الله لايجزى هل الجمـس بالخيـر
الله لايجزى هل الجمـس بالخيـر
اللي على بـاب المحطه..صدفنـا
ياليت صابن..عن لقاهم..معاثيـر
او ليتنا مـع درب ثاني..."ذلفنـا"
وقّف على باب المحطه..يبي سبير
وحنا لك الله مـن القراده..وقفنـا
بجنبهم..من دون..قصدٍ..وتفكيـر
امه يمين....وجلست مـن طرفنـا
وشفنا العيون اللي تهز الطوابيـر
عزالله انـه "قردنا"...يـوم شفنـا
ياعيـن حـرٍ برقعـوه الصقاقيـر
لغيركـم.. ياكامـل الزيـن عفنـا
ابي الدرقسون..وتجـودت بالقيـر
لاوالله الا ياخـلـف... اختلفـنـا
جينا البقاله...بالـلاوازم تقاصيـر
نبي نكمل .. مانقص من "علفنـا"
قمنا نتلفت...وش نبي؟...يالمداوير
لا ياخلف...وش عازنا؟..ياخلفنـا
قمنا نتفكر!!..مار مابـه تفاكيـر
يالعنـبـو حيٍ..لقانا..وخطفـنـا
انشهد انه هي عـذاب المناعيـر
وانشهد انه هـي سبايـب تلفنـا
من عقب ماني بالشدايد تقل زيـر
بنتٍ سبتنا..وانلعـن به.."جدفنـا"
مالـه شبيـهٍ ياخلـف بالغناديـر
ولولا المخافه.. يارفيقي.. حلفنـا
قفو على الجمس المسمى مدابيـر
وش هي جهتهم؟..ياخلف ماعرفنا
الدرب غير..ودربهم ياخلف غيـر
لفو يمين... وباليسـار انصرفنـا
ياليت صابن عن لقاهـم معاثيـر
او ليتنا مـع درب ثانـي "ذلفنـا
مشعل حاشم الشمري
تقديري لكم .. عشوقـ
|