يا عيد وين امي

http://www.youtube.com/watch?v=ZIu36goyudI

يا عيد كــــيف افرح وهي فرحة العيد
يا عيد وين امــي عسى الموت واهم

يا عيد وش جــــــــابك / ندامة وتنكيد
يا عيد قلبي حــــــــن بي وانتشاهم

قـــــــــذفت صبري والمشاعر مفاريد
والـذود قفّى والمعزب خــــــــــذاهم

وشلون عيدك يا ضنى الروح ما عِـيِد
ووشلون نروي شــــوقنا من ظماهم

الناس تشري من فرحــــــــها معاييد
وانا شرتني حــــسرتي عن سواهم

الوجـــــــــــد يلعب بي مدامع وتنكيد
والجــــور يسكـنّي على الوجه راهم

يالله تجـــــــــــعل قبرها بسمة وعيد
ويالله ترضى والرضا هــــــــــو مناهم

#شعر : عمر بن عبدالمحسن

اللهم امين

الله يرحم امواتنا وامواتكم ويعوضهم بالجنة

عمربن عبدالمحسن
صح لسانك وكل عام وانتم بخير

عمر بن عبدالمحسن
يالله تجعل قبرها روضه من رياض الجنه
العيد عيد الله ويوم الله سعيد
وهذاحال الدنيا يا اخوي فكلنا فقدنا غالين علينا
ومالنا غير الصبر والاحتساب ولاتنساها من الدعاء فهو ما تحتاج اليه الان
صح لسانك وبيض الله وجهك على القصيده الجزله
وكل عام وانت بخير
تحيتي وتقديري

رحمها الله برحمته
اخ عمر
صح
قلبك - صح فكرك - صح إحساسك

غفر الله لها واسكنها فسيح جناااته
شاعرنا الفذ
صح لساانك ولا هاان شانك

صح لسانك ولا هنت طرح رائع
وكلمات جميله بحق الام

اختك نواره

:
:

الله يغفر له يارب
صح بوحك واحساسك
وسلمت على الابيات الاكثر من رائعه


:
:

ابيات حزينة وتقطع القلب

الله يرحمها ويسكنها الجنه

وصح لسانك ولا هنت

عيدها بالجنة اجمل باذنه تعالى
هي وامي واموات المسلمين
سلمت القريحة

"

نسال الله لها الرحمة الواسعة
ولموتى جميع المسلمين
كم هي غالية
كم هي غالية


تسلم ايدك وصح لسانك وكلك

يسلّم منطوقك شاعرنا العذب
إلهي يسعدك دومات يّ مبدع
~

الف شكر للجميع .. قرأت كل رودكم .. فجزاكم الله خير الجزاء ..
وكل عام وانتم بخير ..