هنآ القصآئــد الشعريه لشعرائنآ المطروحه للمسابقه ..افضل قصيده

[frame="1 85"]







بسم الله الرحمن الرحيم


وَالصَّلآةُ وَالسَّلآمُ عَلَىْ سَيِّدِ الْمُرْسَلِينْ

الصَّآدِقُ الأَمِينْ وَعَلَىْ آلِهِـ وََصَحْبِهِـ أَجْمَعِينْ...

وَسَلآمٌ مِنَ الرِّحْمَنِ يَغْشَىْ قُلُوبَكُمْ الطَّآهِرَةْ ....

وَمَسَآؤُكُمْ فَرَحٌ وَسُرُورْ .....



هنآ فٍيَ لَيَآلِيْ وايام بعد حيي : نعلن عن

قيام مسابقة { أجَمل وأفَضلَ قَصَيدهٍ } ..



وَهِيَ تَلْكَ اللَّيَآلِيْ والايام التِّيْ سَْنَسْتَمْتِعُ بِـ تَغْرِيدِ شُعَرَآئِنَآ وَشْآعْرآتّنْآ..

الْكِرَآمْ الْمُتَأَلِّقِينْ عَلَىْ غُصُونِ الإِبْدَآعْ ..

وَكُلِّيْ يَقِيناً أَنَّهُـ سَيَكُونُ لِـ الْحَرْفِ هُنَآ طَعْمٌ آخَرْ وَنَكْهَةٌ مُتَمَيِّزَةْ ..


بِرِفْقَةِ نُجُومِ الإِبْدَآعْ وَهْمَ شُعَرْآئَنْآ :_

1_ متعب بن طواله 2_ عقاب النهار

3_ حمدان سليمان

4_ تركي فلاح 5_ فلاح العايد

6_ محمد الفريدي

7_ نواف الدحام 8_ ابو عزه الركابي

9_ قبلان الخمسان

10_ نايف الشمري 11_ مليحان العازمي

12_ احمد الشمروخي 13_ انسان حالم

14_ السفير الشادي 15- عاشق هواك

16- هلال الشمري 17- كبرياء شمر
18- ذيب الغداري 19- فالح الناهي

..

وما زال المجال مفتوحا لمن آراد الأشتراك من شعرائنآ الأفاضل

حتى نهآية هذآ الأسبوع ..

وَسْنَْبدْءَ بَأَسَتْقَبْآل قَصْآئْدَكَمْ مَعْ بَدآيَةْ الآسْبُوَعْ آلَقْآدَمْ بَأْذَنْ اللهَ

يوم السبت الموافق : | 18 | 4 | 1431 هـ
...

أَتَمَنَّىْ لَكُمْ الَتْوَفَيِقْ وَأَعَذْبَ الأَمَنْيَآت َ

خَآلِصَ الْوِدْ وَالتَّقْدِيرْ...
!

[/frame]

بسم الله الرحمن الرحيم
السلام عليكم ورحمة الله وبركاته


هنآ توضع القصائد لشعرائنآآ المبدعوون

المشتركون بالمسآبقه .. لتكون موضوع مستقل بها ...

فقط قصائد شعرائنا المختاره للمسابقه ...


وموفقين جميعا ,,


وطبتم والمدآد ,,




ملاحظه ||

تمنع الردود من قبل الاعضاء حتى الانتهاء من طرح جميع القصائد ..

