[poem=font="Simplified Arabic,5,blue,bold,normal" bkcolor="transparent" bkimage="" border="none,4,gray" type=1 line=1 align=center use=ex num="0,black"]
لعنبوا من طلعك من بيـت ابـوك=استـرح بالبيـت كافينـا وجــع
كانها الكشخات والموضة حـدْوك=عندك امك . . . طلعتك ملها سنع!!
ورد دش السوق وخلق الله شكـوك=انهبلـت وقلـت والله و (السبـع)
أستريحـي لايهـمّـك مــااذوك=القمـر كـل (ن) يشوفـه لاطلـع
لـو تجـرّوا باللقافـه كلـمـوك=قولـي ان المسألـه فيهـا شـرع
ولو خواتك يالخشـف ماطلعـوك=كان قلبي مـن جمالـك ماخضـع
ليتهـم يافتنـة الطرقـي نـهـوك=عن طلوع(ن) فجّـر بسـدّي نبـع
صار شي(ن) اشبه بغزوة تبـوك!!=انخذل به قـوم وانتصـروا ربـع
اشهـد ان بمشيتـك ثقـل الملـوك=والحرس قدّام تـردع مـن طمـع
سامـح الله يـوم اهلـك دلعـوك=وسامح السوّاق (شوفيـر) الدلـع!!
ماطرالي غير اركب ب( البيـوك)=لو زعلت وقلت: ابعـد يـاورع!!
طق عرقي والغنج عطر السلـوك=حسبـي الله طـار قلبـي وانقطـع
الزهـر ماخالطـه تعتيـم شـوك=خدّهـا البـرّاق بعيـونـي لـمـع
من ورى المنديل مبسمها ضحـوك=الهـداوه فيـه وانـواع القمـع!!
في زمن لو تشكي لربعـك بكـوك=ولو نخيت اللي على بالـي جـزع
أستويت وصرت في حالي الـوك=كني الطفل (البليـد) (المستمـع)؟؟
وش ذبحنا غيـر ذولا وغيـر ذوك=مـن زمـان الجاهليـة والـبـدع
أسمحي لي كلمة(ن) لاهـان فـوك=العسل مـن ذاق طعمـه ماشبـع!!
بالجريمـه متّهـم وانـت عتقـوك=فـي تمـام السابـعـة الا ربــع
يسعد ام(ن) جابتـك يسعـد ابـوك=اشهد انه ماخذ امـك مـن ولـع!! [/poem]
[align=center]الشاعر / مهند الخالدي [/align]
(
العرض المتطور
