[poem=font=",6,black,bold,normal" bkcolor="transparent" bkimage="" border="none,4," type=0 line=0 align=center use=ex num="0,black""]
الشعر إسمعه داخل الحدب لجاج = وأغرف من صافي الجزيلات كؤوس
وإسمعه فالراس إتلاطم أمواج = وأعطى ربانه إشاره ودق ناقوس
يا محبوبة الروح يا طبي والعلاج = يا جنتي بدنياي آسف يا الفردوس
يا الناعمه يا أنعم من الديباج = يا أم العيون الذبلانه النعوس
لا جيت أبوصفك زودتي الأبناج = ولا شافتك عيني غدى الحال محيوس
إستكنتي داخل الأفكار والأدراج = وأسرح مع مبسم ثناياك بهاجوس
وأسامر القمرا والنجم وهاج = وأسمع صدى صوتك بالأذن مهموس
تسطع الغره والثنايا الفلاج = برقن وسط السما لاح لوحه عسوس
وطعم الشهد وسط الثغر ثجاج = يعطي نشوه للحياة وألوان طاؤوس
ضحكاتها تعطي الدنيا إبتهاج = ضحكات طفلن من البراءه ملبوس
حنانها في وسط ضلعانها العوج داج = وتسدل وتسبل من حنانه المتروس
لا تكلمت ما تمل من كلامها الشاج = يطرب القلب وصابته بسهومن وقوس
ولا أقبلت بالخصر تقول بهوداج = عقود لمبات وزفت دخلت العروس
ويا حرفي إظهر وتعال من القراج = دام النار إتلضا والبن محموس
صحيح ما عشت والعمر ما هو نضاج = مير شفت وسمعت وأحيان صار ملموس
هرج القفا إتركه وإترك كل هراج = إما بالوجه ولا بلاش الدسوس
يا ويش فادك هرجك يا راعي الغناج = غط وجهك بثوبك ودسه بالطعوس
إستر سواده اللي على البشر راج = لو جلا يظهر الغم وظلامن بعد شموس
إنتبه الإشاره تلقطها الأبراج = مير بعطيك درس وبعطيهم كوم دروس
ويا صاح لا تخاوي سودان الإنتاج = فرقاهم عز وشرف لو كانت بفلوس
وجهه أسود لو حط بودره ومكياج = يبان بالمجالس كما نقطة السوس
إختر اللي هم على الكيف والمزاج = اللي مخاواهم طولة علا وناموس
قولت هلا وإقلط من دون باب وسياج = اللي لهم بالكرم باع وعلم مغروس
ربي عسى ما تجي يمناهم التشناج = ولا تقطع لهم ذر وذكرهم مرموس
واللي لسفاله والدنا عراج = تحمد وشد الهمم وإرفع الروس
تربص بالدنا ويفكر إنه ناج = هذا اللي بأحلام دنياه غموس
تفرد الجنحان وتبي تطير الدجاج = ولا فارقت قاعة الأرض الهروس
حاولة وأنت حاول وعدل بالمنتاج = النجاح حليف من توجه للقدوس
ولا أوجست من القريب طعن وبعاج = إكتم صرخت الوجع فالصدر تهوس
ولا ذقت من غالي العين مائن أجاج = وجعه مثل الوجع لا صار بين الضروس
[/poem]
وسلامتكم // طلال الأسلمي الشمري ..
العرض المتطور
