قالوا تحـــبه
قالوا تحبه قلت ماهـوب بالحــيل
بس انه أغلى شوي من نور عيني
يسوى جميع الجيل الأول وهالجــيل
أحبابـــي الماضـين والمقبليني
شوقي له أعظم من ظما الأرض للسيل
وأشفق عليه أكثر من الأم الجنـيني
واحتاج له حاجة ثرى مصــر للنـيل
وعليه أغار ولو مـن مالوالديــني
أشتاق له شــوق المحــبين لليـل
وارتاح له راحة دمــوع الحزيـني
لاصار جنبي لو سنه وقـتي بخــيل
ولا غاب لو لحظــات صارت سنيني
قالو يحبك؟ قلت هــذا هو الويـل
مــاودي أنشـد ثــم رفضه يجيني
وأهدم رجاي بدبـرتي مثـل ماقيل
والأفضــل أحيـا بالأمـل لـو لحيني
ياحبكــم يانـاس للقـال والقــيل
والأمر لـوهو سهــل يصبـح مهيني
خلوني أحيا في الوهم ياعواذيل
وش دخلـــكم والأمــر بينه وبيني
للشاعر المبدع:
صاحب السمو الامير سعود بن بندر
العرض المتطور
