طهّر ضميرك كان تبي السعاده

[poem=font="simplified arabic,7,black,bold,normal" bkcolor="white" bkimage="" border="double,9,black" type=2 line=0 align=center use=ex num="0,black""] ‏طهّر ضميرك كان تبي السعاده=من الحسد والحقد ومتابع الناس

ما بالحسد غير الفلس والنكاده=وجمع الذنوب اللي بلا عد وقياس

عفّر جبينك للمهيمن وناده=وناج الكريم اللي خلق كل الاجناس

واخلص لربك في جميع العباده=واترك سوالف عالمٍ توجع الراس

واصحا تصير سوات عين الجراده=قصر النظر دايم مردّه للافلاس

واللي نثرحبه بوسط الكتاده=يحصد ثمر زرع الندامه والاتعاس

كلٍ حسب زرعه يحصل حصاده=يجني محاصيله والارباح بقياس

وربح الحسود من الذنوب ازدياده=ومن الغنايم ماكسب شلقة الكاس

سيف الحقد لاتظهره من غماده=الحقد من طبع الثعالب والابساس

والطيب يبغى من يعنّي جواده=ويكظم على حبل المراجل بالاضراس[/poem]

مشعل عسام الغافل التريباني الشمري في1442/1/11 هجري

تســـــــلم يابوعبدالرحمن وصح لسانك ملاااايييين وبيض الله وجهك
نصيحة رااائعة تكتب بماء الذهب
دمت متألقاً ولاعـــــــــدمنا وجووودك.

تم التنســــــيق والتقييم

صح بدنك يابوطارق
شكرالك على المرور والاطرى الله لايهينك يبعدي

الشاعر مشعل التريباني

أبدعت في رسم الحرف لوحة تشكيلة راقيه

سعدت بقراءتها عبر النظم البديع.


اختك بنت القصيد

عــفّــر جـبـيـنـك للمـهـيـمـن ونـــــاده وناج الكريم اللي خلـق كـل الاجنـاس
واخلـص لـربـك فــي جمـيـع العـبـاده واتـرك سوالـف عالـمٍ توجـع الـراس

بيض الله وجهك مشعل

كل الود وباقة ورد

اختي بنت القصيد
اخوي شاعرقوافي
صحت ابدانكم جميعا الله لايهينكم شكرالمروركم لاهنتو

يسلّم قلبك وَ احساسك شاعرنا
عوآفـي قد السماء يّ أمير
الهي يسعدك وَ يديمك

كفو كفو ابدعت واتقنت مشعل التريباني

مودتي واحترامي

اختي حلم متمادي
اخوي هوجاس
صحت ابدانكم جميعا شكرالكم

صح لسانك قصيده مميزه شكرا