|
بصري الوضيحي*
السلام عليكم ورحمة الله وبركاته
الشاعربصري الوضيحي
يوم كبر بالسن وحب انه يتوب طلب من ابنه الحج
ويوم حج وهو بالطواف شاف بنت بن ربيعان العتيبي يوم جاء بصري يبي يقبل الحجر الاسود
والا ذي بنت بن ربيعان قريبه له وهو يحبها على خدها بدال الحجر الاسود
قالت بنت بن ربيعان "ياملا العمى انشالله حج يالشايب"
فقصد قصيده عقبه يقول:
التايه اللي جـاب بصـري يقنـه
جد د جروح العُوّد و العُوّد قاضي
جينـا نحـب ونطلـب الله جنـه
جنة نعيمٍ يـوم يابـس الحاضـي
ياليت كانـت حبتـي فـي معنـه
يوم العيون عن الخوامل غواضي
يامن يعاوني على وصـف كنـه
اشقح شقاح ولاهـقٍ بالبياضـي
لا ريحةٍ قشرا ولا هـي مصنـه
ريح النفل بمطمطمـات الفياضـي
ونهودها الثوب الحمـر شولعنـه
حمرٍ ثمرهنٍ واقفـاتٍ غضاضـي
و الخد ذابـوح القلـوب المرنـه
براق مزنٍ لاعج ألـون ياضـي
ياليت لو سني على وقـم سنـه
بايام ما بينـي وبينـه بغاضـي
ايام جلـد الذيـب عنـدي محنـه
نصبح وزرق الريش لهن أنتفاضي
وا جرح قلبي جـرح وادٍ وطنـه
غر المزون اللي وطنه وفاضـي
والبيض قبلـي محسـنٍ عذبنـه
ونمرٍ على وضحا جرا له عراضي
والبيـض كـمٍ واحـدٍ يبسـنـه
يبسة شماشيل العذوق النفاضـي
عزي لمن غـر الثنـاي كونـه
واركن على كبده كُويٍّ اعراضـي
شوفي بعينـي و الخـدم يركبنـه
بنت الشيوخ مخدميـن الحياضـي
على اشقحٍ من زمل ابوها مظنهك
ركبت عليه اتشنطـحٍ بعتراضـي
بمشجرٍ من سوق هجـرٍ مغنـه
على خياطه ناب الارداف راضـي
واين انت يا مشفي على طردهنه
انا طويت ارشاي واقفيت قاضـي
أحدٍ يطيـح بنـار وأحـدٍ بجنـه
وترى الحظيظ اللي له الرب راضي
ويوم رجع لربعه قالو وش سويت بالحج يابصري قال:
ياليتنـا مـن حجنـا سالمينـا
كان الذنوب اللي علينا خفيفـات
رحنا نبي نخفف ذنـوب علينـا
وجينا وعليها كثرها عشر مرات
وله هالقصيده عقب الحجه قال:
البارحه ماغمض الجفن بمـراح
كن النويفج بوسط العين هـاوي
والقلب من كثر الهواجيس مرتاح
متلوعٍ والحـب دربـه بـلاوي
ياعلي يااللي للمواجيـب نطـاح
حَماي بالضيقات شقحٍ مهـاوي
راعي الولع لوقالو الشيب به لاح
يبي الامور الاوله لـه يخـاوي
لو قيل حج وحط بالكف مسبـاح
الذيب ماخـلا إمتـال الشـواوي
عقبه انعمى بصري الوضيحي
وقصد هالقصيده ويقولون بعده رجع لوه شوفوه يقول:
ياناصرن جيـش النبـي والصحابـه
ومهزم عداك الله على الشرك عاصين
تجلى بياض صبـي عينـي ومابـه
واشوف شوف مطلعـات الشياهيـن
عقب العمى تنظـر منـازل احبابـه
واخصهم بالشوف لـو هـم بعيديـن
يامحسـن الدنيـا لفتنـي ركـابـه
وقرب رحيلي مـن فريـق مقيميـن
والقبر قلبـي خليـف مـن عذابـه
في ساعة عنـه الحوافيـر مقفيـن
ويروعـون القلـب مثـل الذيـابـه
اللـي يقوسـون العمـل بالميازيـن
وانا ضعيـف الحـال مافيـه جابـه
وتنجد في غير ربـك ماهـو شيـن
يامحسـن الحسنـى علينـا مثابـه
خلك لوغدانـي رحـوم وبـك ليـن
احرص بهـم يامـا يجـون القرابـه
مثل فروخ العـش بـرص مساكيـن
وداعتـك نـوره عــذي شبـابـه
لاتطلقـه ثرهـا خيالـة سلاطـيـن
اللـي كمـا نظـم الوالـو عـذابـه
مع الطبايـع خالـط عقلهـا زيـن
والله يامـن روعتـي مـن عذابـه
وياسامعينـن طلبتـي قولـو اميـن
يـاتـل قلـبـي تلتـيـن بنتـلـي
تلة رطيب الغصـن خطـو الطفوقـي
لاتلـه الملحـاق عجـلٍ بشتـلـي
ميعـاد زلافٍ وعــد باللحـوقـي
عليـك يانـاوي عذابـي وقتـلـي
ياحارمـن لـذات نومـي وذوقــي
بالك تنهت خـل كـل التنهـت لـي
خل التنهـت لـي يامعـذب رموقـي
ومجـاذب العبـرات مافرجـت لـي
ينخـاط فتـقٍ ويتبـيـن فتـوقـي
تمرنـي يازيـن ماتلتـفـت لــي
ماكـن قلبـي لـك مـودٍ شفوقـي
صبرٍ جميـل الله يـرد البخـت لـي
وعساك ترجع لـي مـودٍ صدوقـي
صح لساانوه وغفرله ذنوبه
تحياتي..
|
العضو الأكثر نشاطاً هذا اليوم 
العرض المتطور
