راعي العجراء والقطار

السلام عليكم ورحمة الله وبركاته

اليكم هذه السالفه بعنوان راعي العجراء والقطار قبل 40 سنه اوكثر

منقووله طبعآ

في سنة من السنين وكان ايام عيد وعمري بالدعش يعني احدعشر سنه مابعد وصلت للطعش ويوم تعيدناا قالوا اهلنا بنروح للدمام بالقطار عاد وش ذاك القطار الافغاني وعربيته اسرع منه وهو يدفها ومحملها ببلك وكان من زين الطبع ياقف ست مرات في كل محطه الرياض هيت الخرج يبرين التضحيه حرض الهفوف بقيق الدمام وكل وقفه ياخذ ساعات ولامر على قلبان يوقف يبرد ويعبون اديتره ماء ويشيكون على كفراته كانها ناقصه هواء وبعدين قطار منول ماله كنداسات اوهي محوله داخل القطار على الركاب صجه ولجه
وماتاصل الا وراسك منفغي وتحس قلبك بحلقك ورجلينك متعكفات وفطور وغداء وعشاء بسكوت ابوميزان المهم ركبنا القطار علينا ثياب العيد المهم تحرك القطار يمكن سرعته ثلاثه كيلو بالساعه وحنا داخل المحطه مابعد طلع منها
قلت لخواني اتحدون اسبق القطار على رجولي واقعد احتريه وذا مر من عندي ركبت
قالو ايه انتحداك وانا اجيك نازل من القطار ابسبقه يوم تعديت مركبتين اوثلاث الا ذاك الرجال شايفني يوم انزل من القطار وهو يصفقني بكف ويقول عجل اركب ياحيوا؟؟؟؟
وانا اجيك معود اخواني مع الشبابيك يناظرون فيني ويضحكون من الكف وانا يصير وجهي احمر من الفشيله الرجال راح يمشي قدام وانا اطلع راسي من الشباك صاد فيه عن اخواني من الفشيله يوم بدا القطار يتحرك زين يعني بدا يسرع الا واشوف الرجال اللي عطاني كف وانا اشيل عليه اكرمك الله النعله حقت العيد جديده وانا اطلع مع الشباك نصف جسمي ولا الرجال قريب من القطار ومعطيني صابره زين وانا الخه بالنعله وتطيح النعله بالارض واطمر وغير مكاني وقعد اضحك عليه وانا خايف اخاف يتعطل القطار قبل مايتحرك او يوقفونه بس مع الخوف مستانس الرجال قام يحكك صابره وانا ابتسامتي عند اذاني
المهم وصلنا الدمام ونزلنا من القطار وانا اعرج ماعلي الا وحد وصلنا بيت اقرابي
وانا ماعلي الا وحده
ويوم وصلنا البيت الا واخواني علموا الولده الله يرحمها ان حذفت النعله على رجال بالقطار
ورحنا وخليناها وهي تمسكني وخذ ياضرب ودبج وتقبيص واخواني يضحكون علي والوالده تقول انت تبي تفشلنا يقولون ولدهم جاي بدون نعول وانا خذ من الفشيله قدام عيالهم تضربني امي وزعلت وحمقت واخواني يضحكون
وانا ادور على نعول الوالده الجديد ه ومحد شافني وانا اخذ وحده وسطحها على بيت الجيران لاحس ولا خبر يوم جينا نطلع للبحر وتدور الوالده على نعولها ولا تحصل الا وحده قلبوا البيت كله وماحصلوها وضطرت تدخل للسوق تشريلها وتشتريلي
وانا ماغير اتبسم مبسوط كل اللي في خاطري طلعته من صفقة الرجال الى ضرب الوالده وبيومين لبست نعال جدد
انتهت السالفه
وقبل الختام سبحانك اللهم وبحمدك لا اله الا انت استغفرك اللهم واتوب اليك
ارجوا ان اكون وفقت في سردها واخراجها لكم


منقووووول






بس والله رحمته
عز الله انه تعيد صح
كفوف وطق واخرتها حافي

ههههههههههههههههههه

عنود وين ترحمينه هذا اخذ حقه وحق عشره معه


بس رحلة القطار ياحياة الشقى كانت شاقه

الحمدلله على هالنعمه الي حنا فيها الان بجد تبي حمد وشكر

عنود حيي

فديت قلبك انا على هالروائع االي تنتقينها ودائما تروق لي

شاكره سموك ومن القلب

ودي ووردي لروحك

احترآمي

اقتباس المشاركة الأصلية كتبت بواسطة كبرياء الصمت ههههههههههههههههههه عنود وين ترحمينه هذا اخذ حقه وحق عشره معه بس رحلة القطار ياحياة الشقى كانت شاقه الحمدلله على هالنعمه الي حنا فيها الان بجد تبي حمد وشكر عنود حيي فديت قلبك انا على هالروائع االي تنتقينها ودائما تروق لي شاكره سموك ومن القلب ودي ووردي لروحك احترآمي

فدييييتك ياقلب عنووود
وربي يسعدك على هالمرور الملائكي

هههههههههههه بجد توحفه
بس حيلوآ الحركه اجبر اومو تنزل السوق
::
يعطيك الف عافيه على هالانتقاء الحيلو
ربي يسعدك ولا يحرمنا منك ومن طرحك ..

اقتباس المشاركة الأصلية كتبت بواسطة وتم بعيد هههههههههههه بجد توحفه بس حيلوآ الحركه اجبر اومو تنزل السوق :: يعطيك الف عافيه على هالانتقاء الحيلو ربي يسعدك ولا يحرمنا منك ومن طرحك ..

ياهلا بالنور والسرووور
أزداااانت الصفحه بحضورك الأنييييق
فشكرا لك

بعدي والله

ههههه بنت ابوه
ليا ملا العافيه
لا مانتي متوحشه قايله
من زمان


هههه
يعطيك ربي الف عافيه اختي الفاضله
على القصص الجميله والمضحكه خالص
التقدير لكي عنود بعد حيي

اقتباس المشاركة الأصلية كتبت بواسطة قيس الحسيني بعدي والله ههههه بنت ابوه ليا ملا العافيه لا مانتي متوحشه قايله من زمان هههه يعطيك ربي الف عافيه اختي الفاضله على القصص الجميله والمضحكه خالص التقدير لكي عنود بعد حيي

هههههههههههه
خلاص ماني متوحشه شهادة منك الي
قيس الله لا يخليني منك ومن مرورك الخفيف الظل
شكرا

عنود
خفت الدم دايم تلطف الاجواء
ان كانت بحظور او بسرد قصه
وانتى جمعتي الاثنتان
معا
ربي يسعدك على خفة دمك
اما الكف والله لو يجلس مية سنه ماراح ينساه
وامه كملت الباقى
اضحك الله سنك

تقديري لك واحترامي

اقتباس المشاركة الأصلية كتبت بواسطة عقاب النهار عنود خفت الدم دايم تلطف الاجواء ان كانت بحظور او بسرد قصه وانتى جمعتي الاثنتان معا ربي يسعدك على خفة دمك اما الكف والله لو يجلس مية سنه ماراح ينساه وامه كملت الباقى اضحك الله سنك تقديري لك واحترامي

فديييييته يانااس
الله لا يحرمني منك عقااااب
ماعليك زوود ياغلاي

شكرا لك ولمرورك الرائع