مرثيتي باخوي الغالي محمد عسام غفرالله له واسكنه الفردوس الاعلى

[poem=font="simplified arabic,7,black,bold,normal" bkcolor="transparent" bkimage="backgrounds/8.gif" border="double,9,black" type=2 line=0 align=center use=ex num="0,black""] ياعين هلي دمعتس لاتشحين=هاتي غزير الدمع لاتبخسينه
هلي دموعتس عجلي وش تحرين=القلب جور الوقت بيح كنينه
اسقي رموشتس بازرق الدمع ياعين=لاتذ خرين الدمع لاتذ خرينه
على محمد هلي الدمع تكفين=لاتكنزين الدمع لاتكنزينه
اخوي تاج الراس طلق الحجاجين=قلبي عقب فقده جروحه دفينه
ياالله ياقابل صلات الَمصلين=عساه بالفردوس من ساكنينه
في جنتن كله ورود وبساتين=يقطف ثمر محصول توته وتينه
عليه ازج الدمع من مذنب العين=مالوم عيني يوم فكت سجينه
تقول في وسط الضماير براكين=عليه جفن العين ينثر غشينه
يا الله تجعل منزله وسط علّين=وتكسيه ثوب المغفره والسكينه[/poem]

مشعل عسام التريباني في 20/10/1441هجري

رحمة الله عليه
وسلمت على الرثائيه مشعل التريباني
دمت بخير

عسى مثواه الجنان

اخوي مشعل التريباني
صح لسانك وسلم بنانك ولاهان منطوقك

دمت ودام حرفك



بنت القصيد

صح لسانك يابوعبدالرحمن وعظم الله أجرك وأحسن عزاك وغفر لشقيقك
أسأل الله تعالى أن يتغمده بواسع رحمته وأن يجعل جنة الفردوس مثواه
تحياتي لشخصك لاعــــــــدمنا وجووودك.

تم التنســــــيق

اخواني الافاضل
اخواتي الفاضلات
شكرالكم جميعاعلى الترحم على المرحوم وجزاكم الله خير الجزا

رحمة الله عليه وعلى اموات المسلمين
مرثية جميلة غالينا
تسلم من كل شر

فقد الأخ كسر للظهر
رحم الله أخاك وجميع موتى المسلمين

اخواني الافاضل
جزاكم الله خير ورحم الله والديكم على الدعا لاخي الله لايوريكم مكروه

الله يرحمو وَ يسكنو الجنه
ربي يصبركم وَ يجبر قلوبكم
،
يسلّم منطوقك شاعرنا العذب
إلهي يسعدك دومات يّ مبدع

ماجور ان شاء الله الله يرحمه ويغفر له

صح لسانك شكرا

اخواني الفاضل
اخواتي الفاضلات
شكرالكم على المرور والدعا للمرحوم
جزاكم الله خيرورحم الله والديكم جميعا