[frame="9 80"]
[poem=font=",6,white,normal,normal" bkcolor="green" bkimage="" border="double,10,green" type=2 line=0 align=center use=ex num="0,black""]
مرت ثلاث شهور ماكلمت نوف= عسى انقطاعتها ظروف وعوافي
مغلق جهازه والسبب غير معروف=يالله عساها ماجراله خلافي
لاجيت ابي ارسله على الميل مظروف= مسنها غير متواجد وطافي
ليلي سهر واصبحت ماركز الشوف=والحزن بجفوني سموم وسوافي
في وجهي الحسره لها شكل ووصوف=والعين نبعه من غلا نوف صافي
ذبحني الهاجوس والشك والخوف= فكري لها مسعى وصدري طوافي
طول غيابك ياالغلا واحرق الجوف=مقدر تحمل يامنى الروح كافي
اليامتى يامخطر البعد معكوف= تاسم بكياتك ضلوع متعافي
لوشافت عيوني سوى نوف ماشوف= ياكثر من عدى علينا وطافي
احبها واحببت ثلاثة حروف=رمز القبول اللي لغيره يعافي
وجدي وجود اللي مقيد ومكتوف= حوِلِ من الاسعاف ويساق حافي
معصب الاعيان بشاش ملفوف=مايرحمه سياف عوجٍ رهافي
برِك وجمع الناس زافات وصفوف= ساعة وقع راسه وقع كم غافي
من منظرٍمنه اهتدى كل مخطوف=طيشه تبدل طاعةٍ واعتكافي
عليك يانوف تواصيفها نوف= نوف الحلا والعرف نوف العفافي
[/poem]
[/frame]