يااهل النفوس اللي تضايق من الطيب=ومن العلوم الساقطه ماتضيقي
تفتح لهسات العلوم المحاريب=وتسكّر الابواب دون الصديقي
ومن العلوم العوج تملا الدواليب=ويْحَمّلون النفس مالا تطيقي
ناسٍ لهفوات اللغاء تفتح الجيب=وعن التسامح يغلقون الطريقي
استرجعوا لا تلحقون المشاهيب=ترو شرار النار يحدث حريقي
طشو هزيل الهرج وسط الدواليب=بعض السوالف بالرجل ماتليقي
من لا يهاب مبارز الناس ماهيب=يرخص اليا حان الكلام الحقيقي
الكبر للرجال كله عذاريب=من عام وسط الموج يصبح غريقي
الرابح اللي جنّب الشك والريب=ويمشي على نهجٍ قديمٍ عتيقي
نهج الرجال مفتلين الاشانيب=زحول الرجال مدلهين الرفيقي
(((مشعل عسام الغافل التريباني))) في 1443/11/13هـ
العضو الأكثر نشاطاً هذا اليوم 
العرض المتطور
