[size="5"]كيبوردية اتت هكذا ,,
[poem=font="simplified arabic,6,orange,bold,normal" bkcolor="black" bkimage="" border="inset,4,gray" type=2 line=0 align=center use=ex num="0,black""]
بسم الذي انزل تبارك وياسين = وانزل لنا الانفال وانزل لنا الطور
هو الذي لاسمه تخر السلاطين=وهو الذي انجا نبيه من بحور
من بعد ذكره باستهل المضامين= و اقيد المعنى على البحر محكور
سر ياقلم واكتب جزيل التلاحين=زان القصيد اللي به القاف مسطور
قضى كثير الصبر واستكمل البين= من شاعرٍ يرسم احاسيس وشعور
واليوم ثارت فيني ثورة براكين= كن الشعر في داخلي قِدره يفور
ياصاحبي افهم كلام الفهيمين=لاتأول المعنى على كيف منظور
لو تبحث المعنى بكتب الدواوين= واضح وضوح الشمس مع طلة النور
دنياك يا خيي تخيف المخيفين=تجرد المظلوم و حكمه على الزور
امسوا بذلٍ فوق ماهم ذليليين=مغبون من يصبر على الذل مقهور
دنيا عجيبة كيف ذلت عزيزين=تحكم عليهم بالفنا وسط القبور
راعي النميمة ما يزلزل اراضين=بمؤشرٍ في ذم الاجواد منشور
والله لو تزعل جموع الملايين=ما همني دام الوفا فيني محفور
يهمني كسب الرجال الميامين= مالي ومال اللي طبوعه بها شرور
هل الوفا من رووس قومٍ رفيعين=مثل السحاب الي كسا الارض بزهور
وانا في هالدنيا مخاوي الكريمين= اللي لهم تاريخ واضح ومذكور
عند الرجال اللي تعرف القوانين=أهل الكرم والطيب بالورد مغمور
وصلاة ربي ع النبي مظهر الدين=اعداد ما هلت سحايب بها امطور[/poem]