بسم الله الرحمن الرحيم ،،،،

يشرفني المشاركه وبالله التوووفيق::

[poem=font="Times New Roman,6,blue,bold,normal" bkcolor="transparent" bkimage="" border="inset,5,red" type=1 line=0 align=center use=ex num="0,black""]
أعوذ بالله من جميع الوساويـس=واستغفره من كل ذنـب وخطيـه
راح الزمان اللي شهر امرؤ القيس=وهـذا زمانـي والليالـي مطيـه
ماهو غرور أعوذ بالله من ابليس=ماهـو غـرور الا ثقـه وايليـه
البارحه دارت براسـي هواجيـس=وقلطت من فوق الجمـر شاذليـه
يسري بي الهاجوس وانقاد واقيس=والفكر يبحر والمجادف يديه
الحلم كنه يشبه لعرش بلقيس=والفرق واضح بين ذيه وذيه
الاول مخاوي لظل الاباليس=يعني كذا لافيه شمسٍ وفيه
طريق واللي سالكينه متاعيس=والحسنه بعشره وسيه بسيه
والثاني اللي ماجهلته العواسيس=شيٍ بديهي صعب مافيه زيه
يبقى ولو حتى تهب النسانيس=ماله شبه ياكود حاتم وضيه
ياهاجسي ياكثر زرع الغواريس=وياقلهم لاقلت صوره بهيه
رايه ترفرف والبقيه مناكيس=ولابه شبه بين المغيره وخيه
ياحلم ياللي جاهلٍ عرش بلقيس=الفرق واضح بين ذيه وذيه
[/poem]

ماشاء الله تبارك الرحمن


اول قصيده لشاعرنا الرائع والمبدع| ابو عزه الركابي ....


احييك اخوي وبقوه وبالتوفيق يارب ,,,

[frame="10 95"]
ياصاحبي لا تجهلك بعض السوالف والامور

ميز مكانك بين ترتيب المراجل والرجال

اخلاقنا سلعه وكلن سلعته يمكن تبور

والفاهم اللي ما يغير من جديده للسمال

خلك صبور يقال ياطيب الرجل هذا صبور

لاتعجلك بعض الامور ولاتعاند بالفعال

خلك فطين تعدك العالم من اعداد الصقور

حرن اليا منه شلع مايترك لغيره مجال

خلك مثل علو الجبل دايم على العليا غيور

مكاسبك طيب ومراكيك على صفر الدلال

وانا عضيدك من زمانك او صواديف الدهور

اقلط على الجزله مع الصعبه ولا ارضى بالهزال

والحين ابي اعطيلك بطاقه من بطاقات العبور

ما بعدها ياصاحبي شين يعد ولا يقال

اما تعرف اللي قصدته من تراكيب السطور

والا خيالن تتركه من ضمن من يترك خيال..
[/frame]

ماشاء الله تبارك الرحمن

القصيده الثانيه المشاركه | للقدير والرائع كبرياء شمر ..

صح لسانك وبالتوفيق يارب ..

بســـم الله الرحمــن الرحيـــم

[poem=font="al moharib anbopi ibrahim,6,darkred,normal,normal" bkcolor="transparent" bkimage="" border="none,4," type=1 line=0 align=center use=ex num="0,black""]

يامآ على أرض الحيايا من أموآت = ويامآ كريم(ن) طيبه أضحى خسآره
ويامآ على نجد العذية من أصوآت = ويامآ وسط ريضانهآ من نظآره
ويامآ قصيدٍ آعتلى بالسمآوآت = ويآمآ قصيدٍ إختفى في نهاره
في هالزمن تعطي ولا من جزاوات = بس القمر محدن عبث في مساره
ناسٍ همج رغم المشي بالقرارات = لأن البشر كلن عبث في قرارة
انس الظمير الحي وانس المدارات = وانسى قوانين العرب واعتبآره
حتى الحريم اليوم تبي المساوآت = تبي الرياضه والسفر ( والغماره )
آراء تعوكس بانحنا واستدارآت = حسب المصآلح والأمر والإماره
درب الخنا بيّن بقطعة مسارات = والا السنع مبطي شبع من غبآره
يا عالم الانسان يكفي دمارات = يا عآلم الحيوان عطنا إشآره
نقلب أسآمينا ونعيش بمغارآت = ونترك لهم عيش المدن والحضآرة
دآم الحضارة ما بها من حضارآت = دام الغدر أصبح يسمى شطآره
مات الرجا منهم وحتى الخوي مآت = ليتي لحقته يومها بالطهآره
قرب وداعي ايه وللوقت إمارات = الرآس ضاق وزاد فيه الحراره
من شوفتن بالعين تقدح شرارات = تزلزل الشيخ الكبير ووقاره
يوم الرجال اسمائهم مستعارآت = تخجل من اسمك وش بقى من حقآره
وناس على فكره تغلب الشعارآت = تلعب بهم بين الهوا والإثآره
وينه رجال الأمس وين الخيارآت = وين الذلول اللي بدون ( استماره )
ناسٍ على نصبه تذر البهارات = ثم تنصدم !! والحل هذي شطاره
وناس على طيشه وطيشه مهارآت = وناسٍ وسط هالناس راقي زباره

