ثمة ما يجول في الخاطر من كلمات إعتذار لإنقطاعي الطويل عن هذا المنتدى وذلك بسبب إنشغالي ... ولكنني أعود لكم بقلب يملاه الود .. وأطرح بين ايديكم هذه المتشابهه التي لا تتشابه .. أخصكم بها دون غيركم من المنتديات .. أرجو أن ترقى إلى ذائقتكم .
[poem=font="arial,6,black,normal,normal" bkcolor="burlywood" bkimage="" border="double,4,black" type=0 line=0 align=center use=ex num="0,black""]
[poem=font=",6,,normal,normal" bkcolor="transparent" bkimage="" border="none,4," type=1 line=0 align=center use=sp num="0,black""]
[poem=font=",6,,normal,normal" bkcolor="transparent" bkimage="" border="groove,4," type=0 line=0 align=center use=ex num="0,black""]
متشابهه .. ما تشابه
فكرت بالدنياء تصاريف وأحوال = لقيتها متشابهه .. ما تشابه
تقبل .. ويضحك مع تباشيره الفال = تدبر .. ويبقى للقلوب الكآبه
تصبح بحال وتمسي الليل في حال = وتجزع عيون وترجهن الذيابه
وليا طلع نور الفجر شرقي الجال = الجال الآخر للغروب وغيابه
يعني كذا طبعه .. على قول من قال = متناقضة ما بين لين وصلابه
أشبهه عذراء تمايل وتختال = تغري عشاشيقه بشوق وصبابه
تسابقوا ياهل الهوى ذبت الشال = عجوز شمطاء مذنبه في شبابه
خضراء رطـّيبة مستجيبة ومدهال = غبراء نحيبه يكسر الجوع نابه
الناس فيها بين نايل ومنوال = طبع البشر لكن قوانين غابه
احد(ن) قضى عمره وراء جمع الأموال = واحد(ن) شكى دق الديايين بابه
والكل منهم يطلب الزود مكيال = وبير القناعة ما روى منه دابه
تلقى ملامح بنت في ثوب رجال = وتلقى رجل ما عذربنه ثيابه
تلقى مره تصبر على حمل الاثقال = وتلقى رجل يجزع بحمل الذبابه
تلقى العلوم اللي تهّول وتهتال = تلقى الحقايق تختلط مع سرابه
شف المطوع خالطه طيش وهبال = يفتي وينصح بالغناء والربابه
دنياء عجايبها جديدات وسمال = لا تفهمه تزداد فيها غرابه
تربط حبل تنفك من شانه حبال = تسل سيف وينثلم في جرابه
اكنز ذهب جمّع صناديق وسلال = يصبح رماد وصوت بوم وخرابه
يا مستريح الروح يا خالي البال = وش تنتظر بين الضـّنك والرحابه
ازهد بها دام آخر الحلم غربال = قبلك زهد فيها النبي والصحابة
[/poem]
[/poem]
[/poem]
العرض المتطور
