الفـــــقـــــر مهـــو عــيــب!!

حبيت اوصف لكم الفقر والشيب يقولون الشيب مابه عيب
والفقر مابه عيب
الا هن العيب اللي يردك عن الواجب هو العيب
جبته من واقع الشيبان وكلهم صفقوللي هههه
[poem=font=",6,orangered,bold,italic" bkcolor="black" bkimage="" border="none,4," type=2 line=1 align=center use=ex num="0,black""]
ياطير فل الريش بين الذوايب=وخل الصدر والمتن كنه مراكيب
وتل السبوق اللي بصدري نشايب=واكفخ بها ما بين طلع المراقيب
بين النجوم المرقبه وسحايب=طيراً تعلى باضلوع المحاديب
واليا نويت تشيل هم الحبايب=اخفض جناجك كنها بالمطاليب
عطهم على فنجال همك سكايب=واسكب لهم من قاف شعرك مكاتيب
وسكر على بيبانها ونشايب =وافتح شبابيك السعه قبل ماتغيب
الهم بابه لفحته له هبايب=يذراء رماد الشوق وجه الحطاطيب
والحب سم وللحبايب نصايب=والفقر شيب(ن) يضحك بوجه خطيب
الفقر شايب يجنحك للمعايب=واللي يرد بواجبك ضنتي عيب!!
ماللي ومال امثالها وسهايب!!=له شيبتن تجرع بها الحلق وتشيّب
والمشكله لا طاح حضك بشايب=وصارت تحني عيبته كاهل الشيب
ان جيت عايب ون تنحيت عايب=يا ذيب وقته لا جهل غدره الذيب
وان قمت عنه يشتكي لك عجايب=وينفض شليله من زمان التعاجيب
هذا الفقر وقل البخت لك قرايب=وصوادف الايام ضيف ومعازيب
وصفق الوله يذراء بعينك شوايب=هذا سموم القيض عج ولواهيب
بين الحنايا مسكن البوح غايب=له مفتلن يضرب على واهج الغيب
يعني على ماقيل مخطي وصايب=ظلمت حضي شرهت العيب ماتصيب
من طاح حضه شاف فتل العصايب=وشاف الزمان اللي قضب مسكت الجيب
ومن طاب ضنه ضنتي راح طايب=يعني يطيب الراس وشلون مايطيب
ومن خاب ضنه ضنتي راح خايب=يعني يدق العرق ساسه ولا يخيب
فرق ضلوعي يازمان الحطايب=واشعل بها بوح الصدر للمناديب
قيس الشعر شبا حصانه نجايب=وانجب مهلهل لا تعزوابه كليب
يا عنتره خلن آسميك هايب=لو حاتم الطائي ثنا دونه شعيب
وياقلب توك ماشربت المصايب=ياقلب خذها من هبوب الملاهيب
يالعنك ياهم(ن) على الصدر رايب=اسجف بها قل البخت بالمصاليب
ليا زمان الشيب شفت العجايب=شفني احني تاللي الشيب بطيب
والمشكله لاطاح حظك بشايب= وصارت تحني عيبته كاهل الشيب

[/poem]
قيس

اخي قيس
قرأت القصيدة فوجدتها معبرة ، وأعدت قراءتها فوجدتها مؤثرة .
هنا النفس الشعري الذي يفي بالمضمووون ولايجد للقارئ فجوة أو فراغ في النص فالتراابط متقن وبحرفنة .
تحياااتي لشااعريتك المتألقه

عندما ابحث عن الروعه والجمال
فحتما سوف ابحر بين حروفك
دون اعجابي بنتقائك الرائع
شكرا الف لتميزك في كتابة القصائد الجميله
لله درك ياقيييس الشعر

اقتباس المشاركة الأصلية كتبت بواسطة عنود بعد حيي عندما ابحث عن الروعه والجمال فحتما سوف ابحر بين حروفك دون اعجابي بنتقائك الرائع شكرا الف لتميزك في كتابة القصائد الجميله لله درك ياقيييس الشعر

تشرفت بك اختي العنود
تعليق يفي بكل تعليق
دمتي اختي الفاضله

اقتباس المشاركة الأصلية كتبت بواسطة فهد الزعيزع اخي قيس قرأت القصيدة فوجدتها معبرة ، وأعدت قراءتها فوجدتها مؤثرة . هنا النفس الشعري الذي يفي بالمضمووون ولايجد للقارئ فجوة أو فراغ في النص فالتراابط متقن وبحرفنة . تحياااتي لشااعريتك المتألقه

فهد الزعيزع
شاعرنا القدير
مرورك بحد ذاته تميز وابداع

تقديري لك وخالص شكري

مشكور
كل الشكر

ارد على الكل واقول من ارد النقاش
فاليكتب باسلوب حضاري ومهذب

واعرف اشخاص أطيب مني ومنك
ولكن حدهم الفقر فسكر بابهم

كما نرى من يزوج ابنته ذات الاربعه عشر ربيعاً
لشايب من شان
الحاجه وسبب الفقر
ولا يعتقد ان العيب هو عيب الاخلاق
لا العيب هو من يردك عن الواجب
وقد ذكرته بالقصيده
تقديري لكم

ومن اراد النقاش فانا مستعد ولكن
باسلوب مهذب

كان لي رد هنا على قصيدة اخوي / قيس الحسيني ..
لكن تم تغييره من قبله ..