[/poem]

اخوكم

نايف يوسف الزميلي

وبالتوفيق للجميع

ماشاء الله تبارك الرحمن

القصيده الثالثه المشاركه | للشاعر الرائع والمبدع نايف الشمري ..

صح لسانك وبالتوفيق يارب ..

[frame="14 80"]
[frame="15 80"]
[poem=font=",7,white,normal,normal" bkcolor="seagreen" bkimage="" border="double,10,seagreen" type=2 line=0 align=center use=ex num="0,black""]


عن طمان القاع يامحلا الرفاع النابي= عن لهيب القيظ ضل وبالعصير اشرافه



انت ياالهيلع بماكر نادراتٍ رابي= كيف حالك يامولم لصعاب اكتافه



انت ياسبعٍ سبع كل السباع بغابي= طافح القصه واسود الغاب منّه خافه



انت يالليث الخطل لامن كشر بالنابي= اخدمت كل الاسود ويربضن خلافه



انت مصواط العجاج اليا غدا ظبابي= ساعةٍ تذهل بها الخفرات سود غدافه



انت عبدالله الياقامت ترف اشنابي= ابومتعب لاغدا حق الظعيف وعافه



انت اخو نوره بليهان العرب واعرابي= مدبس الطابور لاكن الذليل وشافه



ياكحيلان العفر لامن لفن اسرابي= ماتقنطر بالخبار ولا يهمنه جرافه



انت ياهداج تيما دايمن صبابي= لوعليه الورد يردم مانزل غرافه



ياولد من طوع الصعبات فوق ركابي= ماظهر مثله ولا قالو بعد بسلافه



ياولد عبد العزيز اللي له المهذابي= يوم دكلات السبايا ماتشوف طرافه

ماجلس في وسط لندن بالجهاز ينابي= ولا جمعله فاقد الشيمه وخطو التافه



اسسه بسيوف هندٍ زينة بنصابي= كنها قدح البروق اليا كشف كشافه



ما نصدق فيكم الواشي ولاالكذابي=حافظين عهود اهلنا قبلنا واحلافه



مانبيع العهد الاول في وعود كلابي= نعرف اللي يدعمون اشكالهم واهدافه



ياحبيب الشعب لاقلت عليه احبابي= كن نهر الرافدين اليا انحدر بكفافه

مايغيرنا عليكم نقل سو غرابي= كل ماقالوه عنكم كذبةٍ وخرافه
مابني فوق العمد بيتٍ بدون اطنابي= كود تكرب بالحبال الحرش روس اطرافه

شابت القيفان طيبك ساريٍ ماشابي= ياقطاميٍ ينومس بالفعل واوصافه
[/poem]
[/frame]
[/frame]

ماشاء الله تبارك الرحمن


القصيده الرابعه للرائع والمبدع| شاعرنا متعب بن طواله ....


