السلام عليكم ورحمة الله وبركاته
قصيده
ترحيبه بالملك سلمان
يابوفهد حييت ، نوّرت حايل
أجا وسلمى كل ابوها تحييك
بسم الامير اللي يشيل الثقايل
وبسم الاهالي ياهلا ومرحبا فيك
غلاك له بقلوب شعبك دلايل
يابوفهد يغليك بالحيل يغليك
على الوفاء والعهد والشك زايل
بارواحنا ياخادم البيت نفديك
انت المليك اللي بحزمك هوايل
انت المليك الي خضع لك معاديك
قيظ وسمومن للضديد وقوايل
وبرد وسلام وفيْ ، للي يواليك
بعهدك رقينا ياملك كل نايل
ياسيدي سلمان طابت مساعيك
واليوم حايل فيك ماله مثايل
غيم ومطر وانته عسى الله يخليك
ضلعان حايل رحّبت والمسايل
بك يامليك الحزم والطيب تهديك
واميرها يعمل بشتّى الوسايل
عبدالعزيز الي عمل لجل يرضيك
وجه السعد مخلص وللحمل شايل
كفّى ووفّى والميادين تنبيك
ويامرحبا بك عد وبل المخايل
ياسيدي والمنطقة نوّرت فيك
شاعر النخوة الشاعر نايف العتيبي
العرض المتطور
