[poem=font=",6,black,bold,normal" bkcolor="transparent" bkimage="http://www.b3b7.com/vb/mwaextraedit2/backgrounds/5.gif" border="double,4,black" type=2 line=0 align=center use=ex num="0,black""]
هــرج الـشــمــاتـه عـادة الانـذالـي=اللي هـروجـه بالـتـوالـي شـاعـن
واللي شـمـت بـي فـي غـرام الغالي=مـا لاعـه الـلي بالـمـحــبـه لاعـن
لو شاف عـيـن الريـم فوق الجـالي=ضاعت حـياته والضمـاير ضاعـن
تلـقـاه يـقـعـد فـي مـكـانــن عـالي=ودلا يـخـاف عـيــونـهـن لا راعـن
وراع الهـوى لو صاح مـاله والـي=لو الجـروح الـلـي بـقـلـبــه ذاعـن
وانا سبـب عـوقـي وطـيحـة حالي=راع الجـديـل اللي بـظــلـمـه باعـن
ان صحت من نار الهوى ما سالي=واذا طـلـبــتــه شـوفـتـه مـاطـاعـن
واصبحت مـع ربعي ومـع عـذالي=هـوش وشـمـاتـه لاجـلـهـا ومـلاعـن
ياحيف جرحي مـن رفـيـقـن غالي=لـيـن الـعـروق اللي بـصدره مـاعـن
ارجـي فـرح قـلـبـي وراحـة بـالـي=وطيـفـه الـيـا مـر الـضـمـاير فاعـن
اطرد هـمـومـي فـي خـلاي الخالي=وان زاع هـم اهـل الهـوى ما زاعـن
كـني طـريـحـن فـي نهار قـتـالـي=اوجس طـعـونـن بالحـشـى ومـطـاعـن[/poem]