صح لسانك وبالتوفيق يارب ,,,

بسم الله الرحمن الرحيم

السلام عليكم ورحمة الله وبركاته

هاذي مشاركتي

***

[poem=font="simplified arabic,6,red,normal,normal" bkcolor="transparent" bkimage="" border="none,4," type=0 line=0 align=center use=ex num="0,black""] بسـم رب الكـون رافـع سمـاوات=مرسي الجبال الشامخـات الطويلـه
أبحربي الهاجـس وأخـذت سجـات=سجـه ورى سجـه بنفسـن عليلـه
الله وأكبـر يـازمـان المطـمـات=زمـن رفـع نـاس كانـت ذليـلـه
ياوقتنـا يلـي صـراع الحضـارات=حضارة كانت وحضارة كثرت تهاويله
يرحم زمان السيف وأهل البطـولات=يوم العـرب كانـو أعـدادن قليلـه
شجعان هجومهـم هجـوم الأمـوات=سيف شلفه وخيـل يِرعـب صهيلـه
تبدل الحال وزمـان العـرب فـات=وجا للعرب طوفان غطى على سيلـه
القـدس صـارت ديـرة للخواجـات=وبغداد جثمانـه مالقـى مـن يشيلـه
أنجاس أوبـاش أغتصبـو عفيفـات=بسجـن أبوغريـب وهـاذي الدليلـه
بغـداد ضحيـة عابـر محيـطـات=ومطـر سمـاهـا مدفعـيـة ثقيـلـه
لعنة علـى بليـر وتلعـن وِلآيـات=ولعنة علـى بـوش ومنهـو خليلـه
من عز العروبة خسـارة ونكسـات=وشاه العـرب بلشـان يجـر ذيلـه
وين الكرامة ويـن أهـل المـروات=وين الشجاع النصـر يشفـي غليلـه
ياعرب من يمسح دمـوع الشريفـات=ثكلى كسيرة مالقـت مـن تشتكيلـه
عزيت نفسـي يـوم البطـل مـات=صدام العرب مـات للديـن وسبيلـه
راح ضحيـة للـغـدر والخيـانـات=قرار غربـي ونفـذ الفكـرة عميلـه
حسرة على بغداد مهـد الحضـارات=زادو طعنـوك يـالأرض الأصيلـه
الوضـع مايطمـن وباقـي قـرارات=باكر يجـي وجثمـان دولـة نشيلـه
أعذارهم واجـد لـو هـي تفاهـات=وكل خطة لهم يتبعهـا خطـة بديلـه
هذا حال العرب وأختمها بصـلاوات=على النبي المصطفـى قرأنـه دليلـه [/poem]


وسلامتكم

التوفيق للجميع

أحمد الشمروخي ..

ماشاء الله تبارك الرحمن

وهذه القصيده الخامسه المشاركه | لشاعرنا الرائع والمبدع احمد الشمروخي ..

صح لسانك وبالتوفيق يارب ..

أخواني اخواتي اضع بين ايديكم هذه المتواضعه عسى ان ترتقي لمستوى المسابقة

[poem=font=",6,crimson,normal,normal" bkcolor="transparent" bkimage="http://www.b3b7.com/vb/mwaextraedit2/backgrounds/2.gif" border="none,4," type=2 line=0 align=center use=ex num="0,black""]
يا الله يالي دريت بحال محتار=محدً درى في عتيم الليل بحوالي
الناس هجاع وكلً ضمته دار=وأنا عن فراش نومي مبعد أميالي
أفل جمع الهوم أدير الأفكار=تشريق تغريب مدري وين رحالي
أحيان أشوف الأمل بستان وأنهار=وأذوق صافي زلاله باردً حالي
وأقول كل الليالي عسرها أيسار=وأخيل وسع الفضاء وأسير مختالي
وأحيان أشوف الأمل بنيان وإنهار= ضلال عصرً وغابت فيه الآمالي
دنيا ما تصفي ونشرب كاسها أكدار=ياكم عرشً تحت سيوفها يزالي
ياكم داست عزيزً وافي أشبار=اليوم تحت الأديم أذكاره تقالي
يالي بغيت النجاه أعطيك الأشوار=من قلب مشفق عليكم قبل الآجالي
الدين حبل المفازه يوم الأحشار=يوم يجزى الشقي بسوء الأعمالي
[/poem]

