هاذي عروبتنا سواليف واوهام = مامن جديد الا الفخر والغناوي
بسم الله الرحمن الرحيم
السلام عليكم ورحمة الله وبركاته
اطرح لكم قصيدتي هذه وان شالله تنال اعجابكم ::
البارحه من جور الايام منضام
من كثر ماشفت النكد والبلاوي
..
لو نامت عيوني ترا القلب مانام
ولو شفت ضحكاتي ترا الهم هاوي
..
بسباب ناسٍ شفتها تال الايام
اللي يحسبون العروبة حكاوي
..
هذا ولد شيخٍ محنك ومقدام
الصامل النادر بعيد الهقاوي
..
وهذا فهيم وينذكر عبر الاعلام
وهذاك فعله يذكره كل راوي
..
وهذا يفكر كيف يدخل بالارقام
وهذا يشوش الياجدعن الغطاوي
..
وهذاك يبكي من سبب موت صدام
وهذا عقب صدام اصبح نداوي
..
هاذي عروبتنا سواليف واوهام
مامن جديد الا الفخر والغناوي
..
وين العرب صوب العروبه والاسلام
الشام مجروحه ولا له مداوي
..
اخواننا تذبح وتسلخ وتنضام
وحنا انتفاخر بالنسب والعزاوي
..
يالله ياللي للخفيات علام
انت الوحيد ولا لغيرك رجاوي
..
يامنزلٍ عم وتبارك والانعام
انت الكريم وسامعٍ للدعاوي
..
اجعل نهاية عامل الفرس الاعدام
ارسل على بشار كل البلاوي
..
وتنصر جيوش الحر في ديرة الشام
امين تنصرهم على كل غاوي
..
اخوي متعب اللغيصم
يسعدني ان احجز مقعد بين كلماتك
ـويسعدني اكثر ان امر بحديقة سطوركـ الذهبيه
راق لي نزف قلمكـ المعطاء
ودي وشذى الورد
في آنتظآر جديدك وبكل شوق
من دافع التقدير بين المخاليق .
ومن دافع الشيمه وباب الصداقه
سلام ياروس الرجال المطاليق.
ساس المراجل والوفا والطلاقه.
تحية ترقى بروس الشواهيق .
وتلقى لها وسط الضماير شفاقه
من شاعر يقطف ابكار الزماليق
ويرسل لعطران لشوارب(بطاقه)
بليق بأهل العرف والطيب وتليق
باللي علي الخوه مجود وثاقه
ويالله عساكم من جهنم معاتيق
بحق من كل البشر في وثاقه