السلام عليكم ورحمة الله وبركاته
موضوع عجبني وحبيت اناقشكم فيه ،،
حفلات الزواج بين الإفراط والتفريط !!
في حين يعاني بعض الشباب من غلاء المهور فـ يعزف عن إكمال نصف دينه ، يعاني البعض الآخر من تكاليف الزواج الباهضة وهو ما تسعى إليه الفتاة وأهلها وربما بعض أهل الزوج
حيث بدأنا نلاحظ الأمور المكلفة والمتكلفة عند إقامة حفلات الأعراس !
ابتداءاً بحفلة الحناء وهو ما يطلق عليها في بعض مناطق المملكة بـ ( الغُمرة ) مروراً بـ القاعة ، العشاء ، المطربة ، عربية المهر ، الكوشة ، المصورة ، وانتهاءاً بشهر العسل
وما أن تنقضي ليلة العمر حتى يستيقظ العروسان على تل من الديون !!
ومن خلال نوافذ نسائية تفتح المجال للتعليق من النساء والفتيات بشكل عام ليكون السؤال :
كيف نجمع بين ( أكثرهن بركة أيسرهن مهوراً ) وبين متطلبات الزواج وتكاليف المعيشة ؟
وهل يمكن الحد من انتشار متطلبات الزواج الدخيلة على مجتمعاتنا الإسلامية ؟
أحببتك حتى لمحوك في عيني
سمعوك في ضحكتي ، وشعروا بك في حديثي ! أحببتك حتى صار بعضك أغلبي
هو من ناحية إرتفاع المهور ..
أنا معاك و ظاهرة موجوده ما نقدر ننكرها أبداً ..
و الأسباب تختلف ..
ناس حب مظاهر ..
و ناس تبي تأكد الولد شاريهم أو لا ..
و ناس بس كذا مع الخيل يا شقرا ..!
***
أنا مو مع الإرتفاع و لا التقليل حيل ..!
و خير الأمور أوسطها ..
يعني على حسب قدرة الرجل ..
إذا يقدر يدفع أو نتساهل معاه ..
هذا إذا كانت البنت موافقه عليه هو مو عشان فلوسه ..!
***
الأمهات بـ صراحه ما أدري شـ أقول عنهم ..!
يعني تزوجتي و أخذتي مهرك ..
تقطين وجهك مع بنتك ليش ؟؟!!!
ما فهمت الحركه و الله ..
إذا جاد الرجل و أعطى ..
خير و بركه ..
لكن هي تطلب أحسها غلط ..
و لو أنا مكانها ينقص لساني و لا طلبت ريال ..!!
***
تعقيب على رد بدر البدور ..
حتى هنا في السعودية ..
فيه إعانات على الزواج ..
لكن ما تكفي في ظل الطلب الزائد ..
و الإرتفاع الخيالي في أسعار البنات ..
و المصيبة إنه حتى الأمهات يبون بعد ..
يعني الواحد مو متأكد ..
هو متزوج البنت و لا أمه ..!!!!
***
كل الشكر أختي نائبة القمر ..
طرح شائك و حساس ..
و يلامس وتر في مجتمعنا اليوم ..
إمتناني لك ..
انا ادري انها ماراح تكفي بس شي الكثير منه الدولة هيه الي تدفعه ..
ولله الحمد المهور عندنا ماهي طايره فوق فوق , واذا كان في راح يكون القليل
لأن نسبة زواج الأقارب عندنا 96 % >>لـ سنة 2008
و مااعتقد أن في واحد راح يدفع أخوه مهر يكسر ظهره .. ..
وانا يوم تكلمت عن الدولة المقصد هو أن الدولة لها دور كبير جدا في
التشجيع على الزواج , ومساعدة كل من هو مقبل على الزواج , ..
وحتى المعونه الي تقدمها مبلغ كبير , وغير هذا لاتنسين أن الراتب الرجل في العمل
عندنا في الدوله أقل واحد 30000 >> هذا الي ماعنده عداديه يعني فـ الجيش .. اول سنه له ..
.. يعني الدولة أبد ماهي مقصره , وغير كذا , الي يملج ..في خلال شهرين
تكون الأرض طالعه له , أو بيت جاهز أو مزرعه .,. >> أحد هالثلاثه راح تكون من نصيبه ..
واذا كان في هناك عتب فـ العتب الأول والأخير على ألأهل ..
انا يمكن اخالفكم الرأي
بس خلاص صار المهر محدد
يعني الوحده ماتقدر تتفننن الي بالامور الثانيه
وبعدين هي ليله وحده بالعمر وماراح تنعاد يبقى قد ماصرفت بهاي الليله هي وزوجها راح تبقى ذكرى حلوه طول العمر
أنا معاك و أدري و الله ..
الله يعطيكم من خيره و يزيدكم إن شاء الله ..
ما شاء الله حكومتكم و لا حكومتنا مقصرين بـ شي ..
لكن كل قصدي إن هذي نقطة الإختلاف بيننا و بينكم ..
عندنا مع إن فيه مساعدات مالية و قروض زواج ..
لكن ما تغطي لو جزء بسيط من التكاليف ..
و مع زيادة المهور ..
بـ غض النظر زواج أقارب أو لا ..
يعني القضية كل يوم بـ زيادة كـ أنها مزاد ..!!!!
صارت المساعده ما تسوي شي أبداً ..
لكن الأراضي و المساعدات الآخرى ..
ما أدري حتى إذا كانت موجوده أو لا ..!!!!
أنا أتكلم عن قروض الزواج فقط ..
صحيح فية زواجات جماعيه ..
لكن قليلة ..
و مسؤول عن تنظيمها جمعيات خيرية معظم الأحيان ..
يعني مو مرتبة أو رسمية ..
هذا كل اللي قصدته بـ تعقيبي ..
و حبيت أبين الفرق بين الدولتين فقط ..
***
تعقيب آخر على الأخت لمار ..
تقولين المهر حدد ..
لكن فيه قبائل ما حددته ..
يعني مثلاً قبيلة شمر مو كلها حددت المهر ..
بعض الفخوذ والعوائل ..
لـ ألحين ما حددوا ..
يعني على حسب طلب البنت و أهلها ..
عشان كذا صارت المشكله أكبر من مجرد طلبات جانبية ..
و هي الأساس و ما منه مهرب أو تملص ..
***
العذر كل العذر من الأخت نائبة القمر ..
على التعقيب و السموحه منك ..
لكن حبيت أبين موقفي بس ..
آسفه ^^
وإضافةً ع كلام اختي بدر البدور اللي ماقصرت فردها
ان المهر في دولة الامارات العربيه المتحده تم تحديده وهو 20000الف درهم في جميــع أنحاء الدوله ومن بين قبائلها
امــــل
والزياده اللي تجي فوق المهر هذا تطلبه أهل الزوجه ان كانت تريد
ولــكن المهر محدد ... واذا كان الزوج يريد ان يعــطي فوق المحدد يزيد هذا شي عادي ان كان هو الذي يريد
انا اتكلم عن بلادي بشكل عام وماعرف شو هو اللي يدور في البلدان الثانيه