وكان تعليقي .. " ان الفقر والشيب ما هو عيب وهذا شي معروف من قديم الزمن .. وياما سمعنا من قصص من اول يوم الناس ما تلقى ما تاكل وتشرب كانت كريمه ومن جاها ما يرجع خايب حتى وهم بسنه جدبا .. وان بغيته بالزمن هذا رح لك يم اي عامل نظافه وشفه يتغدا ولا يتعشا وقله ابي اكل معك ما راح يردك وهو حالته رديه ويمكن يالله بالله يكفيه اكله .. بعكس اللي معهم فلوس بالوقت هذا يمكن تلقى العيب كله مجتمع فيه ولو ان الفلوس تعزك بالوقت هذا لكن تبقى كلمة ونعم والطيب يذكر وصعبه .. وكلامي ما ينطبق على الجميع ياما ناس عندهم فلوس ويستاهلون قولت ونعم وطيبين وكريمين "

اتمنى اني نقلت كلامي بالضبط اذا كنت اذكره زين .. هذا ما تم تغييره
واتمنى انه ما يغير لا كلامي ولا كلام غيري حتى لو كان فيه كلمات نابيه
لكي يراه الجميع ..


جل تقديري واحترامي لهذا الصرح الشامخ ..

وشكرا ً

اقتباس المشاركة الأصلية كتبت بواسطة " طلال الشمري " كان لي رد هنا على قصيدة اخوي / قيس الحسيني .. لكن تم تغييره من قبله .. وكان تعليقي .. " ان الفقر والشيب ما هو عيب وهذا شي معروف من قديم الزمن .. وياما سمعنا من قصص من اول يوم الناس ما تلقى ما تاكل وتشرب كانت كريمه ومن جاها ما يرجع خايب حتى وهم بسنه جدبا .. وان بغيته بالزمن هذا رح لك يم اي عامل نظافه وشفه يتغدا ولا يتعشا وقله ابي اكل معك ما راح يردك وهو حالته رديه ويمكن يالله بالله يكفيه اكله .. بعكس اللي معهم فلوس بالوقت هذا يمكن تلقى العيب كله مجتمع فيه ولو ان الفلوس تعزك بالوقت هذا لكن تبقى كلمة ونعم والطيب يذكر وصعبه .. وكلامي ما ينطبق على الجميع ياما ناس عندهم فلوس ويستاهلون قولت ونعم وطيبين وكريمين " اتمنى اني نقلت كلامي بالضبط اذا كنت اذكره زين .. هذا ما تم تغييره واتمنى انه ما يغير لا كلامي ولا كلام غيري حتى لو كان فيه كلمات نابيه لكي يراه الجميع .. جل تقديري واحترامي لهذا الصرح الشامخ .. وشكرا ً

انا راح ارد عليك برد عميق وليس نظره سطحيه
اولاً لاتحسب قل المال عيب
بل مرحله الفقر لا يجد مالاً ابد
من عاش على الناس
وثانياُ نسمع في فلان ذو حاجه
ولكن مستعفف اي عنده عفه وقاضي حاجته
وهاذا ليس الفقر
هل تعلم ان العمال اللي عندك
اغنياء عند غيرهم من جلدتهم
تحت خط الفقر حتى انهم يبيعون اعضاهم
للغير


في القديم فيه قصه
وقل من يعرفها وهو شخص اجدبت عليه الحال وهو واطفاله
حتى انه لايجد من يذهب اليه وكانت سنه قحط
وربعه رحلوا الى العراق لكثرت الخير فيها
وهو لا يجد مايشيل عليه بيته
وكل ربعه ذبحوا رحايلهم ولم يتركوا الا ما يشيل اغراضهم
ولم يذهب معهم
وكان معه بارود وبه طلقه واحده
واطفاله الخمسه يبكون جوعاً طبعن بعد شهور من رحيل
ربعه
وكان يذهب عن البيت خوف ان ياتيه ضيف وهو لا يجد
سوى الماء
المهم
قال لا مراته شوفي اي شي ياكلونه لو من خشاش الارض
ولكن لم تجد شي
فوقف في حيره فقال اريد ان اذهب فاعطيني بندقيتي
وقالت ماذا تريد ان تفعل قال
اولادي صغار ولم نجد شي واريد منكي ان تصبري على ما سافعله
ان تركت اطفالي سوف يموتون جميعاً اريد منكي
ان تختاري احدهم
وليس لنا خيار ثاني فبكت وقالت لا اعلم ايهم قال
ارسلي للي بنتي ذات سبعه اعوام فلانه
وقوللي الحقي بوالدك
وذهب وارسلت ابنتها فلما سمعت الرميه
اغمي على الام
وقد اتاها البرص والغريب انه لم يرمي ابنته
بل بصدفه قبل ان يرميها شاف كلب وكانه نازل من السماء عليه
هــــاذا من عيوب الفقر قديم
الثاني لا يخفا الجميع من اضطر الى اكل الحرام
سواء من البهائم المحرمه كا لكلاب وغيرها في القديم وهذه مثبته
برجال كبار سن
اليس هذا عيب الفقر بالقديم
اما الان اذهب برا السعوديه خاصه بافريقيا وسوف ترى العجب
وعندك الان
من يزوج ابنته من شان الحاجه للمال جره الفقر
ان يضحي بفلذه كبده
اليس هاذا اسبابه الفقر
ولو كان غني لما فعل ذالك
وبعدين مقصدي واضح فيه رجال مع الفقر
لم يتغيروا به
وقد ذكرته باخر بيتين كاتشبيه للي
وفيه المشكله الاعظم اذا كان فقر وشيب وهو اخر بيت

