعدني كما ويشرفني

ان اكون أول الواصلين

على هذه المحطه الرائعه

والتي تعتبر من احدى محطاتك الساحره

هلال الشمري

صح لسانك وسلمك الله ع القصيده المميزة
دمت في حفظ الرحمن

[glow1=0033cc]
يبي له روقان
ورد يليق بمكانته
لى عوده باذن الله

بعد القراءه والاستمتاع بجمال الحرف
[/glow1]

[glow1=0033cc]
عوده من جديد
الى مابين السطور فى هذه الفاتنه
لله درك الغالى هلال على ماصاغ لنا فكرك
من رائعه صح لسانك وعلا شانك
ولاهنت

تقديرى
[/glow1]

ابدعت دمت مبدعا
وطال عمرك على العز والمعزه

أخوووووووووي هــــــلال مـــــالي الأ أقووول وعــــزاه

صح لسانكــ ودائما المبدع يــبهر القارى بأبيات لم يسبق بمثلها

تحيــــــــاتي لكـــ ودمت بووود

اخونا الكريم

وشاعرنا المبدع

ابو خلود

صح لسانك على القصيدة الرائعه

التي لاتخلوا من الالم والحزن الذي خيم عليها

ابعد الله عنك الهم والغم وجعل كل ايامك هنا وسعادة

دمت بخير

هلال الشمري

صح الله لسانك على القصيده والإحساس الرآئع

تقديري لكـ.

صح لســــــــــــــانكـ ع القصـــــــيده الرائعه

بإنتظـــآآر جديدكــِ . .

[align=center]

هلال الشمري
قصيدة مليئة بالتشاؤم
قسم كش جلدي من وصف الحال..!!
صح لسانك
والله يسعدك ياخوي



[/align]

هلال الحسيني

متميز في قلبك وروحك ياراقي

لاتطيل الغياب فأنت ممتع رغم لغة الحزن هنا

[align=left]اخي هلال الشمري~
} صح لسانك وعطر الله فالك وابعد عنك الاحزان
؛حضورك الشامخ يشفع لغيابك يامبدع
.،.احترامي لك [/align]