السلام عليكم ورحمة الله وبركاته
الله يجملنا معاكم
قصيدة المشاركه

[poem=font=",6,darkblue,bold,normal" bkcolor="transparent" bkimage="" border="none,4," type=1 line=0 align=center use=ex num="0,black""]
ياهاجسي فج الفضا اشلع كما الطير=ولا تشرف إلا فوق روس المبادي
سهيل اليماني فيه سِجة التفاكير=البوح وعي وللحضاره بوادي
تسقي ثنايا الحرف تنبت نواوير=والرّي..لعطشان الوفا بالريادي
درب النقا واضح لك به مشاوير=دربك..لو أن بعض العرب قال غادي
للمفتهم سهله ولا احتاج تفسير=وبحر المعاني فيه فن التمادي
انبيك ياللي تسأل..؟ ونيتك خير=أنشد..! وحاضر الفكر لك ينادي
الرشد ماهو لمن يحسب المخاسير=والمـد. . من رزّاق كل العبادي
الطيب فرّق اجزله بالمناعير=وقت الرخا ودونه من الوقت حادي
ومعروف جوده ما يجي بالدنايير=ويغنيك به واحد بروحه يفادي
قليل فضله ما تلمه قناطير=وكثيره يصافح جميع الآيادي
والحلم صبرك بالليالي المعاسير=والعين عافت به لذيذ الرقادي
ما هادها سلم الهوى والغنادير=سبحان من صخر له الدرب هادي
دام الرجا جور الليالي المقادير=للعز سلاح وبالمكارم زنادي
الدلو ينضح لاورد جمة البير=واللي يمد الخير نال المرادي
والعمر لو غـَيّهب نسوق التباشير=ما تنكسر به عزتي والعنادي
يفنى ويبقى لأصدق الفعل تأثير=ومن لا فعل يصبح مع الكل غادي
[/poem]

وسلامة نواظركم

، ، ،

،

اسعد الله ايامكم بكل خير

صح لسان كل الشعراء اللي سبقوني وصح لسان كل الشعراء اللي بيشاركون بعدي

هذي مشاركي

[poem=font=",6,blue,bold,normal" bkcolor="transparent" bkimage="" border="none,4," type=1 line=1 align=center use=ex num="0,black""]

إن جيتلك ماجيت من ضمن الشواعير = إن جيت جيت بشعر كله جزاله
ولانرتجي بالشعر جمع الدنانير = مايغتني من حط بالشعر ماله
نكتب ونعرف وش خفا داخل البير = وللشعر ميدان ٍ وحنا رجاله
واليوم وسط المنتدى جيت ابااغير = واعلن على الشعّار حب الاصاله
وأطلب من اللجنه تجي تظبط السير = كل يجود بالمواقف دلاله
إليا انتفض عج المغيره على خير = كل(ن) يعاين باليمين وشماله
وإليا اهتفت لي بالواقف جماهير = تبشر برأس ٍ قام يبرق خياله
وإليا أنتخت زين البنات الغنادير = أطلق وزن قدامنا بري حاله
وإليا انتهت والناس قفو مدابير = كل(ن) يحسب بالمكاسب حلاله
أقفيت اسوق النوق بيض المغاتير = يوم(ن) غيري ناشد ٍ وش جرى له
ذا كسبنا بالشعر يوم المصادير = وكل(ن) يبي فالي على كيف فاله
وما أقول أنا خير الرجال المناعير = لكنّ لي موقف وجيت بمجاله
وأعرف ترى غيري رجال ٍ مشاهير = محسوب أنا ياناس بأصغر عياله
ولو حرك جيوشه تراها طوابير = والمجد لو هو عالي ٍ جاء وطاله
وأنا حضرت اليوم وأبغا التباشير = لو كان حض الوقت ميل عقاله
[/poem]

وسلامتكم

أخوكم:

محمد الفريدي