اما اذا حاب تجرب فاجعل نفسك بدون مال لاأشهر فقط
وشوف كلام الصحيح لوجدت كلامي صحيح
وقلت ابوالعيب هههه

والرسول صلى الله عليه وسلم تعوذ منه
((وضمه)) مع بالبخل والجبن وغلبت الرجال
وكلهن معيبات
ليس بالاخلاق انما بصفه
اي لو وجدت رجل يبكي تقول عيب عليك
ولو رجل تغير مبداه تقول عيب عيك

تقديري لك

انت استشهدت بقصه بالماضي وكانوا يعرفون لا صار احدهم محتاج ويعرفون من هو
واللي يتغيب عن الناس هذا عفن ما فيه من الطيب شي حتى لو احد سير عليه تلقاه يقعد ويسوي اللي موجود بالبيت
ويقول هذا هو الجود من الماجود .

فيه قصه رجل فقير كان طاق خيمتن له بمكان مرتفع يعني اللي يمر يشوفه
وفيه واحد تايه عن ربعه وشاف نار وجاء يمها ولقى هالفقير
الفقير ما يملك شي غير معزا تدر عليه من الحليب حتى مهو كثير يعني هذي راس ماله
راح ذبحها وعشا الرجال وهو فقير ما يلقى ما ياكل لكن هذي عادات العرب وتقاليدهم .

انت تقول من ناحيه دينيه انه هذا ذل .. الاسلام عز الانسان واكرمه
فلو كان في حاجه ماسه الى اكل اي شي فهو مباح له وهذا من رحمة الله وفضله علينا ولا هو عيب او ذل .

واللي يزوج بنته لشخص على شان " الماده " هذا فعله غلط لانه هذي مهي بضاعه تساوم عليها ...!!!

الانسان مهما كان محتاج الناس تعذره وتقدر مستحيل تبي تجي يم فقير وتقول له اذبح لي وافعل علي
وما يجي يم الفقير ويعذرب فيه الا ردي النفس وضعيف الهقوه .


انت استشهدت بقول الرسول .. ولا بعده قول لكن شف وش يقصد به الرسول
لانه لو بكون فقير بيفتح علي مفاتيح بقول اتاجر بامور ممنوع وادخل بالحرام وكلنا نعرف انه به فلوس
على شان كذا الرسول تعوذ منه .. لكن شف وش كان اكل الرسول اول الاسودان فقط ..!!!!

هذا مهو فقر برأيك ؟؟

بديت هالصفحة بقصيدة وانتهيت بنقاشات

بعرف باي قسم انا القوافي والا النقاش

وش فيكم

عموما

صح لسانك قيس

تحية طيبة

اقتباس المشاركة الأصلية كتبت بواسطة najla بديت هالصفحة بقصيدة وانتهيت بنقاشات بعرف باي قسم انا القوافي والا النقاش وش فيكم عموما صح لسانك قيس تحية طيبة

صح بدنك

اختي نجلا

على قولتك

تقديري لكي

الفقير اللي طلع من بيته انت من استشهد له بانه عفن صح

انظر ماذا فعل به الفقر

وهو ممكن ان يكون من اكرم الناس

والضيف مثل رايك لا يعلم هل هو صادق ام لا

فقديماً يضيفك من لا تعرفه طرقي مثلاً

وسوف يقول مثل قولك وهذا الواقع

ماقلته انت عفن لكن الحاجه والفقر خلاه يركع

غصب

تقديري وشكري لك

يارب تكفينا شر الشيب والفقر
الفقر مامعه مرجله

صح لسانك قيس بعد حيي
يسلم راسك

اقتباس المشاركة الأصلية كتبت بواسطة •· منذر·• يارب تكفينا شر الشيب والفقر الفقر مامعه مرجله صح لسانك قيس بعد حيي يسلم راسك

صح بدنك اخي المنذر

تقديري لك