أسعد الله أيامكم بكل خير حبيت أضع بين أيديكم أقرب القصائد إلى قلبي عسا ان تنال إعجابكم
أخوكم:
محمد الفريدي
أنا أحمد الله ما أتحسف على شي=ما فات مات وكل شي ٍ بياتي
مادام رأسي عايش ٍ قلت أنا حي=ما فات يدفن والبقا في حياتي
مافات من عمري ترى خبرة ٍ لي=أنفع بها نفسي على المقبلاتي
خمسه وعشرين ٍ ترى ماهي شوي=ذي منوت اللي لابسات العباتي
ياهيه ياللي كاوين خاطري كي=لاتحسب إنك تستلذ بمماتي
لا أنته ولاغيرك ولا هذي و ذي=يقدر يزعزع موقفي مع ثباتي
مثلك ترى ياصاحبي ينطوي طي=صفحة كتاب ٍ وإنطوت في سكاتي
واللي بدا في صفحتي نورها ظي=صفحة جديدة تستحق إمنياتي
قلبي لها وأشوف قلب ٍ لها بي=ويا عل يفدا قلبها الفــاتـنـاتي
ياوي يابعض التواصيف ياوي=زول ٍ لها ماغاب لو في صلاتي
ماهي من اللي صابهن كبر ٍ وغي=وصف ٍ لها ماهو بباق البناتي
بين البنات المترفه مطلبي هي=تعوضني عن باقي الجادلاتي
وســـــلامـــتــكــم