شمراللي تحل معقدات القضاياء

بسم الله الرحمن الرحيم
الشاعر\ مشعل عسام التريباني الشمري
((شمراللي تحل معقدات القضايا))في 9\2\1436هـ

ياكـــــرام النفوس وطيبين النوايا(1)لابتـــــــي ياهل الفــزعه كبار الفعايل

شــمراهل المكارم طيبين السجايا(2)شمراهل الصخا يوم السـنين الســحايل

لابتي ظل راســـي لابتي يالطنايا(3)شــــــمراهـل الفعايل محـتمـين الدبايل

شمر اللي لهم تشـهد جميع البرايا(4)شـــــمراللي لهم تشـهدجـــميع القبايل

شمرالعز شـــمر محتمين الرعايا(5)شــــــمرالفعل شـــمر مابهم قـول قايل

شـــمر اللي تحل معقدات القضايا(6)ستربيض العذارى ناقضـات الجــدايل

احمدالله بكم تصــــــغركبارالبلايا(7)فــي نحــور المشاكل تفعلون الهــوايل

جمع زوبع والاسلم باللوازم دهايا(8)والســـناعـيس عــبده متعبين الاصايل

كل شمرســـواياهم تفوق الســـوايا(9)شمر اللي ثنو مـن دون ظلعان حايل

ياعســــا مانعدمكم ياكبار العطايا(10)كلـكم كلـــكم يامعـــــربين الســــلايل

الله اللــي عطاكم من كثار المزايا(11)فيكم الطيب بذره من عصورالاوايل

التواريخ تكـتب والصحايف ملايا(12)والقلم والمداد وكل طــــرق الوسايل

فعل ربعــــي يعجز ناقلين الروايا(13)اشهداني فخور وفيكم الــراس طايل

الملايين للمســـــــجون تدفع هدايا(14)يالله انك تعين اهل الفعول الجـزايل

لابتي فيكم الفح واعتلي في فضايا(15)يوم لاجل القضايا تتعبون الـرحايل

كل شــــــيّن يروح ولابقي له بقايا(16)غـــير فعل الرجال معدلة كل مايل

والنعم بشمر واهلها
قصيدة رائعة مفعمة بالجمال
والحس الصادق
صح الله لسانك
ودي وتقديري

همس الجنوب
شكرالكي على المروروالاطرى الله لايهينكي

صح لسانك يالعديم
لله درك ما أجمل قلمك وابدااعك
شكرا

يكفي فخر للعموم شمر
باعتاق رقبة ياسر وفرحة ام ياسر
ويعلم الله انهم بشرع لله
ومن تمثل بي تركته لله
صح لسانك ملايييين

يسلّم منطوقك شاعرنا المميز
إلهي يسعدك وَ يرضيك يّ حق
~

شكرا للجميع على المروروالاطرى الله لاييهينكم