1- مكان الميلاد ..؟
الرياض
2- ترتيبك بين أخوتك ..؟
السابعة
3- أكثر شي يزعج أخوانك منك وأنت طفل ..؟
حساسيتي الزايدة
4- من الأقرب لك أبوك أم أمك في طفولتك ..؟
الوالده الله يحفظها لأني كنت اهاب ابوي واستحي منه بشكل كبير بالرغم انه حنون الله يرحمه
5- موقف ما زال في ذهنك ..؟ ( سعيد أو حزين )
بصراحه في موقفين حزنين عالقه وراسخه بذهني الى الان مستحيل انساها اتكلم عن موقف واحد وهي يوم ابوي الله يرحمه بيروح للحج هو واخوي واختي وعمي كان مدخل السياره داخل البيت يحمل الاغراض عليها وكلنا طالعين بالحوش نتفرج عليهم ويوم خلص ابوي واخوي من التحميل الاغراض ركبوا السيارة ونزل ابوي يودعنا انا يوم شفته يودع خواتي واخواني واحد واحد كان يحضنهم انا انسحبت بهدوء من غير مايحسون فيني لاني كنت استحي من ابوي حيل وصرت اراقبهم من وراء الباب الداخلي ورفع راسه يسأل عني كلهم قالوا مدري سمعته يقول سلمولي عليها وبعدها سافروا وبعد ماانتهوا من الحج وهم راجعين صار لهم حادث وتوفوا ابوي واخوي الله يرحمهم ويتقبل منهم اول ماسمعت الخبر بكيت على اللحظه اللي ماودعته فيه اكثر من خبر وفاته كرهت نفسي حيل والى الان اتمنى لو يرجع الزمن لحظه بس عشان احظنه واودعه رحمة الله عليه وجعل مثواه الجنة...
6 -أعز صديق لك ..؟ ومن أي دولة ..؟
أختي الله يحفظها من الرياض7
7- أصدقاء الطفولة هل مازلت متواصل معهم ..؟
نعم ولله الحمد <<مو من كثرهن الله يسعدهن
8- كنت تحب تلعب مع البنات أم الأولاد .. أكثر ؟
لاطبعا احب العب مع البنات لكن مره تهورت ولعبت كورة من اخواني وعيال عمي واخترت اصير حارس مرمى يقالي اخترت السهل ياعله ماعادت وتجيني هذيك الضربة بعدها ماوعيت بروحي الاامي ترش علي ماء وتقرا علي هههههه
بعدها بلعت العافيه ورجعت العب مع حبيباتي البنات
9- أول صفعة في حياتك .. وش سببها ..؟
كانت من ابوي الله يرحمه والسبب مره بحياتي تهورت من تهوراتي النادره وجمعت خواتي وبنات عمي واقترحت عليهن نروح للبقالة وامي تحاسب البقالة اللي بجنبنا وانا تخطيطي اكبر وحنا رايحين للبقالة اقترحت على البنات قلت في بقالة ثانيه احلى وتجيب حاجات كثيرة وقطعنا الشارع ورحنا وابوي تباطانا وراح يدور علينا ويوم شافنا راجعين ونركض داخل البيت ودخل واعطاني هذاك الكف لاني اكبرهن ويقالي العاقله هههههه
10- أفضل لعبة ..؟
عروسة كان لونها احمر جتني هدية من جارتنا يوم امي بالمستشفى تولد
واتاري صخر الاسود
11- أحب مكان تتنزه فيه ..؟
البروالبحر وخصوصا اللعب بالرمل
12- أفضل فلم كرتوني ..؟
سالي وسوسن وفلونه13
13- هوايتك في طفولة ..؟
اجمع البنات واصير عليهم معلمة
14- حلمك الطفولي ..؟
اصير معلمة <<تخرجت وتوسدت الشهادة ولله الحمد
15-مطربك المفضل ، أغنيتك المفضلة كـ طفل ..؟
ماكان عندي مطرب مفضل ولااسمع اغاني كثير لكن في اغنية اسمعها وانا صغيره وانسجم معها مع اني ماكنت افهم كلماتها الا يوم كبرت وهي اغنية اجر الصوت لعبدالكريم عبد القادر
16- إذا عادت عجلة الزمن للطفولة .. ما هو الشيء اللي بتغيره ..؟
ماغير شي فيها ابد بالعكس اعيشها بكل مافيها بحلوها ومرها بس الشي اللي نفسي اغيره هو اني اودع ابوي الله يرحمه
17-صف طفولتك باختصار ..؟
طفولة هادئه برئية صادقه حلوه بكل مافيها من احداث ومغامرات وتهورات
18- إذا ما عندك مانع حط صورتك وأنت طفل ..؟ << ما أعتقد أحد بيشوف هالسؤال ..؟
حفاظا على مشاعركم واحساسيكم الراقية نعتذر لعرض الصورة وبعدين فيها قبايل لو بحط صورتي
عاد تخيلي هايدي يقصون رقبتك اهلي طبعا بعد ماقصو رقبتي قبلك هههههههه
مــــــــدخل:[ كنــ،ٌٍُـآإ صغـ،ٌٍُـآإر ]i
فى يوم من الآيام كنآ صغآر لآ يهمنآ إلآ الألعاب
لآإ نعرف إلا الآبتسآإمة و قربنـآإ من آلأهل والآإحبـآإب
كبرنـآإ وعرفنـآإ آلعوآإطف وآلأحلآإم
ومن هموم آلدنيـآإ أحيـآإ‘ناً لآإ ننـآإم
وقتهـآ نفكر ونقول .. يـآإ ليتنــــآإ
يآليت مآ كبرنـآ وظلننـآإ صغـآإر .,
انتهى
الف شكر لك يالغاليه على استضافتك واتمنى كنت ضيفة خفيفة على قلوبكم الطيبة صحيح مالي تواجد كثير بالمنتدى لكن يشهد الله علي مارتحت بمكان كثر مارتحت بهالمنتدى الراقي بجميع اعضاءه
الله يسعدكم ويوفقكم لفعل الخير دائما ودمتم بحفظ الله