الـصـداقــه قـلـيـلـن بـالـعـرب مـن يـحـوشـه=ويـن تـلـقـى رفـيـقــن كـالـسـحـاب الـنـواشـي
لاتـثـاقـلــت حـمــلـك مـن مـداحــم هــروشـه=وشـفـت الاقـدام غـاصت بـالـدروب الـهـلاشـي
يـصـطـفـق تـقـل ذيـبـن والـشـوازن تـنـوشـه=مـايـقـول الـمــشــاكـل مـالــنــا بـه مــهـاشـي
رفـقـة الـنـاس صـارت في مكـاسب قـروشـه=والـمـقـاديـر شـالــت جـامــعــيــن الـشـواشـي
طـيـب الاجـداد سـافـر فـي مـحـامـل نـعـوشـه=واكـثـر الـنـاس عـظـمـن مابـقـى بـه عـراشـي
رزق بـطـنـك مـقـدر قـبـل تـرسـل طـروشـه=كـافـل الـداب الاعـمـى بـالــغـذاء والـمـعـاشـي
يـرزق الـقـلـب ريـمـن زاهــيـاتـن نـقــوشــه=مـع جـمـال الـردايـف ابـيـضن تـقـل شــاشـي
جـسـمــهـا تـقـل يـفـرك فـي لـيـانـة بـروشـه=ومـع بـيـاض الـمـعـازل في وصوفـه نـشـاشي
لـو تـصـف الـعـسـاكـر مـن عساكر جـيـوشـه=مـاتـقـاوم رمــوشـن مـثـل ضـرب الـكـلاشـي
طـاح قـلـبـي جـريـحـن مـن مـضـارب قـفوشه=ويـل قــلـبــن رمـنــه لابـســات الـمــغــاشـي
ابـن عـمــار يـنــثــر بالـشــوارع قـشــوشـه=وصار بالسـوق يـلـبـس سـامـلات الخـيــاشـي
حـال دونـه فـريـقـن مـن مـتــانــش دحـوشــه=من يـشـوفـن نـفـخ بـي وابـتــدى بالـهـواشـي
وهـي امـيــرة بلــدهــا مـاتـزعــزع عـروشـه=ماطـمــع فـي هـواهـا سـاقـطـيـن الخـشـاشـي
مـن وقـعــت بهـواهــا طــاح قـلـبــي بهــوشــه=بـيـن عـقــلـي وقـلـبـي كل يـومــن نـقــاشـي
لـه عـيـونـن نـواعــس سـاحـراتـن رمــوشــه=والـضـمـايـر تـجـيـهـا ثـم تـرجـع عـطـاشـي
اشـهـد انـي سـجـيـنـن طـايـحـن وسـط حـوشه=وان خـلـي مـلـكــنــي فـي غــرامــه بـلاشـي
وان فـكـر الـمـولــع كــل ريـحــن تـطــوشــه=وكل يـومـن تـشـوفـه صوب الاحـبـاب مـاشـي
وان كـبــد الـهــواوي مـاتــذوق الـمــعــوشــه=والـقـوافـي عـشـيـرن داخـل الجـوف جـاشـي
العضو الأكثر نشاطاً هذا اليوم 
العرض المتطور
